२ पत्रुस 1:21 - नेवाः बाइबल

²¹ अगमवक्तातय्‌सं धाःगु खँ मनूतय्‌सं यसें धाःगु मखु। इपिं परमेश्‍वरया मनूत खः। अय्‌जूगुलिं पवित्र आत्‍मां इमित धयादीगु खँ जक इमिसं धयावंगु खः।

२ पत्रुस 1:21 Referans Kwoze

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

लूका 1:70

थथे जुइ धकाः ला वय्‌कलं न्‍हापा हे पवित्रपिं अगमवक्तातय्‌गु म्‍हुतुं न्‍ववानादीगु खः।

२ शमूएल 23:2

परमप्रभुया आत्‍मां जिके जुयाः नवानादिल, वय्‌कःया वचन जिगु म्‍हुतुइ हे दु।

प्रेरित 1:16

“दाजुकिजापिं, येशूयात ज्‍वंकूम्‍ह यहूदाया खँय् न्‍हापां हे दाऊदया म्‍हुतुं पवित्र आत्‍मां नवाःगु खँ धर्मशास्‍त्रय् च्‍वयातःगु खः। थथे जुइ हे माःगु खः, अले जु नं जुल।

हिब्रू 10:15

थ्‍व हे खँय् पवित्र आत्‍मां नं थथे धकाः साक्षी बियादीगु दु –

प्रेरित 3:18

थ्‍व ला परमेश्‍वरं न्‍हापां हे अगमवक्तातय्‌त मुक्ति बीम्‍ह ख्रीष्‍टं दुःख सी हे माः धकाः धाय्‌कादी थें पूवंकादीगु खः।

मर्कूस 12:36

पवित्र आत्‍मां जायाः दाऊद थःम्‍हं हे थथे धयावंगु खः – “‘छं शत्रुतय्‌त छंगु पालि तःले मततले छ जिगु जवय् च्‍वनाच्‍वँ धकाः परमप्रभुं जिमि प्रभुयात धयादिल।’

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

हिब्रू 3:7

पवित्र आत्‍मां थथे धयादीगु दु – “थौं छिमिसं परमेश्‍वरयागु सः ताल धाःसा,

गन्‍ती 16:28

अले मोशां धाल, “थुकथं थुपिं फुक्‍क ज्‍या यायेत परमप्रभुं जितः छ्वयाहयादीगु खः धकाः छिमिसं सी। थ्‍व जिगु थःगु हे बिचाःकथं यानागु मखु।

प्रेरित 28:25

थःथवय् खँ मिलय् मजूगुलिं इपिं अनं वनेत्‍यन। इपिं वने न्‍ह्यः पावलं थथे धाल – “यशैया अगमवक्तायागु म्‍हुतुं पवित्र आत्‍मां छिकपिनि तापाःबाज्‍यापिन्‍त थथे धयादीगु खःगु हे खँ खः –

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

हिब्रू 9:8

न्‍हापांगु पाल दयाच्‍वंतले महा-पवित्रगु थासय् दुहां वनेगु लँ चाइ मखु धकाः पवित्र आत्‍मां क्‍यनादीगु दु।

१ राजा 13:1

यारोबाम बलि बीत वेदी लिक्‍क दनाच्‍वंबलय् परमप्रभुया आज्ञाकथं परमेश्‍वरया छम्‍ह मनू यहूदां बेथेलय् वल।

यहोशू 14:6

यहूदायापिं छुं मिजंत गिलगालय् यहोशूयात नापलाः वल। अले कनज्‍जी यपुन्‍नेया काय् कालेबं वयात धाल, “परमेश्‍वरया मनू मोशायात कादेश-बर्नेय् परमप्रभुं छिगु व जिगु बारे धयादीगु खँ छिं सि हे स्‍यू।

