२ पत्रुस 2:13 - नेवाः बाइबल

¹³ कर्पिन्‍त दुःखकष्‍ट बिया तःगुया पलेसा इपिं नं दुःखकष्‍ट हे फयाः सिनावनी। न्‍हिनय् हे इमिसं थःत यःथें मोजमज्‍जा याना जुइ। इपिं नाप नयेत्‍वने यायेगु हे छिमित मछालापुगु व हेला जुइगु खँ खः। इमिसं न्‍ह्याबलें थगय् यायेत जक स्‍वयाच्‍वनी।

२ पत्रुस 2:13 Referans Kwoze

रोमी 13:13

थुकथं झीगु चालचलन जलय् च्‍वंपिनिगु थें याये माल, उकिं झीसं मोजमज्‍जा यायेगु, अय्‌लाः त्‍वना जुइगु, व्‍यभिचार यायेगु, लाः लाः थे सना जुइगु, ल्‍वापु यायेगु, नुगः मुइकेगु त्‍वःताछ्वये माल।

१ पत्रुस 4:4

छिपिं आः अथे म्‍वाःमदुगु ज्‍याखँय् इपिं नाप सना मजूगुलिं परमेश्‍वरयात म्‍हमस्‍यूपिं मनूत अजू चायाच्‍वंगु दु। उकिं इमिसं छिमित मभिंका जुइ।

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

२ पत्रुस 2:15

इपिं भिंगु लँपु त्‍वःताः मभिंगु लँपुइ वनाच्‍वंगु दु। अगमवक्ता जुयाः नं मभिंगु ज्‍या यानाः धिबा कमय् यायेत स्‍वःम्‍ह बओरया काय् बालामयागु लँपुइ इपिं वनाच्‍वंगु दु।

२ तिमोथी 4:14

अलेक्‍जेन्‍डर सिजःकःमिनं जितः तसकं बांमलाकल। प्रभुं वयात यायेमाःगु यानादी।

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

श्रेष्‍ठगीत 4:7

जिमि प्रिय, छ तसकं हिसि दु, छंके छुं नं ख्‍वं मदु।

याकूब 5:5

थ्‍व संसारय् छिमिसं मोजमज्‍जा यानाच्‍वंगु दु। न्‍याय याइबलय् सीगु दिनया लागि छिमिसं थःपिन्‍त ल्‍ह्वंका च्‍वन।