१ यूहन्‍ना 5:3 - नेवाः बाइबल

³ परमेश्‍वरयागु आज्ञा मानय् यायेगु हे वय्‌कःयात माया यायेगु खः। वय्‌कःयागु आज्ञा मानय् यायेत थाकु मजू।

१ यूहन्‍ना 5:3 Referans Kwoze

यूहन्‍ना 14:15

“छिमिसं जितः माया याःसा जिगु आज्ञा नं मानय् यानाच्‍वनी।

यूहन्‍ना 15:10

जिगु आज्ञा मानय् याःसा छिपिं जिगु मायाय् च्‍वनाच्‍वंनी, गथे जिं नं बाःयागु आज्ञा मानय् यानाः वय्‌कःयागु मायाय् च्‍वनाच्‍वना।

२ यूहन्‍ना 1:6

वय्‌कःयागु आज्ञा मानय् यायेगु हे धात्‍थेंयागु माया खः। छिमिसं न्‍हापांनिसें न्‍यंगु आज्ञा थ्‍व हे खः – छिमिसं थःथवय् माया याना च्‍वँ।

१ यूहन्‍ना 2:3

परमेश्‍वरयागु आज्ञा मानय् याना च्‍वंसा जक वय्‌कःयात बांलाक म्‍हस्‍यू धकाः झीसं धाये फइ।

व्‍यवस्‍था 7:9

परमप्रभु हे छिमि परमेश्‍वर खः धकाः सीकाति। वय्‌कः विश्‍वास याये बहःम्‍ह परमेश्‍वर खः। सुनां वय्‌कःयात माया याइ व वय्‌कःया आज्ञा मानय् याइ वया द्वलंद्वः पुस्‍ता तक थःगु बाचा पूवंकादी अले इमित दयामाया याना हे च्‍वनादी।

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

यूहन्‍ना 15:14

जिगु आज्ञा मानय् याःसा छिपिं धात्‍थें हे जिमि पासापिं खत।

दानिएल 9:4

अले जिं थःगु पाप मानय् यानाः थः परमप्रभु जिमि परमेश्‍वरयात थथे प्रार्थना याना। “हे परमप्रभु, छि तःधंम्‍ह व मानय् यायेमाःम्‍ह खः, छितः माया याइपिन्‍त अले छिगु खँ न्‍यनीपिन्‍त छिं थःगु दयामायाया बाचा पूवंकादी।

हिब्रू 8:10

जिं इस्राएलीतलिसे चीत्‍यनागु बाचा थुकथं खः – ‘जिं थःगु नियम इमिगु मनय् थ्‍यंक तयाबी, अले इमिगु नुगलय् नं च्‍वयाबी। अले जि इमि परमेश्‍वर जुइ व इपिं जिम्‍ह मनूत जुइ।’

रोमी 7:12

अय्‌जूगुलिं व्‍यवस्‍था पवित्रगु खः। अले आज्ञा नं पवित्र, धर्मी व भिंगु खः।

हितोपदेश 3:17

थुकिं जीवनयात न्‍ह्याइपुसे च्‍वंगु लँय् न्‍ह्याकी, अले याउँक न्‍ह्याकी।

भजनसंग्रहया सफू 119:140

छिगु बचंयात पूवंक जाँचय् याःगु दु, अले जिं उकियात यक्‍व माया याना।

भजनसंग्रहया सफू 119:45

अले जि स्‍वतन्‍त्र जुयाः म्‍वाये छाय्‌धाःसा जिं छिगु उपदेश मालागु दु।

व्‍यवस्‍था 5:10

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकयात जिं सदां दयामाया याये।”

प्रस्‍थान 20:6

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकं जिं दया माया याये।

मत्ती 23:4

इमिसं मेपिन्‍त धाःसा झ्‍यातुगु झ्‍यातुगु कु क्‍वबिकी, थःपिन्‍सं धाःसा थी तक नं मखु।

२ राजा 18:6

व परमप्रभुया भक्त जुया हे च्‍वन। वय्‌कःनापं जुइगु त्‍वःमतू। वं परमप्रभुं मोशायात बियादीगु फुक्‍क उजं पालन यात।