१ थेसलोनिकी 3:4 - नेवाः बाइबल

⁴ छिपिंनाप दुबलय् हे जिमिसं छिमित थज्‍याःगु दुःखकष्‍ट वइ धकाः धयागु खः। जिमिसं गथे धया अथे हे जुल।

१ थेसलोनिकी 3:4 Referans Kwoze

१ थेसलोनिकी 2:14

दाजुकिजापिं, ख्रीष्‍ट येशूयात विश्‍वास यानाच्‍वंपिं यहूदियाय् च्‍वंगु मण्‍डलीयापिन्‍सं थें छिमिसं नं दुःखकष्‍ट सियाच्‍वंगु दु। इमित गथे यहूदीतय्‌सं दुःख बियाच्‍वन, छिमित नं अथे हे छिमिगु देशय् च्‍वंपिन्‍सं दुःख बियाच्‍वंगु दु।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

प्रेरित 17:13

थेसलोनिकेय् च्‍वंपिं यहूदीतय् नायःतय्‌सं पावलं बेरियाय् वनाः परमेश्‍वरयागु वचन न्‍यंकाच्‍वंगु दु धकाः सीकाः अन नं मनूतय्‌त ग्‍वाकाः जुल।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

मत्ती 24:25

स्‍व, थथे जुइतिनि धकाः जिं छिमित न्‍हापां हे धयाबियागु दु।”

२ थेसलोनिकी 2:5

छिमिथाय् दुबलय् हे जिं छिमित थथे धयागु खः। छिमिसं आः तक लुमंकातःगु हे दयेमाः।

२ थेसलोनिकी 3:10

छिपिंनाप च्‍वनाबलय् हे जिमिसं छिमित थथे धयागु खः – “ज्‍या मयासें च्‍वनीपिन्‍त नके नं मते।”