१ शमूएल 3:2 - नेवाः बाइबल

² एलीया मिखा बुलुसे च्‍वने धुंकल अथे जुयाः वं बांलाक स्‍वये नं मफु। छन्‍हु चान्‍हय् एली थः न्‍ह्याबलें आराम कायेगु थासय् ग्‍वार्तुलाच्‍वन।

१ शमूएल 3:2 Referans Kwoze

१ शमूएल 4:15

एली गुइच्‍यादँ दये धुंकूम्‍ह खः अले वया मिखा नं मछुइ धुंकल।

भजनसंग्रहया सफू 90:10

जिपिं न्‍हयेदँ तक म्‍वाइ, बलं फत धाःसा चयदँ तक जुइफु, अय्‌नं जिमिगु ई संकट व दुःखय् जक फुइ, छाय्‌धाःसा जीवन याकनं फुइ अले जिपिं ब्‍वयावनी।

उत्‍पत्ति 48:10

इस्राएल तसकं बुरा जुइ धुंकूगुलिं वं बांलाक मिखां मछू। उकिं योसेफं थः काय्‌पिन्‍त वयागु लिक्‍क यंकाबिल। अले वं इमित चुप्‍पा नयाः घय्‌पुल।

उत्‍पत्ति 27:1

इसहाक तसकं बुरा जुयाः मिखां हे मछुयावसेंलि वं थः दक्‍वसिबय् तःधीम्‍ह काय् एसावयात सःतल। वं वयाः धाल, “जिं छु याये माल?”

उत्‍पत्ति 48:19

वया बौनं वयागु खँ मन्‍यंसे धाल, “जिं स्‍यू पुता, जिं बांलाक स्‍यू। थ्‍वया सन्‍तान नं यक्‍व दयाः तःधनी तिनि। अय्‌नं थ्‍वया किजा थ्‍व स्‍वयां यक्‍व तःधनी, अले वया सन्‍तान थीथी जातिया पुचः जुइ।”

उपदेशक 12:3

छंगु छेँयात रक्षा याइपिं थुरथुर खाये न्‍ह्यः, बल्‍लाःपिं मनूत धुसिलिइ न्‍ह्यः, घः छ्यलाच्‍वंपिं मिसात कम जूगुलिं ज्‍या हे दिके न्‍ह्यः, अले झ्‍यालं स्‍वइपिनीगु मिखा बुलुसे च्‍वने न्‍ह्यः,

१ शमूएल 2:22

आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।

१ राजा 14:4

यारोबामया कलातं वं धाःथें हे यात। व शीलोय् अहियाहया छेँय् वन। बुरा जूगुलिं अहियाहं मिखा मखने धुंकल।