१ तिमोथी 1:9 - नेवाः बाइबल

⁹ व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

१ तिमोथी 1:9 Referans Kwoze

गलाती 3:19

अय्‌सा व्‍यवस्‍था छाय् बिल लय्? मभिंगु ज्‍याखँ सीके बीत परमेश्‍वरं झीत व्‍यवस्‍था बियादीगु खः। अय्‌नं परमेश्‍वरं बाचा चिनातःम्‍ह ख्रीष्‍ट मझातले जक व्‍यवस्‍था दयाच्‍वनी। थ्‍व व्‍यवस्‍था परमेश्‍वरं स्‍वर्गदूततय्‌पाखें मोशायात बीके हयादीगु खः। थुकथं मोशा मनूत व परमेश्‍वरया दथुइ ज्‍या याइम्‍ह जुल।

१ पत्रुस 4:18

धर्मशास्‍त्रय् नं थथे च्‍वयातःगु दु – “धर्मीपिं मनूत ला बचय् जुइत तसकं थाकुइ धाःसा परमेश्‍वरयात म्‍हमस्‍यूपिं मनूत झन छु जुइगु जुइ?”

रोमी 5:20

व्‍यवस्‍थां यानाः पाप अप्‍वः दयावल। अय्‌नं गन पाप यक्‍व दयावल, अन परमेश्‍वरयागु दया माया झन अप्‍वः दत।

गलाती 5:23

नम्र जुइगु, स्‍वजा जुइगु, मनयात चिना तयेगु खः। थथे यानाजुइपिन्‍त दोष बीगु छुं हे व्‍यवस्‍था मदु।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

रोमी 6:14

पापयागु अधीनय् छिपिं च्‍वनेमाली मखुत, छाय्‌धाःसा छिपिं व्‍यवस्‍थाया अधीनय् च्‍वनेमाःगु मन्‍त, बरु परमेश्‍वरयागु दया मायां म्‍वानाच्‍वंपिं खः।

रोमी 1:30

ख्‍वाः ल्‍युने कर्पिन्‍त मभिंकाः खँ ल्‍हाः जुइगु, परमेश्‍वरयात हेला यायेगु, तःधंछुयाः कर्पिन्‍त हेला यानाः खँ ल्‍हायेगु, घमण्‍डी जुइगु, जि हे खः तःधंम्‍ह धकाः जुइगु, मभिंगु बांमलाःगु जक ज्‍याखँ यानाजुइगु व मां बौयात मानय् मयायेगु।

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।

१ पत्रुस 3:20

नोआं न्‍यंकूबलय् मनूतय्‌सं विश्‍वास हे मयाः। नोआं जहाज दय्‌का च्‍वंतले इमिसं विश्‍वास याइ ला धकाः परमेश्‍वरं तःन्‍हु हे पियादिल। संसार लखं जाःबलय् च्‍याम्‍ह जक मनूत म्‍वात, मेपिं फुक्‍कं सित।

हिब्रू 11:31

विश्‍वासं हे राहाब धाःम्‍ह वेश्‍या परमेश्‍वरयात मानय् मयाःपिं नाप सिनावने म्‍वाःल, छाय्‌धाःसा वं चिवा काय्‌के छ्वयाहःपिं मनूतय्‌त लसकुस यात।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

रोमी 4:13

अब्राहामयात व वया सन्‍तानतय्‌त हे थ्‍व संसार बियादी धकाः बाचा चिनादीगु व्‍यवस्‍था मानय् याःगुलिं मखु बरु विश्‍वासं धर्मी ठहरय् जूगुलिं खः।

मत्ती 10:21

“मनूतय्‌सं थः हे दाजुकिजापिन्‍त महियाः स्‍याके बी। बौनं थः हे काय् म्‍ह्याय्‌पिन्‍त, अले काय् म्‍ह्याय्‌पिन्‍सं थः हे मां बौयात महियाः स्‍याके बी।

इजकिएल 21:25

“‘अय् इस्राएलयाम्‍ह अपवित्र व दुष्‍ट शासक, छंगु लिपांगु दिं व सजाँयया ई थ्‍यंकः वःगु दु।

यर्मिया 23:11

“अगमवक्तात व पुजाहारीत तक नं परमेश्‍वरयात मानय् मयाइपिं जूगु दु। जिगु थःगु हे देगलय् नं इमिसं मभिंगु ज्‍या याःगु जिं लुइकागु दु,” परमप्रभुं धयादी।

हितोपदेश 30:17

सुनां थः बौयात हेला याइ, अले मांयागु खँयात हेपय् याइ, वयागु मिखा क्‍वखं क्‍वानाबी, अले गिद्धं वयात नइ।

हितोपदेश 30:11

छथ्‍वः मनूत थज्‍याःपिं नं दु, सुनां थः बौयात सराः बियाजुइ, अले थः मांयात गुबलें तःधंकी मखु।

