१ शमूएल 2:2 - नेवाः बाइबल

² “परमप्रभु थें पवित्रम्‍ह सुं हे मदु, अले वय्‌कः थें ज्‍याःम्‍ह सुं हे मदु। झी परमेश्‍वर थें रक्षा याइम्‍ह मेपिं सुं हे मदु।

१ शमूएल 2:2 Referans Kwoze

२ शमूएल 22:32

उकिं परमप्रभु बाहेक मेम्‍ह सु परमेश्‍वर दु? झी परमेश्‍वर बाहेक मेम्‍ह सु ल्‍वहंधी दु?

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

भजनसंग्रहया सफू 86:8

हे परमप्रभु, द्यःत मध्‍ये छि थें जाःम्‍ह सुं मदु, छिं यानादीगु थें मेपिं सुनानं याये फइ मखु।

भजनसंग्रहया सफू 89:8

हे दक्‍व शक्ति दुम्‍ह परमप्रभु परमेश्‍वर, छि थें ज्‍याःम्‍ह सु दु धकाः? हे परमप्रभु, फुक्‍क खँय् छि विश्‍वास याये बहःम्‍ह खः।

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

१ पत्रुस 1:16

थ्‍व हे खँ थथे च्‍वयातःगु दु – “जि पवित्रम्‍ह जूगुलिं छिपिं नं पवित्रपिं जुयाच्‍वँ।”

यर्मिया 10:6

हे परमप्रभु, छि थें जाःम्‍ह मेपिं सुं नं मदु, छि तःधंम्‍ह खः। छिगु नां शक्तिं जाःगु दु।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

व्‍यवस्‍था 3:24

“परमप्रभु परमेश्‍वर छिं थः दासयात थःगु महिमा व बल क्‍यनादीत्‍यंगु दु। स्‍वर्ग व पृथ्‍वीइ छिं यानादीगु थें ज्‍याःगु ज्‍या व शक्ति क्‍यनेफुम्‍ह सु द्यः दु धकाः?

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

रोमी 15:4

न्‍हापा न्‍हापा जूगु च्‍वयातःगु फुक्‍क खँ झीत स्‍यनेत खः। धर्मशास्‍त्रय् च्‍वयातःगुपाखें ग्‍वाहालि कयाः सह यानाच्‍वन धाःसा झीत आशा दइ।

यशैया 44:8

यक्‍व न्‍हापांनिसें आः तक छिमित छु जिं लिपा जुइगु खँ कनागु मदु ला? उकिं छिपिं ग्‍याये मते वा थुरथुर खाये मते। छिपिं जिगु साक्षी खः। छु जि बाहेक मेपिं परमेश्‍वर दु ला? मदु, अन छुनं मेगु ल्‍वहंधी मदु, मेम्‍ह सुं नं परमेश्‍वर मदु!”

यशैया 40:18

अनंलि छिमिसं परमेश्‍वरयात सुनापं दाँजय् यायेगु? अले वय्‌कःयात छु मूर्ति नाप दाँजय् यायेगु?

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

भजनसंग्रहया सफू 111:9

वय्‌कलं थः मनूतय्‌त मू पुलाः त्‍वःतकादिल, अले वय्‌कलं इपिंलिसें न्‍ह्याबलेंया बाचा चिनादिल। वय्‌कः पवित्र व मानय् यायेमाःम्‍ह खः।

भजनसंग्रहया सफू 99:5

परमप्रभु झी परमेश्‍वरया प्रशंसा या वय्‌कःया सिंहासनया न्‍ह्यःने छ्यं क्‍वछुकि। वय्‌कः पवित्र खः।

भजनसंग्रहया सफू 89:6

छाय्‌धाःसा स्‍वर्गय् परमप्रभु थें जाःम्‍ह सुं नं मदु, परमप्रभुनापं ज्‍वःलाःम्‍ह सुं नं स्‍वर्गयाम्‍ह प्राणी मदु।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।

भजनसंग्रहया सफू 99:9

परमप्रभु झी परमेश्‍वरया प्रशंसा या, अले वय्‌कःया पवित्र पहाडय् आराधना या! परमप्रभु झी परमेश्‍वर पवित्र खः।

भजनसंग्रहया सफू 73:25

स्‍वर्गय् छि बाहेक जि सु हे दु धकाः? पृथ्‍वीइ जितः छि बाहेक छु हे माःगु दु धकाः?

