१ पत्रुस 2:10 - नेवाः बाइबल

¹⁰ न्‍हापा छिपिं परमेश्‍वरया मनूत मखु, आः जुइ धुंकल। न्‍हापा छिमिसं वय्‌कःयागु दया माया काये मखं, आः काये खंगु दु।

१ पत्रुस 2:10 Referans Kwoze

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

हिब्रू 4:16

अय्‌जूगुलिं झीपिं भचा हे मग्‍यासे परमेश्‍वरया सिंहासनया न्‍ह्यःने वनेनु। अले वय्‌कलं झीत दया यानाः माःबलय् माःकथं झीत ग्‍वाहालि यानादी।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

रोमी 10:19

जिं हानं धाये – अय्‌सा छु इस्राएलीतय्‌सं थ्‍व खँ थुइके मफुत ला? थु ला थू, अय्‌नं वास्‍ता मयाः, छाय्‌धाःसा दकलय् न्‍हापां मोशां थथे धया थकल – “जिं नं थः मखुपिं मनूतपाखें इमिगु नुगः मुइके, छगू मूर्ख जातियापाखें इमित तं चाय्‌के।”

१ कोरिन्‍थी 7:25

ब्‍याहा मजुनिपिनिगु लागि प्रभुं जितः छुं धयादीगु मदु। बरु प्रभुयागु दया मायां विश्‍वास याये बहःम्‍ह जुयाः जिं छिमित धयाच्‍वना –

रोमी 11:30

न्‍हापा ला छिपिं नं छकः वय्‌कःयात मानय् मयाःपिं खः, आः धाःसा वय्‌कलं छिमित दया माया यानादिल। इमिसं वय्‌कःयात मानय् मयाःगुलिं थथे जूगु खः।

२ शमूएल 7:24

छिं थः प्रजा इस्राएलयात न्‍ह्याबलेंया लागि थःगु दय्‌कादीगु दु। अले छि हे परमप्रभु, इमि जुयादीगु दु।