१ पत्रुस 4:16 - नेवाः बाइबल

¹⁶ ख्रीष्‍टियनत जूगुलिं छिमिसं दुःखसिया च्‍वनेमाल धकाः छतिं हे लज्‍या चायेमाःगु मदु, बरु अथे ब्‍वःबीकाच्‍वने दुगुलिं छिमिसं परमेश्‍वरयात सुभाय् ब्‍यु।

१ पत्रुस 4:16 Referans Kwoze

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

१ पत्रुस 4:19

अय्‌जूगुलिं परमेश्‍वरयागु इच्‍छा कथं दुःख स्‍यूम्‍हय्‌सिनं भिंगु ज्‍या यायेगु मत्‍वःतुसे सृष्‍टि यानादीम्‍ह परमेश्‍वरयाके भरोसा तया च्‍वँ।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

फिलिप्‍पी 1:20

अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

यशैया 50:7

जि लाजय् लाइ मखु, छाय्‌धाःसा परमप्रभु परमेश्‍वरं जितः ग्‍वाहालि यानादी। जिं च्‍वल्‍वहं थें कडा जुइगु क्‍वःछिनागु दु, अले जिं स्‍यू कि जि लाजय् लाइ मखु।

प्रेरित 26:28

अले अग्रिपासं पावलयात धाल – “थुलि याकनं छं जितः नं ख्रीष्‍टियन यायेत स्‍वयागु ला?”

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

प्रेरित 11:26

लुइके धुंकाः वयात एन्‍टिओखियाय् ब्‍वना हल। इपिं अन दच्‍छि तक च्‍वनाः मण्‍डलीइ च्‍वंपिं यक्‍वसित हे स्‍यनेकने यात। एन्‍टिओखियाय् हे दकलय् न्‍हापां विश्‍वासीतय्‌त ख्रीष्‍टियन धायेगु यात।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

याकूब 2:7

अले हानं छिमित सःतादीम्‍ह हनेमाःम्‍ह प्रभुयागु नां बेइज्‍जत यायेत स्‍वःपिं नं तःमिपिं हे मखु ला?

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।