१ थेसलोनिकी 3:11 - नेवाः बाइबल

¹¹ झी परमेश्‍वर बाः व प्रभु येशूं हे जिमित आम्‍कन वयेत लँ चाय्‌का बियादीमा।

१ थेसलोनिकी 3:11 Referans Kwoze

मत्ती 6:32

परमेश्‍वरयात म्‍हमस्‍यूपिं मनूतय्‌सं जक थथे पीर कयाच्‍वनी। छिमित छु छु माः धकाः स्‍वर्गय् च्‍वनादीम्‍ह छिमि परमेश्‍वर बाःनं फुक्‍क स्‍यू।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

मत्ती 6:26

झंगःपंक्षीतय्‌त स्‍व, इमिसं पुसा ह्वलाः सय्‌केगु ज्‍या नं मयाः, नसा मुंकेगु ज्‍या नं मयाः। अथेसां स्‍वर्गय् च्‍वनादीम्‍ह परमेश्‍वर बाःनं इमित नका तयादीगु दु। इपिं स्‍वयाः छिपिं तःधं मजू ला?

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

२ थेसलोनिकी 3:5

प्रभुं छिमित परमेश्‍वरयागु माया व ख्रीष्‍टयागु सह यानाच्‍वनेगु शक्ति थुइकादीमा।

लूका 12:30

संसारयापिं मनूतय्‌सं जक नयेत्‍वनेगुलिइ च्‍यूताः तया जुइ। तर छिमित छु छु माः धकाः ला छिमि बाःनं सि हे स्‍यूनि।

मर्कूस 1:3

मरुभूमिइ छम्‍ह मनू थथे धकाः हाला वइ – ‘परमप्रभुया लँपु तयार या, वय्‌कःयात लँ छिंकाब्‍यु।’”

मलाकी 1:6

“काय्‌नं बौयात व दासं थः मालिकयात इज्‍जत याइ। जि छिमि बौ खःसा छिमिसं छाय् जितः इज्‍जत मयानागु? जि छिमि मालिक खःसा छाय् जितः हनाबना मयानागु?” दक्‍व शक्ति दुम्‍ह परमप्रभुं छिमित थ्‍व खँ धयादी, “हे पुजाहारीत, छिमिसं जिगु नांयात क्‍वह्यंकूगु दु। “छिमिसं धाःसा थथे धाइ, ‘जिमिसं गुकथं छिगु नांयात क्‍वह्यंकागु दु?’

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

रोमी 1:3

थ्‍व भिंगु खँ वय्‌कःया काय् झी प्रभु येशू ख्रीष्‍टया बारे खः। वय्‌कःया काय् दाऊदया सन्‍तानपाखें मनू जुयाः झायादिल।

मत्ती 6:18

अले छ अपसं च्‍वनाच्‍वंगु मनूतय्‌सं मखु, बरु खने मदुम्‍ह परमेश्‍वर बाःनं खंकादी। अले वय्‌कलं छन्‍त सिरपाः बियादी।

मत्ती 6:14

“थःत मभिं याःपिन्‍त छिमिसं क्षमा याःसा छिमित नं स्‍वर्गय् च्‍वनादीम्‍ह परमेश्‍वर बाःनं क्षमा यानादी।

मत्ती 6:6

प्रार्थना यायेबलय् छिमिसं क्‍वथाय् च्‍वनाः खापा तिनाः खने मदुम्‍ह परमेश्‍वर बाःयात प्रार्थना या। थथे सुं मदुथाय् वनाः याःगु प्रार्थना खंकादीम्‍ह परमेश्‍वर बाःनं छिमित सिरपाः बियादी।

यशैया 63:16

तर छि ला जिमि अबु खः। अब्राहामं जिमित म्‍हमस्‍यूसां अले इस्राएलं जिमित नाला मकाःसां, छि, हे परमप्रभु, जिमि अबु खः। छिगु नां न्‍हापांनिसें हे जिमित उद्धार याइम्‍ह खः।

कलस्‍सी 1:2

कलस्‍सी च्‍वंपिं ख्रीष्‍टयात विश्‍वास यानाच्‍वंपिं परमेश्‍वरया मनूत फुक्‍कसितं ज्‍वजलपा! झी परमेश्‍वर बाःया दया माया व शान्‍ति छिमिके दयेमा।

२ कोरिन्‍थी 6:18

जि छिमि बाः जुइ। अले छिपिं जिम्‍ह काय्‌म्‍ह्याय्‌पिं जुइ धकाः दक्‍व शक्ति दुम्‍ह परमप्रभुं धयादीगु खः।”

मत्ती 6:4

बीबलय् सुनानं मसीक बीगु या, अले थथे मसीक ब्‍यूगु खंकादीम्‍ह परमेश्‍वर बाःनं छिमित सिरपाः बियादी।

यर्मिया 31:9

इपिं ख्‍वख्‍वं लिहां वइ। जिं इमित लित हइबलय् इमिसं प्रार्थना याइ। जिं इमित खुसिया सिथ सिथ इपिं लुफिं महाइगु पिचुगु लँपुं हये। छाय्‌धाःसा जि इस्राएलया अबु खः, एफ्राइम जिम्‍ह जेठाम्‍ह काय् खः।

यूहन्‍ना 20:17

वय्‌कलं वयात धयादिल – “जितः थी मते, आः तक जि बाःयाथाय् थाहां वनागु मदुनि। जिमि किजापिन्‍थाय् वनाः धाः हुँ – ‘जिमि बाःयाथाय् अले छिमि बाःयाथाय्, जिम्‍ह परमेश्‍वरयाथाय् अले छिमि परमेश्‍वरयाथाय् जि थाहां वनाच्‍वना।’”

१ थेसलोनिकी 4:16

प्रभु स्‍वर्गं क्‍वहां झाइबलय् तस्‍सःगु सः ताये दइ, तःधंम्‍ह स्‍वर्गदूत हाला हइ, अले परमेश्‍वरयागु तुरही पुया हइ। उबलय् हे ख्रीष्‍टयात विश्‍वास यानाः सीपिं मनूत न्‍हापालाक म्‍वाना वइ।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।