१ तिमोथी 2:2 - नेवाः बाइबल

² शान्‍ति व चितासू दय्‌कः म्‍वानाच्‍वने फयेमा, अले परमेश्‍वरयागु सेवा दुग्‍यंक याये फयेमा धकाः जुजुपिनिगु निंतिं व अधिकार दुपिनिगु निंतिं नं प्रार्थना या।

१ तिमोथी 2:2 Referans Kwoze

एज्रा 6:10

इमिसं स्‍वर्गयाम्‍ह परमेश्‍वर लय्‌ताइगु बलित छायेमा अले जुजु व जुजुया काय्‌पिनिगु भिंया निंतिं प्रार्थना यायेमा धकाः छिमिसं अथे या।

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

हितोपदेश 24:21

हे जिमि काय्! परमप्रभुया भय का, अले जुजुयात हनाबना ति। अले विद्रोह यानाजुइपिंलिसे जुइ मते।

१ थेसलोनिकी 4:11

जिमिसं छिमित न्‍हापा हे धया थें सुं लिसे हाला जुइ मते, थःगु ज्‍या मन तयाः या, अले थःगु हे ल्‍हातं ज्‍या यानाः नयेगु कुतः या।

नहेम्‍याह 1:11

हे परमप्रभु, जिगु व छिगु नांयात हनाबना यायेत लय्‌ताइपिं छि दासतय्‌गु प्रार्थना न्‍यनादिसँ। थौं हे छिकपिनि थ्‍व दासयागु ज्‍या ताःलाकादिसँ। छिं जुजुयात जितः माया याइम्‍ह दय्‌कादिसँ।” उबलय् जि जुजुयात दाखमद्य बीपिनि नायः खः।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

रोमी 12:18

फुक्‍क मनूत नाप फयां फतलय् मिलय् जुयाच्‍वनेगु कुतः या।

भजनसंग्रहया सफू 72:1

हे परमेश्‍वर, जुजुयात न्‍याय गथे यानाः यायेगु स्‍यनाबियादिसँ। जुजुया काय्‌यात धर्मी जुइगु खँ स्‍यनाबियादिसँ।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

प्रेरित 24:16

अय्‌जूगुलिं जिं मनूतय्‌गु न्‍ह्यःने नं परमेश्‍वरयागु न्‍ह्यःने नं थःत यचुकाः ज्‍या याना जुया।”

प्रेरित 10:22

इमिसं धाल – “कर्नेलियस धाःम्‍ह परमेश्‍वरयात मानय् याइम्‍ह व भिंम्‍ह छम्‍ह कप्‍तान दु। वय्‌कःयात यहूदीतय्‌सं नं मानय् याः। पवित्रम्‍ह स्‍वर्गदूतं दर्शन बियाः छितः सःताः छिगु खँ न्‍यँ धकाः वय्‌कःयात धयादीगुलिं जिपिं वयागु खः।”

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

२ शमूएल 20:19

जिमिगु शहर छगू मू शहर खः। इस्राएलय् थ्‍व छगू शान्‍त शहर व राजभक्त शहर खः। छाय् छिसं थ्‍व शहरयात नाश याये त्‍यनागु? गुगु शहर परमप्रभुयागु खः, छु छिसं व शहरयात नाश यायेगु ला?”