१ पत्रुस 3:1 - नेवाः बाइबल

¹ मिसात भाःतं धाःथें च्‍वनेमाः। थुकिं यानाः परमेश्‍वरयात विश्‍वास मयाःम्‍ह भाःतं नं छिमिगु चालचलनं यानाः विश्‍वास याइ। छिमिसं छुं हे खँ न्‍यंके माली मखु।

१ पत्रुस 3:1 Referans Kwoze

कलस्‍सी 3:18

मिसातय्‌सं थः भाःतं धाःथें यायेमाः। थथे याइगु प्रभुयात यः।

एफिसी 5:33

न्‍ह्यागु जूसां मिजंतय्‌सं थः कलाःयात थःत थें माया यायेमाः। अथे हे मिसातय्‌सं नं थः भाःतयात हनाबना तयेमाः।

१ कोरिन्‍थी 11:3

अय्‌नं छता खँ न्‍यँ – न्‍ह्याम्‍ह मिजंयागु छ्यं ख्रीष्‍ट खः, अले मिसायागु छ्यं वया भाःत खः, अले ख्रीष्‍टयागु छ्यं परमेश्‍वर खः धयागु खँ छिमिसं थुइके माल।

१ कोरिन्‍थी 7:16

विश्‍वासी कलाःम्‍हं थः भाःतयात विश्‍वासी याये फइ मखु धकाः मतिइ तयेगु बांमलाः। अथे हे विश्‍वासी भाःतं थः कलाःयात विश्‍वासी याये फइ मखु धकाः मतिइ तयेगु बांमलाः।

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।

रोमी 7:2

बियाछ्वये धुंकूम्‍ह मिसाया भाःत मसीतले व मिसां भाःतयात त्‍वःते मज्‍यू धकाः व्‍यवस्‍थां धाःगु खँ मानय् याये हे माः। अय्‌नं भाःत सित धाःसा व्‍यवस्‍थां भाःतयात त्‍वःते मज्‍यू धकाः धाःगु आज्ञा मानय् याये म्‍वाः।

१ कोरिन्‍थी 14:34

मण्‍डलीइ सेवा यायेबलय् मिसातय्‌सं नवाये मज्‍यू। इमित नवाके मज्‍यू। व्‍यवस्‍थां धाःकथं इपिं अधीनय् च्‍वनेमाः।

मत्ती 18:15

“छिमि दाजुकिजा सुनानं छन्‍त मभिंका जुल धाःसा याकःचा हे वनाः वयागु द्वंबिद्वं क्‍यनाब्‍यु। वं छंगु खँ न्‍यन धाःसा छिपिं हानं मिलय् जुइ फइ।

कलस्‍सी 4:5

विश्‍वासी मखुपिंलिसे खँ ल्‍हायेबलय् छिमिसं बांलाक बिचाः यानाः नवा। अले इमित भिंगु खँ न्‍यंकेगु मौका त्‍वःफिके मते।

हिब्रू 11:8

विश्‍वासं हे अब्राहामं परमेश्‍वरयागु खँ न्‍यन। परमेश्‍वरं वयात सःताः थःम्‍हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्‍वःतावन।

२ थेसलोनिकी 1:8

वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

रोमी 6:17

छिमिसं दुनुगलंनिसें छिमित स्‍यना थकूगु तःधंगु खँयात मानय् याःगुलिं न्‍हापा थें छिपिं आः पापया दास मखुत। उकिं परमेश्‍वरयागु जय जुइमा।

हितोपदेश 18:19

थः दाजुकिजापिन्‍त ग्‍वाहालि या। अले इमिसं शहरया बल्‍लाःगु किल्‍लां थें छन्‍त रक्षा याइ। ल्‍वापुं दाजुकिजाया लुखा तिनाबी।

हितोपदेश 11:30

भिंगु ज्‍याया पुसा हे जीवनया सिमा जुइ, बुद्धिमान मनुखं मनूतय्‌गु नुगः त्‍याकी।

१ पत्रुस 4:17

परमेश्‍वरं याकनं न्‍याय यानादी। दकलय् न्‍हापा परमेश्‍वरया मनूतय्‌त न्‍याय यानादी। थथे न्‍हापा झीत हे न्‍याय यानादी धाःसा भिंगु खँ मन्‍यंपिन्‍त झन गज्‍याःगु न्‍याय यानादीगु जुइ?

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

रोमी 10:16

अय्‌नं यहूदीत फुक्‍कसिनं भिंगु खँय् न्‍हाय्‌पं मब्‍यूनि। थ्‍व हे खँ यशैयां नं च्‍वया थकल – “प्रभु, जिमिसं न्‍यंकागु खँय् सुनां विश्‍वास याःगु दु?”

१ पत्रुस 3:2

अले इमिसं छिमिगु भिंगु चालचलन व परमेश्‍वरयात भरोसा तयाच्‍वंगु खनाः हे छिपिं भिंपिं खः धकाः सीकी।