१ तिमोथी 3:3 - नेवाः बाइबल

³ अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

१ तिमोथी 3:3 Referans Kwoze

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

१ तिमोथी 3:8

ग्‍वाहालि याइपिं नं अथे हे भिंपिं व दुग्‍यंपिं जुइमाः। इपिं निता खँ मल्‍हाइपिं, अय्‌लाखं काय्‌का जुइ मखुपिं, अले धिबायागु लोभ मयाइपिं जुइमाः।

याकूब 4:1

छिमिगु दथुइ ल्‍वापुख्‍यापु गनं वल? मोजमज्‍जा यानाजुइगु बिचारं यानाः थथे जूगु मखु ला? थ्‍व इच्‍छा छिमिगु हे नुगलय् च्‍वंगु खः।

यशैया 28:7

पुजाहारीतय्‌सं व अगमवक्तात नं यक्‍व दाखमद्य त्‍वनी कि इमिगु तुति थातय् लाइ मखु। इमिसं थुलि यक्‍व अय्‌ला त्‍वने धुंकूगु दु कि इपिं अलमल जुयाः तुति तक्‍यंकाः न्‍यासिवनि। अगमवक्तातय्‌सं अय्‌ला त्‍वनाः काय्‌काजुल धाःसा परमेश्‍वरं बियादीगु दर्शनयात थुइके फइ मखु अले पुजाहारीत नं अथे हे काय्‌काः थःथाय् हःगु खँया बारे बांलाक बिचाः याये फइ मखु।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

हिब्रू 13:5

छिमिगु जीवनय् धिबायागु लोभं तापाक च्‍वँ। थःके गुलि दु उलिं हे लुधंका च्‍वँ। परमेश्‍वरं धयादीगु दु – “जिं छिमित गुबलें त्‍वःते मखु, जिं छिमित गुबलें त्‍यागय् याये नं मखु।”

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

तीतस 1:11

थुमिगु म्‍हुतुप्‍वाः तिनाबीमाः। धिबायागु निंतिं थुमिसं स्‍यने मज्‍यूगु खँ स्‍यनाः छेँ स्‍यंकाच्‍वंगु दु।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

मत्ती 21:13

अले इमित धयादिल – “धर्मशास्‍त्रय् थथे च्‍वयातःगु दु – ‘जिगु छेँ प्रार्थना यायेगु छेँ खः।’ छिमिसं ला थुकियात खुँ दाखुँतय्‌गु छेँ धकाः यानाच्‍वन।”

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

मीका 3:5

परमप्रभुं थथे धयादी, “जिमि प्रजायात मभिंगु लँपुइ यंकीपिं अगमवक्तातय्‌त सुनानं नयेत ब्‍यूसा इमिसं ‘शान्‍ति शान्‍ति’ धकाः हाला हइ। वं नयेत मबिल धाःसा वयागु विरोधय् ल्‍वाःवनेत इपिं तयार जुइ।

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

इजकिएल 44:21

दुनेया चुकय् वनीबलय् सुं नं पुजाहारीं दाखमद्य त्‍वने मज्‍यू।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

उपदेशक 7:8

छुं ज्‍याया शुरु स्‍वयाः उकिया क्‍वचाय्‌केगु तसकं बांलाः। धैर्य यायेगु घमण्‍डी जुइगु स्‍वयाः बांला।

हितोपदेश 15:27

मभिंगु ज्‍या यानाः मुंकूगु कमाइनं छेँय् संकट हइ। घुस काये मते, अले छ यक्‍व म्‍वाइ।

हितोपदेश 1:19

मभिंगु ज्‍या यानाः मुंकूगु धिबां मनूतय्‌गु ज्‍यान काइ।

१ शमूएल 8:3

वया काय्‌पिन्‍सं धाःसा थः बौनं याःकथं मयात। तर इमिसं थःगु जक भिं यायेगु बिचाः यानाः धिबा कयाः न्‍याय स्‍यंकेगु यात।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,