१ शमूएल 26:5 - नेवाः बाइबल

⁵ दाऊद याकनं हे वनाः शाऊल व वया सेनापति नेरया काय् अबनेर द्यनाच्‍वंगु थाय् लुइकल। थः सिपाइँतय् चाकःछिं छसिनिसें मिलय् यानाः शाऊल दथुइलाक द्यनाच्‍वंगु खः।

१ शमूएल 26:5 Referans Kwoze

१ शमूएल 17:55

शाऊलं दाऊद गोल्‍यत नापं ल्‍वायेत वंबलय् थः सेनापति अबनेरयात न्‍यन, “अबनेर, व ल्‍याय्‌म्‍ह मचा सुया काय् खः?” अबनेरं धाल, “महाराज! छसपोल सदां म्‍वानादीमा! जिं मस्‍यू।”

१ शमूएल 17:20

दाऊद कन्‍हय् खुन्‍हु सुथ न्‍हापां दनाः फैत मेम्‍ह मनूयात स्‍वयाच्‍वँ धकाः धाल, नयेगु नसा ज्‍वनाः यिशैनं धाथें बिदा जुयाः वन। उबलय् इस्राएलीत पालं पिहां वयाः लडाइँया निंतिं ततःसलं हालाः लडाइँ यायेगु ख्‍यलय् वनाच्‍वंबलय् व अन हे थ्यन।

१ इतिहास 9:39

नेर कीशया बाः खः, अले कीश शाऊलया बाः खः। शाऊल जोनाथन, मल्‍कीशूअ, अबीनादाब व एश्‍बालया बाः खः।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

१ शमूएल 9:1

बेन्‍यामीन कुलया हनेबहःम्‍ह व तःमिम्‍ह मनू छम्‍ह दु। वयागु नां कीश खः। व अबीएलया काय्, जरोरया छय्, बकोरतया छुइ, आपीहया उइ खः।

१ शमूएल 26:4

दाऊदं चिवा कायेत मनूत छ्वत। अले शाऊल धात्‍थें हे वये धुंकल धकाः सीकल।