१ थेसलोनिकी 4:1 - नेवाः बाइबल

¹ दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 4:1 Referans Kwoze

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

फिलिप्‍पी 1:9

छिमिगु माया अज्‍जं अप्‍वयावनेमा, अले छिमिसं धात्‍थेंगु भिंगु खँ छु खः धयागु दुनुगलंनिसें ध्‍वाथुइके फयेमा धकाः नं जिं प्रार्थना यानाच्‍वनागु दु।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

फिलिप्‍पी 3:14

परमेश्‍वरं येशू ख्रीष्‍टपाखें सःताः बीत तयादीगु स्‍वर्गया सिरपाः कायेत जि निशानापाखे ब्‍बाँय् वने।

१ यूहन्‍ना 3:22

वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

२ थेसलोनिकी 3:1

दाजुकिजापिं, प्रभुयागु भिंगु खँ न्‍यंकभनं न्‍यनावनेमा, अले छिमिसं थें फुक्‍कसिनं न्‍यनाः विश्‍वास यायेमा धकाः जिमिगु निंतिं प्रार्थना याना च्‍वँ।

२ थेसलोनिकी 2:1

दाजुकिजापिं, झी प्रभु येशू ख्रीष्‍ट झाइबलय् झीपिं फुक्‍कसितं वय्‌कः नाप छथाय् मुंकीतिनि धयागु खँ थुइकि।

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

यूहन्‍ना 15:2

जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

भजनसंग्रहया सफू 92:14

इपिं न्‍ह्याबलें वाउँसे च्‍वनी अले बल्‍लाना च्‍वनी। इमिसं बुरा जुयाः नं फल बी।

१ थेसलोनिकी 4:2

जिमिसं स्‍यना थकागु वय्‌कःयागु अधिकारयागु खँ छिमिसं सि हे स्‍यू।

२ कोरिन्‍थी 5:9

थन च्‍वंसां स्‍वर्गय् च्‍वंसां प्रभुयात यःथें जक यानाच्‍वनेगु जिमिगु छगू हे जक आजु खः।

रोमी 8:8

शरीरयात यःथें यानाजुइपिं मनूतय्‌सं परमेश्‍वरयात लय्‌ताय्‌के फइ मखु।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

हिब्रू 13:22

यःपिं दाजुकिजापिं, चिचाहाकय्‌क जूसां जिं छिमित च्‍वयागु थ्‍व अर्ती छिमिसं बांलाक न्‍यना का।

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

एफिसी 5:17

उकिं मूर्ख जुइ मते, बरु प्रभुयात यःकथं ज्‍याखँ याना जु।

एफिसी 4:20

ख्रीष्‍टं ला छिमित थथे या धकाः स्‍यनादीगु मदु।

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

१ कोरिन्‍थी 15:1

यःपिं दाजुकिजापिं, छिमिसं आः तक नं विश्‍वास यानाः मानय् यानाच्‍वंगु जिं न्‍यंकागु भिंगु खँ आः हानं छिमित लुमंकाबी मास्‍ति वल।

१ कोरिन्‍थी 11:23

प्रभुं हे जितः स्‍यनादीगु खँ जिं छिमित स्‍यना बियागु खः। येशूयात ज्‍वंकूगु चान्‍हय् वय्‌कलं मरि कयाः

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

गलाती 6:1

यःपिं दाजुकिजापिं, सुनानं मभिंगु ज्‍या याःगु खन धाःसा छिपिं परमेश्‍वरया आत्‍मां धाःथें याइपिन्‍सं वयात मिजासं भिंकेगु स्‍वयेमाः। तर बांलाक होश या, थथे यायेबलय् छिपिं थः हे मभिंगु ज्‍याय् मलायेमा।

१ थेसलोनिकी 5:12

दाजुकिजापिं, छिमित जिगु बिन्‍ति दु – छिमिथाय् ज्‍या यानाच्‍वंपिं, छिमित स्‍यनेकने याइपिं थकालिपिन्‍त हनाबना तयेगु या।

२ थेसलोनिकी 3:13

दाजुकिजापिं, भिंगु बांलाःगु ज्‍या यायेत थाकु चाये मते।

२ इतिहास 17:4

तर थः अबुया परमेश्‍वरयात माल, वय्‌कःया आज्ञा पालन यात। वं इस्राएलयापिं मनूतय्‌सं याःगु थें मभिंगु ज्‍या मया।