१ थेसलोनिकी 4:6 - नेवाः बाइबल

⁶ थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

१ थेसलोनिकी 4:6 Referans Kwoze

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

रोमी 1:18

मभिंगु बांमलाःगु ज्‍याखँ जक यानाः सत्‍ययात त्‍वपुया छ्वयेत स्‍वइपिं मनूत खनाः स्‍वर्गय् च्‍वंम्‍ह परमेश्‍वर तंम्‍वय्‌कादीगु दु धकाः फुक्‍क मनूतय्‌त सीकादिल।

हितोपदेश 28:24

थः मां बौयात लुतय् यानाः मभिंगु याना धकाः मतिइ मतइपिं मनूत खुँ थें खः।

प्रस्‍थान 20:15

“खुयाकाये मते।

याकूब 5:4

छिमिसं बुँइ ज्‍या याःपिं मनूतय्‌त ज्‍याला हे मब्‍यूसे तयातःगु दु। छिमिसं अन्‍याय यात धकाः व ज्‍यामित हालाच्‍वंगु दु। अन्‍याय जुल धकाः इपिं हालाच्‍वंगु सः दकलय् तःधंम्‍ह व शक्ति दुम्‍ह प्रभु परमेश्‍वरं न्‍यनादीगु दु।

याकूब 2:6

तर छिमिसं ला चीमिपिन्‍त हे हेला यानाच्‍वन। छिमित त्‍यला तःपिं सु? तःमिपिं हे मखु ला? छिमित अदालतय् यंकीपिं सु? तःमिपिं हे मखु ला?

गलाती 5:21

डाहा यायेगु, अय्‌लाः थ्‍वँ त्‍वना जुइगु, मोजमज्‍जा यानाजुइगु, थथे हे मेमेगु ज्‍या यानाजुइगु। थज्‍याःपिं परमेश्‍वरयागु राज्‍यय् दुहां वने फइ मखु धकाः जिं न्‍हापा नं धायेधुन, आः नं थ्‍व हे खँ जिं छिमित धयाच्‍वना।

रोमी 13:4

इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

लूका 12:5

अय्‌नं सु नाप ग्‍यायेमाः व खँ जिं छिमित धाये – छिमिगु म्‍ह व आत्‍मा नितांयात नरकय् छ्वयादी फुम्‍ह परमेश्‍वरलिसे जक ग्‍याना च्‍वँ। खः, जिं धाये – वय्‌कःलिसे हे जक ग्‍याना च्‍वँ।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

इजकिएल 22:13

“‘छं अन्‍याय यानाः फाइदा काःगुलिं अले थःगु दथुइ हि बाः वय्‌कूगुलिं जिं धात्‍थें हे ल्‍हातं ल्‍हातय् दाये।

२ थेसलोनिकी 1:8

वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

मर्कूस 10:19

व्‍यवस्‍थाय् थथे च्‍वयातःगु सि हे स्‍यू, मखु ला? स्‍याये मते, व्‍यभिचार याये मते, खुइ मते, मखुगु साक्षी बी मते, कर्पिन्‍त थगय् याये मते, थः मां बौयात हनाबना ति।”

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

सपन्‍याह 3:1

धिक्‍कार विद्रोही व अशुद्ध शहरयात! धिक्‍कार अत्‍याचारीत जाःगु शहरयात!

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

उपदेशक 5:8

छुं जुयाः छं छगू जिल्‍लाय् चीमिपिन्‍त क्‍वत्‍यलातःगु व इमिगु निंतिं न्‍याय व अधिकार मजूगु खन धाःसा अजू चाये मते, छाय्‌धाःसा फुक्‍क अधिकार याइपिं अले व स्‍वयाः च्‍वय् च्‍वंपिं तःधंपिं अधिकार याइपिन्‍त नं इमिगु वास्‍ता यायेत तयातःगु खः।

