१ थेसलोनिकी 2:13 - नेवाः बाइबल

¹³ जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ थेसलोनिकी 2:13 Referans Kwoze

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

रोमी 10:17

अथे जूगुलिं विश्‍वास न्‍यनाः दइ, अले न्‍यनेगु खँ ख्रीष्‍टयागु वचनं वइ।

१ पत्रुस 1:23

छिपिं आः नाश जुयावनीपिं मांबौनं बुइकूपिं मखु, बरु परमेश्‍वरयागु गुबलें नाश जुया मवनीगु वचनं बूपिं खः।

१ पत्रुस 1:25

परमेश्‍वरयागु वचन धाःसा न्‍ह्याबलें दयाच्‍वनी।” छिमित न्‍यंकूगु भिंगु खँ थ्‍व हे खः।

१ पत्रुस 2:2

नकतिनि बूम्‍ह मचां त्‍वनेगु शुद्ध आत्‍मिक दुरुया इच्‍छा याःथें छिमिसं नं परमेश्‍वरयागु वचन ब्‍वनेगु इच्‍छा या। अले तिनि छिपिं ब्‍वलनाः मुक्तिया निंतिं न्‍ह्यज्‍याये फइ।

लूका 11:28

अले वय्‌कलं लिसः बियादिल – “अथे मखु, परमेश्‍वरयागु वचन न्‍यनाः व थें याइम्‍ह हे धन्‍यम्‍ह खः।”

प्रेरित 13:48

थ्‍व न्‍यनाः यहूदीमखुपिं तसकं लय्‌लय्‌ताल। इमिसं परमेश्‍वरयागु वचनयात तःधंकल। अले अनन्‍त जीवन बीत ल्‍ययातःपिं मनूतय्‌सं विश्‍वास यात।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।

गलाती 4:14

म्‍हंमफुसां जितः हेला मयासें छिमिसं भचा हे थाकु मचासे बिचाः यात। स्‍वर्गदूतयात व ख्रीष्‍टयात थें छिमिसं जितः दुकयाः सुसाःकुसाः यात।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

कलस्‍सी 1:6

गथे छिमिसं सत्‍य वचन व परमेश्‍वरयागु धात्‍थेंयागु दया मायायात बांलाक थुइका काल, अथे हे थ्‍व भिंगु खँ फुक्‍कभनं न्‍यनावनाच्‍वंगु दु। अले थुकिं इमिगु नुगलय् बांलाक ज्‍या यानाच्‍वंगु दु।

लूका 8:21

वय्‌कलं इमित लिसः बियादिल – “परमेश्‍वरयागु वचन न्‍यंपिं व मानय् याइपिं हे जि मां व किजापिं खः।”

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

यूहन्‍ना 17:17

छिगु सत्‍यं इमित पवित्र यानादिसँ, छाय्‌धाःसा छिगु वचन सत्‍य खः।

यूहन्‍ना 15:3

जिगु वचनं यानाः छिपिं न्‍हापा हे शुद्ध जुइ धुंकल।

लूका 8:11

“उखानयागु अर्थ थ्‍व खः – पुसा परमेश्‍वरयागु वचन खः।

मत्ती 10:20

छाय्‌धाःसा छिमिसं नवाइगु खँ छिमिगु थःगु हे जुइ मखु, छिमिगुपाखें परमेश्‍वरयागु आत्‍मां हे नवानादी।

२ पत्रुस 3:2

पवित्रपिं अगमवक्तातय्‌सं न्‍हापा न्‍हापा धयाथकूगु खँ छिमित लुमंकाबीत जिं कुतः यानाच्‍वनागु खः। अले हानं प्रेरिततय्‌सं न्‍यंका थकूगु मुक्ति बियादीम्‍ह प्रभुयागु आज्ञायात लुमंका बियाच्‍वनागु खः।

याकूब 1:18

वय्‌कलं सृष्‍टि यानादीगु मध्‍ये न्‍हापांगु फल झीपिं जुइ फयेमा धकाः सत्‍य वचनपाखें झीत थःम्‍हं ल्‍ययादीगु खः।

प्रेरित 17:32

थथे पावलं सीम्‍ह म्‍वाकूगु धकाः धाःगु खँ न्‍यनाः गुलिसिनं वयात हिस्‍यात, अले गुलिसिनं थथे धाल – “थ्‍व खँ जिमिसं हानं न्‍यने मानि।”

प्रेरित 16:14

थिआटीराय् च्‍वंम्‍ह रंग छिनातःगु थिकेगु कापः मिया जुइम्‍ह लिडिया नां दुम्‍ह मिसां नं जिमिगु खँ बांलाक न्‍यन। थ्‍व मिसां परमेश्‍वरयात मानय् याः। पावलं धाःगु खँ थुइमा धकाः प्रभुं वयागु नुगः चाय्‌कादिल।

प्रेरित 10:33

अले जिं उघ्रिमय् हे छिथाय् मनूत छ्वयाहया। छि झायादीगु तसकं हे बांलात। परमेश्‍वरया न्‍ह्यःने प्रभुं छितः धयादीगु खँ न्‍यनेत जिपिं थथे मुनाच्‍वनागु दु।”

प्रेरित 2:41

वयागु खँय् विश्‍वास यानाः यक्‍वसिनं हे बप्‍तिस्‍मा काल। उखुन्‍हु हे जक बप्‍तिस्‍मा काःपिं मनूत स्‍वद्वः ति दु।

प्रेरित 8:14

यरूशलेमय् च्‍वंपिं प्रेरिततय्‌सं सामरियाय् च्‍वंपिं मनूतय्‌सं नं परमेश्‍वरयागु वचन न्‍यन धकाः सीवं यूहन्‍ना व पत्रुसयात इमिथाय् छ्वयाहल।

लूका 5:1

छन्‍हु येशू गनेसरेत धाःगु समुद्र सिथय् दना च्‍वनादीबलय् ग्‍वाः ग्‍वाः मनूत धित्तुधिनाः परमेश्‍वरयागु वचन न्‍यनेत वय्‌कःयाथाय् वल।

यर्मिया 44:16

“छिं परमप्रभुया नामय् धाःगु खँ जिमिसं मानय् याये मखु।

हाग्‍गै 1:12

अले शालतिएलया काय् यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍कसिनं परमप्रभु इमि परमेश्‍वरया वचन व अगमवक्ता हाग्‍गैया बुखँयात मानय् यायेगु याना हल। मनूतय्‌सं परमप्रभु इमि परमेश्‍वरं वयात छ्वयाहयादीगु खँ सिल। अले मनूतय्‌सं परमप्रभुया भय काल।

हिब्रू 4:2

तापाःबाज्‍यापिन्‍सं थें झीसं नं भिंगु खँ न्‍यना तयागु दु। भिंगु खँ न्‍यंसां इमित थुकिं छुं नं भिं मजुल, छाय्‌धाःसा इमिसं न्‍यंगु खँयात विश्‍वास मयाः।