१ शमूएल 10:2 - नेवाः बाइबल

² थौं छि थनं जिनापं बिदा जुयाः वनीबलय् बेन्‍यामीनया सिमानाय् दुगु सेल्‍सहय् राहेलया चिहान लिक्‍क निम्‍ह मनू नापलाइ। इमिसं छितः थथे धाइ, ‘छिं मालाच्‍वंपिं गधात लुयावल। अले छिकपिनि बौनं वयागु पीर कायेगु त्‍वःताः छिगु पीर कयाः थथे धयाच्‍वन, “आः जिमि काय्‌या निंतिं जिं छु जक यायेगु?”’

१ शमूएल 10:2 Referans Kwoze

१ शमूएल 10:16

शाऊलं धाल, “गधात लुयाः वये धुंकल धकाः वं जिमित धाल।” वं थः जुजु जुल धकाः शमूएलं धाःगु खँ धाःसा ककायात मधाः।

यहोशू 18:28

सेलाह, एलेप, यबूसी शहर धाइगु यरूशलेम, गिबा व किर्यत-झिंप्‍यंगू शहर व इमिगु फुक्‍क गां। बेन्‍यामीनया वंशतय्‌त थुपिं सर्बय् दत।

यर्मिया 31:15

परमप्रभुं थथे नं धयादी, “न्‍यँ, रामा शहरय् नुगः हे तज्‍याइ थें च्‍वंक ख्‍वःसः ताये दत। राहेल थः मस्‍तय्‌त लुमंकाः ख्‍वयाच्‍वन। न्‍ह्याक्‍व ह्ययेकूसां व मानय् मजू, छाय्‌धाःसा वया मस्‍त स्‍याये धुंकल।”

उत्‍पत्ति 35:16

इपिं बेथेलं वन। एप्रात थ्‍यनी थें च्‍वंकाः राहेलयात मचाबुइ ब्‍यथा जुल।

उत्‍पत्ति 48:7

“जिं थथे छाय् यानागु धाःसा पद्दन-आरामं लिहां वयाच्‍वनाबलय् एप्रात (बेथलेहेम) थ्‍यने न्‍ह्यः हे कनान देशय् छिमि मां राहेल मन्‍त। जिं वयात अन हे लँसिथय् थुनेमाल।”