हितोपदेश 20:23

गेसु मलाःगु धःताल्‍जु छ्यलीपिन्‍त परमप्रभुं घृणा यानादी।

हितोपदेश 20:14

न्‍याः वनीपिन्‍सं थ्‍व नं थिकय् जुल, व नं थिकय् जुल धकाः भाः याइ, अले पुलाः वनेवं भाः यायेफुगुलिइ थःम्‍हं थःत च्‍वछाइ।

हितोपदेश 11:1

गेसु मलाःगु ताल्‍जुयात परमप्रभुं यय्‌कादी मखु। गेसु लाःगु ताल्‍जुलिसे वय्‌कः लय्‌तायादी।

भजनसंग्रहया सफू 140:12

हे परमप्रभु, छिं दुःखय् लाःपिं व मगाःमचाःपिनिगु पंलिनाः न्‍याय यानादी धकाः जिं स्‍यू।

भजनसंग्रहया सफू 94:1

हे परमप्रभु, छि सजाँय बियादीम्‍ह परमेश्‍वर खः, थःगु तं क्‍यनादिसँ!

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

व्‍यवस्‍था 24:7

सुं इस्राएलीं मेम्‍ह इस्राएलीयात जबरजस्‍ती यंकाः दास दय्‌कल धाःसा वा दास दय्‌काः मिल धाःसा वयात स्‍याना छ्वयेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

लेवी 25:17

छिमिसं छम्‍हं मेम्‍हय्‌सित क्‍वाये मते। परमप्रभुया ग्‍याःभय का। छाय्‌धाःसा जि परमप्रभु छिमि परमेश्‍वर खः।

लेवी 25:14

“‘थः जःलाखःलालिसे बुँ न्‍यायेगु मीगु यायेबलय् छम्‍हं मेम्‍हय्‌सित क्‍वाये मते।

लेवी 19:13

“‘छिमिसं जःलाखःलापिन्‍त ध्‍वंलानाः इमिगु छुं नं काये मते, अले इमिगु छुं नं लुतय् यानाः काये मते। “‘ज्‍याला कयाः ज्‍या याइपिनिगु धिबा वयात मब्‍यूसें सुथय् तक तयातये मते।

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

एफिसी 4:28

खुँज्‍या याइम्‍हय्‌सिनं खुइगु त्‍वःति। अले थःगु हे ल्‍हातं ज्‍या यानाः मगाःमचाःपिन्‍त नं ग्‍वाहालि याये फय्‌केमाः।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

हितोपदेश 16:11

पाय्‌छिगु नाप व ताल्‍जु परमप्रभुपाखेंयागु हे खः, म्‍हिचाय् दुगु फुक्‍क धःत वय्‌कःया हे ज्‍या खः।

लूका 16:28

जिमि न्‍याम्‍ह किजापिं अज्‍जं दनि, वयात छकः अन छ्वयाः इमित थनयागु खँ कनाः ख्‍याच्‍वः बीके माल, मखुसा इपिं नं थन हे सास्‍ती नः वइ।’

२ कोरिन्‍थी 7:11

छिमिसं दुःख ताय्‌कूगुलिं परमेश्‍वरं छु यानादिल लुमंकी। थुकिं यानाः छिमित भिंपिं यानाबिल, द्वंबिद्वं मदु धकाः क्‍यनेत छिमित हथाय् चाय्‌कल। जिगु तमं छिमित ग्‍याकल, जितः स्‍वयेत छिमित आय्‌बुइकल। अले दोषीम्‍हय्‌सित सजाँय बीमाः धकाः मतिइ तय्‌कल। थुकिं हे छिमिके दोष मदु धयागु सीदत।

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

हिब्रू 2:6

धर्मशास्‍त्रय् नं छम्‍हय्‌सिनं थुकथं साक्षी बियातःगु दु – “मनू छु हे खः धकाः छिं वयात बिचाः यानाच्‍वनेत? मनूया काय् छु हे खः धकाः छिं वयात लुमंकाच्‍वनेत?