२ यूहन्‍ना 1:3 - नेवाः बाइबल

³ अले थ्‍व हे सत्‍य व मायां यानाः परमेश्‍वर बाः व वय्‌कःया काय् येशू ख्रीष्‍टं झीत दया माया व शान्‍ति बियादी।

२ यूहन्‍ना 1:3 Referans Kwoze

१ यूहन्‍ना 4:10

झीसं परमेश्‍वरयात माया यानागु मखु, बरु वय्‌कलं हे झीत माया यानादीगुलिं झीगु पाप क्षमा यानाबीत थः हे काय्‌यात बलिदान यायेत छ्वयाहयादिल – माया धयागु थ्‍व हे खः।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

१ तिमोथी 1:2

विश्‍वासय् जिम्‍ह काय् थें जुयाच्‍वंम्‍ह तिमोथीयात ज्‍वजलपा। परमेश्‍वर बाः व झी प्रभु येशू ख्रीष्‍टयापाखें छन्‍त दया माया व शान्‍ति दयेमा।

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

२ यूहन्‍ना 1:1

परमेश्‍वरं ल्‍ययादीम्‍ह मिसा व वया मस्‍तय्‌त जि मण्‍डलीया थकालिं छिमित धात्‍थेंयागु माया याना। सत्‍ययात म्‍हस्‍यूपिं फुक्‍कसिनं छिमित माया यानाच्‍वंगु दु।

२ तिमोथी 1:13

ख्रीष्‍ट येशूं झीत क्‍यनादीगु विश्‍वास व माया थें छं नं जिं धयागु फुक्‍क खँ याना क्‍यँ।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”