मीका 3:7

दर्शन खनीपिं मनूत लज्‍या चाइ, अले ज्‍वखना स्‍वइपिनिगु ख्‍वाः ह्याउँसे च्‍वनी। इपिं सकसिनं थःगु ख्‍वाः त्‍वपुइ, छाय्‌धाःसा इमित परमेश्‍वरपाखें लिसः दइ मखु।”

२ इतिहास 8:14

दाऊदं आज्ञा ब्‍यू थें वं पुजाहारीतय्‌त सेवाया ज्‍या यायेत पुचः पुचः यानाः पलिस्‍था यात। लेवीतय्‌त नं इमिगु प्रशंसा याय्‌गु ज्‍या व न्‍हियान्‍हिथं पुजाहारीतय्‌त ग्‍वाहालि बीगु ज्‍या बियातःगु दु। वं ध्‍वाखा पिवाःतय्‌गु ज्‍या याइपिं पुचः पुचःकथं तयातःगु दु। सोलोमनं परमेश्‍वरया मनू दाऊदं आज्ञा ब्‍यू थें फुक्‍क अथे हे यानातःगु दु।

२ राजा 6:15

कन्‍हय् खुन्‍हु सुथ न्‍हापां दनाः एलीशाया च्‍यः छेँनं पिहां वन। वं सल व रथतनापं अरामी सेनां शहरयात घेरय् यानाच्‍वंगु खन। परमेश्‍वरया मनूया च्‍यलं लिहां वयाः एलीशायात धाल, “हे प्रभु, आः झीसं छु यायेगु?”

२ राजा 6:10

उकिं परमेश्‍वरया मनुखं क्‍यंगु थासय् इस्राएलया जुजुं जाँचय् यानाः स्‍वल। एलीशां जुजुयात तःकः मछि ख्‍याच्‍वः बियां तुं च्‍वन, उकिं अज्‍याःगु थासय् व होश यानाच्‍वन।

१ राजा 17:24

अले विधवा मिसां एलियायात धाल, “छि परमेश्‍वरया मनू खः, अले छिगु म्‍हुतुं पिहां वःगु परमप्रभुया वचन सत्‍य खः धकाः आः जिं सिल!”

१ इतिहास 23:14

परमेश्‍वरया मनू मोशाया काय्‌पिन्‍त लेवी कुलय् ल्‍याः खात।

२ राजा 4:22

अनंलि वं थः भाःतयात सःताः धाल, “जिथाय् छम्‍ह गधानापं छम्‍ह च्‍यः छ्वयाहयादिसँ। जितः अगमवक्ता एलीशायाथाय् वनेमाःगु दु। जि गुलि फत उलि याकनं लिहां वये।”

२ राजा 4:9

व मिसां थः भाःतयात धाल, “थन अप्‍वः थें वयाच्‍वनीम्‍ह मनू परमेश्‍वरया पवित्रम्‍ह मनू खः धकाः जिं स्‍यू।

व्‍यवस्‍था 33:1

थः सिनावने न्‍ह्यः परमेश्‍वरया मनू मोशां इस्राएलीतय्‌त ब्‍यूगु सुवाः थ्‍व खः।

२ राजा 4:7

व भाःत मदये धुंकूम्‍ह मिसा वनाः परमेश्‍वरया मनूयात थ्‍व खँ कन। अले वं धाल, “हुँ, चिकं मियाः त्‍यासा पु। ल्‍यं दुगु धिबां छ व छिमि काय्‌पिं म्‍वानाच्‍वने फइ।”

यर्मिया 23:26

मखुगु व थःगु हे मनया छलया अगमवाणी ल्‍हाइपिं थुपिं फताहा अगमवक्तातय्‌गु मनय् गुबलय् तक थ्‍व खँ दयाच्‍वनी?

इजकिएल 1:3

बेबिलोन देशया कबार खुसिया सिथय् परमप्रभुया वचन बूजीया काय् इजकिएल पुजाहारीयाथाय् वल। अन परमप्रभुयागु शक्ति वयाके खनेदत।

मीका 1:1

यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।