१ यूहन्‍ना 4:12 - नेवाः बाइबल

¹² परमेश्‍वरयात सुनानं खंगु मदुनि। तर झी थःथवय् माया याना च्‍वंसा वय्‌कः झीगु नुगलय् च्‍वनादी। अले वय्‌कःयागु मायां झी जाइ।

१ यूहन्‍ना 4:12 Referans Kwoze

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

१ यूहन्‍ना 2:5

परमेश्‍वरयागु वचन मानय् यानाच्‍वंम्‍ह मनू जक धात्‍थें परमेश्‍वरया मायां जाःम्‍ह जुइ। थुकिं हे झीपिं परमेश्‍वरया मनू खः धकाः सी दइ।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।

प्रस्‍थान 33:20

अले वय्‌कलं धयादिल, “अय्‌नं छं जिगु ख्‍वाः स्‍वये फइ मखु, छाय्‌धाःसा जिगु ख्‍वाः स्‍वयाः सुं नं मनूत म्‍वानाच्‍वने फइ मखु।”

१ यूहन्‍ना 4:6

झीपिं धाःसा परमेश्‍वरया मनूत खः, उकिं वय्‌कःयात बांलाक म्‍हस्‍यूपिन्‍सं झीगु खँ न्‍यनी। वय्‌कःया मनूत मखुसा झीगु खँ नं इमिसं न्‍यनी मखु। थथे झीसं परमेश्‍वरं धाःगु व मनूतय्‌सं धाःगु खँ सीके फइ।

१ तिमोथी 1:17

न्‍ह्याबलें दयाच्‍वनीम्‍ह जुजु, गुबलें सी मखुम्‍ह, खने मदुम्‍ह छम्‍ह हे जक परमेश्‍वर न्‍ह्याबलें तःधनेमा अले वय्‌कःयात हे फुक्‍कसिनं हनेमा। आमेन।

गन्‍ती 12:8

वलिसे जिं चुलिंचू च्‍वनाः खँ ल्‍हाये, मथुइक मखु, ध्‍वाथुइक वं परमप्रभुयागु रूप खनी। छिपिं छाय् जिमि दास मोशायात कुंखिना जुइत मग्‍यानागु?”

उत्‍पत्ति 32:30

उकिं याकूबं व थाय्‌यागु नां पनीएल तल। छाय्‌धाःसा वं मतिइ तल, “परमेश्‍वरलिसे चुलिंचू लानाः नं जि म्‍वाना हे च्‍वना।”

हिब्रू 11:27

विश्‍वासं हे जुजुयागु तं खनाः मग्‍यासे मोशां मिश्र देश त्‍वःतावन। अले खने मदुम्‍ह परमेश्‍वरयात खं थें च्‍वंक नुगः क्‍वात्तुकाच्‍वन।

१ कोरिन्‍थी 13:13

अय्‌जूसां विश्‍वास, आशा व माया, थुपिं स्‍वता धाःसा दया हे च्‍वनी, तर उपिं मध्‍ये दकलय् तःधंगु ला माया खः।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।