२ पत्रुस 2:9 - नेवाः बाइबल

⁹ भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।

२ पत्रुस 2:9 Referans Kwoze

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

२ तिमोथी 3:12

ख्रीष्‍ट येशूयात मानय् यानाः वय्‌कलं धाःथें च्‍वनीपिन्‍त ला थथे दुःखकष्‍ट जू हे वइ।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

हितोपदेश 16:4

परमप्रभुं फुक्‍कं थःगु हे तातुनां कथं दय्‌कादीगु खः। दुष्‍टतय्‌त तक नं वय्‌कलं हे विनाशया ईयात धकाः दय्‌कादीगु खः।

अय्‍यूब 5:19

खुगू विपत्तितपाखें वय्‌कलं छन्‍त बचय् यानादी। न्‍हय्‌कःखुसीया विपत्तिं नं छंगु छुं स्‍यनी मखु।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

भजनसंग्रहया सफू 4:3

परमेश्‍वरं धर्मीतय्‌त थःगु हे निंतिं ल्‍ययातःगु खः धकाः छिमिसं थुइकि। जिं सःतेबलय् परमेश्‍वरं जितः लिसः बियादी!

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

अय्‍यूब 21:30

विपत्तिया दिनय् दुष्‍ट सुरक्षित जुयाच्‍वनी, तंया दिनय् वयात बचय् याइ।

भजनसंग्रहया सफू 12:1

हे परमप्रभु! जिमित ग्‍वाहालि यानादिसँ। भिंपिं मनूत छम्‍ह हे मदये धुंकल। विश्‍वास यायेबहःपिं सुं हे मन्‍त।

भजनसंग्रहया सफू 37:33

परमेश्‍वरं मभिंम्‍ह मनूयागु ज्‍या ताःलाके बियादी मखु, अले न्‍याय याइबलय् भिंम्‍ह मनूयात दोषी ठहरय् यानादी मखु।

हितोपदेश 12:13

दुष्‍ट मनूत थःगु हे मभिंगु खँया जालय् क्‍यनी। तर धर्मी मनूत दुःखया जालं पिहां वइ।

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

मत्ती 10:15

जिं छिमित खःगु खँ धाये – न्‍याय यानादीबलय् परमेश्‍वरं सदोम व गमोरा शहरय् च्‍वंपिन्‍त स्‍वयाः अप्‍वः थ्‍व शहरय् च्‍वंपिन्‍त सास्‍ती यानादी।”

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

१ शमूएल 29:10

अय्‌जूगुलिं कन्‍हय् सुथ न्‍हापां हे दनाः छनापं वःपिं मनूतनापं तुयुजः वयेवं थनं याकनं हुँ।”