१ शमूएल 7:2 - नेवाः बाइबल

² थुकथं ताःई तक लगभग निइदँ तक सनू किर्यत-यारीमय् हे तया तल। व हे इलय् फुक्‍क इस्राएलीतय्‌सं दुखं च्‍वनाः परमप्रभुयाके ग्‍वाहालिया निंतिं बिन्‍ति यात।

१ शमूएल 7:2 Referans Kwoze

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

यर्मिया 31:9

इपिं ख्‍वख्‍वं लिहां वइ। जिं इमित लित हइबलय् इमिसं प्रार्थना याइ। जिं इमित खुसिया सिथ सिथ इपिं लुफिं महाइगु पिचुगु लँपुं हये। छाय्‌धाःसा जि इस्राएलया अबु खः, एफ्राइम जिम्‍ह जेठाम्‍ह काय् खः।

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

न्‍यायकर्ता 2:4

परमप्रभुया दूतं सकलें इस्राएलीतय्‌त थथे धायेधुंकाः मनूत ह्वाँय्‌ह्वाँय् ख्‍वल।

यहोशू 9:17

उकिं इस्राएलीत न्‍ह्याः वनाः स्‍वन्‍हु दुखुन्‍हु इमिगु शहर गिबोन, कपीरा, बेरोत व किर्यत-यारीमय् थ्‍यंकवल।

१ शमूएल 7:1

अथे जुयाः किर्यत-यारीमया मनूत वयाः परमप्रभुया सनू यंकल। इमिसं सनू डाँडाय् च्‍वनाच्‍वंम्‍ह अबीनादाबया छेँय् हल। वया काय् एलाजारयात सनू स्‍वयेगु ज्‍याया निंतिं लःल्‍हाना बिल।

१ शमूएल 7:3

अले शमूएलं फुक्‍क इस्राएल जातियात थथे धाल, “छिपिं दुनुगलंनिसें परमप्रभुयाथाय् लिहां वयेगु खःसा, छिकपिनि दथुं मेपिं द्यःत व अश्‍तोरेत द्यःमय्‌जुया थां लिकयाः वांछ्व। अले थःगु फुक्‍क मन व दुनुगलंनिसें परमप्रभुपाखे लिहां वा, अले वय्‌कःया सेवा या। अले तिनि वय्‌कलं छिकपिन्‍त पलिश्‍तीतय्‌गु ल्‍हातं त्‍वःतकादी।”

१ इतिहास 13:3

थः परमेश्‍वरया बाचा चिनादीगु सनू थःथाय् हयेनु, छाय्‌धाःसा झीसं शाऊल जुजुया पालय् उकियात वास्‍ता मयाना।”

यर्मिया 26:20

छम्‍ह मेम्‍ह नं दु, गुम्‍हय्‌सिनं परमप्रभुया नामय् अगमवाणी ल्‍हात। व किर्यत-यारीमय् च्‍वंम्‍ह शमायाहया काय् उरियाह खः। वं नं थ्‍व शहर व थ्‍व देशया विरोधय् यर्मियां धाःथें अगमवाणी ल्‍हात।

१ इतिहास 13:5

उकिं किर्यत-यारीमं परमेश्‍वरया सनू हयेत दच्‍छिनय् च्‍वंगु मिश्र देशया शिहोर खुसिंनिसें उत्तरय् लेबो-हमात तकयापिं सकल इस्राएलीतय्‌त दाऊदं मुंकल।