भजनसंग्रहया सफू 71:19

हे परमेश्‍वर, छिगु धार्मिकता स्‍वर्ग स्‍वयाः च्‍वजाः। छिं गुलि अजू चायापुगु ज्‍या यानादीगु दु, हे परमेश्‍वर, छि थें ज्‍याःम्‍ह सु दु धकाः?

भजनसंग्रहया सफू 71:3

जितः सदां सुलेजीक ल्‍वहंधी जुयादिसँ। जितः बचय् यायेत उजं बियादिसँ, छाय्‌धाःसा छि जिगु किल्‍ला व शरण कायेगु थाय् खः।

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

व्‍यवस्‍था 32:20

वय्‌कलं धयादिल, “जिं इमित त्‍वःताबी, अले स्‍व, इमित छु जुइ? थुपिं बेक्‍वःपिं मनूत खः, अले विश्‍वास याये बहःमजूपिं मस्‍त खः।

व्‍यवस्‍था 4:35

परमप्रभु हे परमेश्‍वर खः, वय्‌कः बाहेक मेम्‍ह सुं मदु धकाः थुइकेत उपिं फुक्‍क छिमित क्‍यंगु खः।

रोमी 4:8

इपिं धन्‍य खः, सुयागु पापया ज्‍यायात परमप्रभुं दोष मबिल।”

२ शमूएल 7:22

“हे परमप्रभु परमेश्‍वर, छि थें मेपिं सुं नं मदु, अले जिमिसं थःगु हे न्‍हाय्‌पनं न्‍यनागु थें छि बाहेक मेम्‍ह परमेश्‍वर मदु।

२ शमूएल 22:3

जिमि परमेश्‍वर जिगु निंतिं ल्‍वहंधी थें खः। गुकिं जितः रक्षा याइ। वय्‌कः जिगु ढाल खः। वय्‌कः जितः बचय् याइगु शक्ति खः, वय्‌कः जिगु किल्‍ला खः, वय्‌कः जि शरण कायेगु थाय् खः। छि जितः उद्धार याइम्‍ह खः, छिं हे जितः ग्‍यानापुपिं मनूतपाखें बचय् यानादी।

१ राजा 8:23

प्रार्थना यात, “हे परमप्रभु! हे इस्राएलयाम्‍ह परमेश्‍वर! च्‍वय् स्‍वर्ग व क्‍वय् पृथ्‍वीइ छि थें जाःम्‍ह मेम्‍ह सुं हे ईश्‍वर मदु। छिं थः मनूतलिसें थःगु तःधंगु दयामाया या बाचा पूरा यानादी, गुपिन्‍सं दुनुगलंनिसें छिगु खँ न्‍यनाः जीवन हनी।

भजनसंग्रहया सफू 18:31

परमप्रभु बाहेक मेम्‍ह सु परमेश्‍वर दु? झी परमेश्‍वर बाहेक मेम्‍ह सु ल्‍वहंधी दु?

भजनसंग्रहया सफू 99:3

इमिसं छिगु तःधंगु व तःजिगु नांया प्रशंसा यायेमा! वय्‌कः पवित्र खः।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 11:45

छाय्‌धाःसा जि छिमि परमेश्‍वर जुइत छिमित मिश्रंनिसें हयाम्‍ह परमप्रभु जि हे खः। उकिं छिपिं पवित्र जुइमाः, छाय्‌धाःसा जि पवित्र खः।

व्‍यवस्‍था 4:39

परमप्रभु हे च्‍वय् स्‍वर्गय् व क्‍वय् पृथ्‍वीइ परमेश्‍वर खः अले वय्‌कः बाहेक मेम्‍ह सुं मदु धकाः छिमिसं थौं सीका का, अले नुगलय् ति।