१ थेसलोनिकी 4:12 - नेवाः बाइबल

¹² थथे याना जूसा छिमित मेपिन्‍सं नं हनाबना तइ। अले थःत मालीबलय् सुयागु नं ख्‍वाः स्‍वयाच्‍वने माली मखु।

१ थेसलोनिकी 4:12 Referans Kwoze

कलस्‍सी 4:5

विश्‍वासी मखुपिंलिसे खँ ल्‍हायेबलय् छिमिसं बांलाक बिचाः यानाः नवा। अले इमित भिंगु खँ न्‍यंकेगु मौका त्‍वःफिके मते।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

रोमी 12:17

मभिंगुया पलेसा मभिंगु हे याये मते, बरु फुक्‍क मनूतय्‌त यइपुसे च्‍वंगु व भिंगु जक याना जु।

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

रोमी 13:13

थुकथं झीगु चालचलन जलय् च्‍वंपिनिगु थें याये माल, उकिं झीसं मोजमज्‍जा यायेगु, अय्‌लाः त्‍वना जुइगु, व्‍यभिचार यायेगु, लाः लाः थे सना जुइगु, ल्‍वापु यायेगु, नुगः मुइकेगु त्‍वःताछ्वये माल।

मर्कूस 4:11

वय्‌कलं इमित धयादिल – “परमेश्‍वरया राज्‍ययागु गुप्‍ति खँ छिमित कने धुनागु दु, मेपिन्‍त धाःसा उखान छुनाः धायेमाः।

१ थेसलोनिकी 5:22

फुक्‍क कथंयागु मभिंगु खँपाखें तापाक च्‍वँ।

१ पत्रुस 3:1

मिसात भाःतं धाःथें च्‍वनेमाः। थुकिं यानाः परमेश्‍वरयात विश्‍वास मयाःम्‍ह भाःतं नं छिमिगु चालचलनं यानाः विश्‍वास याइ। छिमिसं छुं हे खँ न्‍यंके माली मखु।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

एफिसी 4:28

खुँज्‍या याइम्‍हय्‌सिनं खुइगु त्‍वःति। अले थःगु हे ल्‍हातं ज्‍या यानाः मगाःमचाःपिन्‍त नं ग्‍वाहालि याये फय्‌केमाः।