हितोपदेश 28:24

थः मां बौयात लुतय् यानाः मभिंगु याना धकाः मतिइ मतइपिं मनूत खुँ थें खः।

हितोपदेश 28:17

मनू स्‍यानाः आछु कना जूम्‍ह मनू मसीतले बिस्‍युं जुयाच्‍वनी, वयात सुनानं ग्‍वाहालि याये मते।

हितोपदेश 20:20

सुनां थः मां बौयात सराः बी, वयागु जीवन खिउँबलय् मत सी थें जुइ।

२ इतिहास 32:21

परमप्रभुं छम्‍ह स्‍वर्गदूत छ्वयाहयादिल, वं अश्‍शूरी सेनाया सिपाइँत व नायःतय्‌त स्‍यात। उकिं जुजु सनहेरीब लज्‍या चायाः थःगु हे देशय् लिहां वन। अले व थः द्यःया देगलय् दुहां वंबलय् वया थः हे काय्‌पिन्‍सं वयात तरवारं स्‍यानाबिल।

२ राजा 19:37

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात। अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

२ शमूएल 16:11

दाऊदं अबीशै व वया फुक्‍क हाकिमतय्‌त धाल, “जिमि थः हे काय्‌नं ला जितः स्‍यायेत स्‍वयाच्‍वंगु दु धाःसा थ्‍व बेन्‍यामीनीं छाय्‌ थथे मयाइ धकाः? वयात छुं याये मते अले वं सराः बीमा। छाय्‌धाःसा परमप्रभुं ‘हे वयात अथे या’ धकाः धाःगु जुइफु।

व्‍यवस्‍था 27:16

“थः मां बौयात बेइज्‍जत याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

लेवी 20:9

“‘सुंनानं थः मां व बौयात सराः बी, वयात स्‍याना छ्वयेमाः। थज्‍याःम्‍ह मनू तःधंगु अपराधया दोषी खः।

प्रस्‍थान 21:14

सुनानं स्‍याये धकाः हे स्‍याःगु खःसा व शरण कायेत जिगु वेदीइ वःगु जूसां वयात अनं सालाः स्‍याना छ्वयेमाः।

प्रस्‍थान 20:13

“सुयातं स्‍याये मते।

१ पत्रुस 2:7

उकिं छिपिं विश्‍वास याःपिनिगु निंतिं थ्‍व तसकं तःजिगु खः। तर विश्‍वास मयाःपिनिगु निंतिं ला – “दकःमितय्‌सं ज्‍यालगय् मजूगु धकाः धाःगु ल्‍वहं हे कुंयागु मू ल्‍वहं जुल।”

हिब्रू 12:16

सुनानं व्‍यभिचार याये मते। अले एसाव थें परमेश्‍वरयात मानय् मयाइम्‍ह जुइ मते। छछाःया निंतिं एसावं थःगु हक नं मिल।

गलाती 5:21

डाहा यायेगु, अय्‌लाः थ्‍वँ त्‍वना जुइगु, मोजमज्‍जा यानाजुइगु, थथे हे मेमेगु ज्‍या यानाजुइगु। थज्‍याःपिं परमेश्‍वरयागु राज्‍यय् दुहां वने फइ मखु धकाः जिं न्‍हापा नं धायेधुन, आः नं थ्‍व हे खँ जिं छिमित धयाच्‍वना।

गलाती 5:18

आत्‍मां धाःथें याना जूसा छिमिसं व्‍यवस्‍थाय् च्‍वया तः थें याये माली मखु।

१ तिमोथी 4:7

म्‍वाःमदुगु मनय् वः थें बाखं कनाजुइपिंपाखें तापाक हे च्‍वँ। बरु परमेश्‍वरयात यय्‌क जक जुयाच्‍वँ।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 2:16

म्‍वाःमदुगु खँय् सुंनाप हाः जुइ मते, छाय्‌धाःसा थथे हाला जुइपिं मनूत परमेश्‍वर नाप झन झन तापानावनी।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,

तीतस 1:6

थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

तीतस 1:10

छाय्‌धाःसा अप्‍वः धया थें मनूत धयागु खँ मन्‍यनीपिं, म्‍वाःमदुगु खँ ल्‍हानाजुइपिं, मखुगु खँ ल्‍हानाजुइपिं दु। थज्‍याःपिं अप्‍वः यानाः ला यहूदी विश्‍वासीत हे खः।

यहूदा 1:15

अले थज्‍याःपिं फुक्‍क मनूतय्‌त न्‍याय यानादी। परमेश्‍वरयात मानय् मयाइपिन्‍त, अले वय्‌कःयात मभिंकाः पापी ज्‍या जक यानाच्‍वंपिं फुक्‍कसितं दोषी ठहरय् यानाः सजाँय बियादी।