१ शमूएल 5:2 - नेवाः बाइबल

² अले इमिसं परमेश्‍वरया सनू क्‍वबियाः दागोनया देगलय् हल अले दागोनया मूर्तिया लिक्‍कसं तुं तल।

१ शमूएल 5:2 Referans Kwoze

न्‍यायकर्ता 16:23

पलिश्‍तीतय् शासकत थः द्यः दागोनया निंतिं छगू तःधंगु बलि छायेत व वयागु न्‍ह्यःने लसता हनेत मुन। इमिसं धाल, “झी द्यवं झी शत्रु शिमशोनयात झीगु ल्‍हातय् बियादिल।”

दानिएल 5:23

उकिया पलेसा छःपिन्‍सं स्‍वर्गयाम्‍ह प्रभुयागु विरोधय् ज्‍या यानादिल। वय्‌कःया देगलं हःगु थलबलत थन हयादिल। अले छःपिं व भारदारत, छःपिनि कलाःपिं व मथ्‍याःपिं कलाःपिन्‍सं उपिं ख्‍वल्‍चां दाखमद्य त्‍वनादिल। अले छःपिन्‍सं लुँ, वहः, कँय्, नँ, सिँ व ल्‍वहँतं दय्‌कूपिं द्यःतय्‌त च्‍वछाल। उपिं द्यःत न्‍यनेफुपिं नं मखु, खंके फुपिं नं मखु, अले छुं स्‍यूपिं नं मखु। परमेश्‍वरया ल्‍हातय् हे छःपिनिगु प्राण व फुक्‍क लँपु दुसां वय्‌कःयात हनाबना यानामदी।

दानिएल 5:2

दाखमद्य त्‍वनाच्‍वंबलय् हे बेलसजर जुजुं थःम्‍हं, थः भारदारतय्‌सं अले थः कलाःपिन्‍सं व मथ्‍याःपिं कलाःपिन्‍सं दाखमद्य त्‍वनेत न्‍हापायाम्‍ह जुजु नबूकदनेसरं यरूशलेमया देगलं हःगु लुँ व वहःयागु थलबल अन हयेगु आज्ञा बिल।

१ इतिहास 10:10

इमिसं शाऊलया ल्‍वाभः थः द्यःयागु देगलय् तल। वया छ्यं धाःसा दागोनया देगलय् नकिं तानाः यख्‍खायाबिल।

हबकूक 1:16

अथे जुयाः इमिसं थःगु जाःयात बलि छाइ, तःधंगु जाःया लागि धुपाँय् च्‍याकी, छाय्‌धाःसा उकिं हे इपिं सुखं च्‍वनी अले भिंगु भिंगु नसा नइ।

हबकूक 1:11

अले इपिं ग्‍वःफय् थें तसकं ब्‍वाँय्‌ वइ, वनी। इपिं दोषी मनूत खः, इमिगु बल हे इमि द्यः खः।”

१ इतिहास 10:8

कन्‍हय् खुन्‍हु पलिश्‍तीत इस्राएलयापिं मनूतय् सीपिं मनूतय्‌गु सामान काःवल। इमिसं शाऊलयागु व वया काय्‌पिनिगु सीम्‍ह गिल्‍बो डाँडाय् लुइकल।