१ शमूएल 26:9 - नेवाः बाइबल

⁹ तर दाऊदं वयात धाल, “जुजुयात स्‍याये मते। परमप्रभुया अभिषेक जूम्‍हय्‌सित ल्‍हाः ल्‍ह्वंम्‍ह सु जक दोषी मजूगु दु?”

१ शमूएल 26:9 Referans Kwoze

२ शमूएल 1:14

दाऊदं धाल, “परमप्रभुं अभिषेक याःम्‍हय्‌सित ल्‍हाः ह्वनेत छ छतिं मग्‍या ला?”

भजनसंग्रहया सफू 105:15

“जिं ल्‍ययापिं मनूतय्‌त थी मते, जिमि अगमवक्तातय्‌गु छुं स्‍यंके मते।”

१ शमूएल 10:1

शमूएलं छथल चिकं कयाः शाऊलया छेनय् प्‍वंकाबिल, अले वयात चुप्‍पा नयाः धाल, “परमप्रभुं छितः थः प्रजा इस्राएलीतय् जुजु अभिषेक यानादीगु दु।

१ शमूएल 26:8

अबीशैनं दाऊदयात धाल, “थौं छिकपिनि शत्रुयात परमेश्‍वरं छिगु ल्‍हातय् लःल्‍हानादीगु जुयाच्‍वन। जितः उजं बियादिसँ, भालां सुयाः छक्‍कलं हे वयात बँय् तियाबी। जिं निक्‍वः सुइ हे माली मखु।”

भजनसंग्रहया सफू 7:4

थः पासायात जिं मभिं यानागु दुसा, छुं म्‍वायेक जिं थः विरोधीतय्‌त हय्‌कयागु दुसा, जिं थज्‍याःगु छुं यानागु दुसा

१ शमूएल 12:3

जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”

२ शमूएल 19:22

दाऊदं लिसः बिल, “हे सरूयाहया काय्‌पिं, छिमिगु जिनापं छु स्‍वापु दु? छिपिं थौं जिगु विरोधी जूगु दु। आः जि इस्राएलया जुजु जूगु दु अथे जुयाः थौं सुं नं इस्राएलीत सी मखु।”

भजनसंग्रहया सफू 17:4

जिं छिगु आज्ञा न्‍यनागु दु। थुकिं जितः स्‍याये पाले यानाजुइपिं मनूतपाखें तापाकाब्‍यूगु दु।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।