१ शमूएल 7:1 - नेवाः बाइबल

¹ अथे जुयाः किर्यत-यारीमया मनूत वयाः परमप्रभुया सनू यंकल। इमिसं सनू डाँडाय् च्‍वनाच्‍वंम्‍ह अबीनादाबया छेँय् हल। वया काय् एलाजारयात सनू स्‍वयेगु ज्‍याया निंतिं लःल्‍हाना बिल।

१ शमूएल 7:1 Referans Kwoze

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

भजनसंग्रहया सफू 132:6

एप्राताय् जिमिसं बाचाया सनूया बारे न्‍यना, अले याआरया ख्‍यलय् जिमिसं व लुइका।

१ शमूएल 6:21

अले इमिसं किर्यत-यारीमया मनूतय्‌थाय् थ्‍व खबर छ्वत, “पलिश्‍तीतय्‌सं परमप्रभुया बाचाया सनू लित हःगु दु। क्‍वहां वयाः थ्‍व छिकपिन्‍थाय् यंकादिसँ।”

यहोशू 18:14

अले बेथ-होरोनया क्‍वय्‌या दच्‍छिन पाखेयागु थ्‍व डाँडां सिमाना दच्‍छिनपाखे चाःहिल अले यहूदाया सन्‍तानतय्‌गु किर्यत-यारीम धाइगु किर्यत-बाल तक थ्‍यन। पच्‍छिम सिमाना थ्‍व हे खः।

यहोशू 9:17

उकिं इस्राएलीत न्‍ह्याः वनाः स्‍वन्‍हु दुखुन्‍हु इमिगु शहर गिबोन, कपीरा, बेरोत व किर्यत-यारीमय् थ्‍यंकवल।

१ शमूएल 7:2

थुकथं ताःई तक लगभग निइदँ तक सनू किर्यत-यारीमय् हे तया तल। व हे इलय् फुक्‍क इस्राएलीतय्‌सं दुखं च्‍वनाः परमप्रभुयाके ग्‍वाहालिया निंतिं बिन्‍ति यात।

१ इतिहास 13:3

थः परमेश्‍वरया बाचा चिनादीगु सनू थःथाय् हयेनु, छाय्‌धाःसा झीसं शाऊल जुजुया पालय् उकियात वास्‍ता मयाना।”