१ थेसलोनिकी 1:5 - नेवाः बाइबल

⁵ छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

१ थेसलोनिकी 1:5 Referans Kwoze

मर्कूस 16:20

लिपा चेलातय्‌सं फुक्‍कभनं वनाः भिंगु खँ न्‍यंकाजुल। प्रभु थः नं इपिं नाप जुयाः इमिगु ज्‍याय् ग्‍वाहालि यानादिल। अजू चायापुगु चिं क्‍यनाः इमिसं न्‍यंकाजूगु खँयागु दसि बियादिल। आमेन।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ पत्रुस 1:12

अले परमेश्‍वरं व अगमवक्तातय्‌त थ्‍व खँ इमिगु निंतिं जुइ मखु, लिपा छिमिगु निंतिं जुइ धकाः धयादिल। स्‍वर्गं छ्वयाहःगु पवित्र आत्‍मापाखें भिंगु खँ न्‍यंकीपिन्‍सं छिमित आः न्‍यंकाच्‍वंगु खँयात स्‍वर्गदूततय्‌सं आः तकं थुइकेत स्‍वयाच्‍वंगु दु।

२ थेसलोनिकी 2:14

थुकियागु निंतिं हे वय्‌कलं जिमिगुपाखें भिंगु खँ न्‍यंकाः छिमित झी प्रभु येशू ख्रीष्‍टनापं तुं तःधंकेत सःतादीगु खः।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

१ कोरिन्‍थी 4:20

छाय्‌धाःसा परमेश्‍वरयागु राज्‍य खँय् मखु, बरु शक्तिइ दु

एफिसी 3:20

झीत बियादीगु शक्तिं झीसं फ्‍वनागु स्‍वयाः नं अप्‍वः अले मनय् तयागु स्‍वयाः नं अप्‍वः बी फुम्‍ह परमेश्‍वर

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

प्रेरित 11:21

प्रभु इपिं लिसे दीगुलिं यक्‍व मनूतय्‌सं प्रभुयात विश्‍वास यात।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

२ तिमोथी 2:8

दाऊदया सन्‍तान, सिनाः म्‍वानावःम्‍ह येशू ख्रीष्‍टयात लुमंकी। जिं न्‍यंकागु भिंगु खँ थ्‍व हे खः।

फिलिप्‍पी 4:9

जिं यानागु छिमिसं न्‍यनातःगु व थः नालाकया तःगु हे दु। अले जिं छिमित स्‍यना बियागु व थुइका बियागु नं दु। छिमिसं नं अथे हे याना च्‍वँ। अले शान्‍ति बियादीम्‍ह परमेश्‍वर छिपिंनाप दइ।

२ पत्रुस 1:10

अय्‌जूगुलिं यःपिं दाजुकिजापिं, छिमित परमेश्‍वरं हे सःताः ल्‍ययादीगु खः धकाः क्‍यनेत कुतः या। थथे यात धाःसा छिपिं गुबलें हे क्‍वदली मखु।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

हिब्रू 6:11

थुकथं हे छिमिसं मन तयाः लिपा तकं कुतः यानाच्‍वनी धकाः जिमिसं मनं तुनाच्‍वना। अले छिमिगु आशा नं पूवनी।

फिलिप्‍पी 2:13

परमेश्‍वर झीनापं ज्‍या यानादी। बांलाःगु इच्‍छां ज्‍या याकादीम्‍ह परमेश्‍वर हे खः।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

गलाती 5:5

जिमिगु आशा ला परमेश्‍वरं हे जिमित धर्मी ठहरय् यानादी धयागु खः। अले परमेश्‍वरयागु आत्‍मायागु शक्तिं हे जिमित विश्‍वास याये फय्‌कादी धकाः जिपिं पियाच्‍वनागु खः।

गलाती 2:2

परमेश्‍वरं जितः अन वने हे माः धकाः धयादीगुलिं जि वनागु खः। जिं न्‍हापा यानागु व आः यानाच्‍वनागु ज्‍या सितिं मवनेमा धकाः यहूदीमखुपिन्‍त भिंगु खँ न्‍यंकागु खँ मण्‍डलीया थकालिपिन्‍त जक कना।

२ कोरिन्‍थी 3:6

उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

१ कोरिन्‍थी 10:33

जिं यानाच्‍वना थें तुं छिमिसं नं यायेगु स्‍व। जिं थःत जक भिंकेगु मस्‍वसे न्‍ह्यागु याःसां कर्पिन्‍त निं भिंकेगु स्‍वयाच्‍वना। गथे यानाः इपिं फुक्‍कसिनं परमेश्‍वरयात विश्‍वास याये फइ धकाः मतिइ तयाः जिं फुक्‍कसितं भिनिगु ज्‍याखँ यानाच्‍वना।

१ कोरिन्‍थी 3:16

छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

१ कोरिन्‍थी 3:6

जिं पुसा पिना, अले अपोल्‍लोसं लः बिल, थ्‍वयात तःमा यानादीम्‍ह ला परमेश्‍वर खः।

१ कोरिन्‍थी 1:24

थथे खःसां परमेश्‍वरं सःताःदीपिं यहूदीतय्‌त व यहूदीमखुपिन्‍त नं ख्रीष्‍ट हे परमेश्‍वरयागु शक्ति व बुद्धि खः।

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

प्रेरित 16:14

थिआटीराय् च्‍वंम्‍ह रंग छिनातःगु थिकेगु कापः मिया जुइम्‍ह लिडिया नां दुम्‍ह मिसां नं जिमिगु खँ बांलाक न्‍यन। थ्‍व मिसां परमेश्‍वरयात मानय् याः। पावलं धाःगु खँ थुइमा धकाः प्रभुं वयागु नुगः चाय्‌कादिल।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

यशैया 55:11

जिगु म्‍हुतुं पिहां वःगु वचन अथे हे जुइ। व सितिकं जिथाय् लिहां वइ मखु, तर उकिं जिं मतिइ तयागु ज्‍या पूवंके, अले छु ज्‍याया निंतिं जिं वयात छ्वयाहयागु खः, उकी व ताःलाइ।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

१ पत्रुस 5:3

छिमिगु ल्‍हातय् त्‍वःता तःपिन्‍त क्‍वत्‍यलेगु स्‍वये मते, बरु इमिगु न्‍ह्यःने थः हे नमूना जुयाब्‍यु।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

लूका 1:1

यःम्‍ह थियोफिलस, जिमिगु न्‍ह्यःने जूगु खँ ला यक्‍वसिनं हे च्‍वःगु दु।

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

१ कोरिन्‍थी 9:14

अथे हे भिंगु खँ न्‍यंकीपिन्‍सं नं भिंगु खं हे नयेत्‍वने यायेमाः धकाः प्रभुं धयादीगु दु।