१ पत्रुस 4:5 - नेवाः बाइबल

⁵ इमिसं सी धुंकूपिन्‍त नं म्‍वानाच्‍वंपिन्‍त नं न्‍याय यानादीम्‍ह परमेश्‍वरयात लिसः बी माली।

१ पत्रुस 4:5 Referans Kwoze

याकूब 5:9

दाजुकिजापिं, छिपिं थःथवय् कचकच याना जुइ मते। अले जक परमेश्‍वरं छिमित भिंपिं मनूत खः धकाः सजाँय बियादी मखु। स्‍व, मनूतय्‌त न्‍याय यानादीम्‍ह प्रभु याकनं हे झायादीत्‍यंगु दु।

प्रेरित 10:42

व हे येशूं जिमित थ्‍व भिंगु खँ न्‍यंका जुइत व परमेश्‍वरं वय्‌कःयात हे सीपिनि व म्‍वाःपिनि न्‍यायाधीश यानादीगु दु धकाः न्‍यंका जुइत उजं बियादिल।

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

मत्ती 12:36

“जिं छिमित धाये – छिमिसं ल्‍हाना जूगु म्‍वाःमदुगु छता छता खँया ल्‍याःचाः परमेश्‍वरं न्‍याय यानादीबलय् कयादी।

लूका 16:2

अले वं वयात सःताः धाल – ‘छं मखु थें यानाच्‍वन धकाः धाःगु खँ खः ला कि मखु? आवंनिसें छं जिथाय् ज्‍या याये म्‍वाःल। जितः हिसाब बुझय् याये हजि।’

इजकिएल 18:30

“अथे जुयाः अय् इस्राएलया घराना, जिं छिपिं छम्‍ह छम्‍हय्‌सिगु न्‍याय वयागु पहःचहःकथं याये, जि, परमप्रभु परमेश्‍वर न्‍ववानागु दु। पस्‍ताय् चा, थःगु फुक्‍क अपराधपाखें लिहां वा, अले छिमिगु पाप छिमिगु पतनया कारण जुइ मखु।

उपदेशक 12:14

झीसं यानागु ज्‍या, भिं जुइमा वा मभिं जुइमा, सुला याःगु ज्‍यानापं फुक्‍क खँया न्‍याय परमेश्‍वरं यानादी।

भजनसंग्रहया सफू 1:6

छाय्‌धाःसा परमप्रभुं धर्मीतय्‌गु लँयात रक्षा यानादी। तर दुष्‍टतय्‌गु लँ नाश जुयावनी।

रोमी 14:9

छाय्‌धाःसा म्‍वाःपिनि नं सीपिनि नं प्रभु जुइत हे ख्रीष्‍ट सिनाः हानं म्‍वानादिल।