१ तिमोथी 6:21 - नेवाः बाइबल

²¹ छाय्‌धाःसा गुलिसिनं ला थज्‍याःगु खँय् जुयाः विश्‍वासयागु लँ हे त्‍वफिका छ्वःगु दु। परमेश्‍वरं छिमित दया माया यानादीमा।

१ तिमोथी 6:21 Referans Kwoze

२ तिमोथी 2:18

इपिं सत्‍ययागु लँपुं चिलावने धुंकल। इमिसं सीपिं न्‍हापा हे म्‍वाना वये धुंकल, आः म्‍वाना वइ मखुत धकाः न्‍यंका जुयाः गुलिखय् विश्‍वासीतय्‌त स्‍यंकाबी धुंकल।

१ तिमोथी 1:19

विश्‍वास यायेगु व भिंगु खँ मतिइ तयेगु त्‍वःते मते। मति मभिना वंगुलिं ग्‍वःम्‍हय्‌सिनं ला विश्‍वास यायेगुनापं त्‍वःते धुंकल।

कलस्‍सी 4:18

जि पावलं थःगु हे ल्‍हातं छिमित ज्‍वजलपा च्‍वयाच्‍वनागु दु। जि झ्‍यालखानाय् लानाच्‍वंगु खँ छिमिसं ल्‍वःमंके मते। परमेश्‍वरं छिमित दया माया यानादीमा।

हिब्रू 13:25

छिपिं फुक्‍कसितं परमेश्‍वरं दया माया यानादीमा। आमेन।

तीतस 3:15

जि नाप दुपिं फुक्‍कसिनं छन्‍त ज्‍वजलपा धयाहःगु दु। जिमित माया याइपिं आम्‍कन च्‍वंपिं विश्‍वासीतय्‌त नं जिमिसं ज्‍वजलपा धयाहःगु दु धकाः धयाब्‍यु। परमेश्‍वरं छिपिं फुक्‍कसितं दया माया यानादीमा।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

१ तिमोथी 1:6

गुलिखय् मनूत ला थज्‍याःगुपाखे लिचिलाः म्‍वाःमदुगु खँय् जुयाच्‍वंगु नं दु।

रोमी 16:23

मण्‍डलीयात व जितः थःगु पाहां ब्‍वंम्‍ह गायसं छिमित ज्‍वजलपा धयाहःगु दु। शहरयाम्‍ह दांभरिं इरास्‍तस व झीम्‍ह विश्‍वासी किजा क्‍वार्टसं छिमित ज्‍वजलपा धयाहःगु दु।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’