१ यूहन्‍ना 3:2 - नेवाः बाइबल

² अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

१ यूहन्‍ना 3:2 Referans Kwoze

फिलिप्‍पी 3:21

वय्‌कलं फुक्‍कयात थःगु ल्‍हातय् कयादी फु। थ्‍व हे शक्तिं वय्‌कलं झीगु थ्‍व बमलाःगु व सिनावनीगु म्‍हयात वय्‌कःयागु थें सिना मवनीगु यानादी।

कलस्‍सी 3:4

ख्रीष्‍ट हे छिमिगु जीवन खः। वय्‌कः झाइबलय् छिपिं नं वय्‌कःनापं तुं खने दइ, अले तःधनी।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

रोमी 8:29

परमेश्‍वरं न्‍हापांनिसें म्‍हस्‍यूपिन्‍त वय्‌कःया काय् थें यानादीत न्‍हापांनिसें हे ल्‍यया तयादिल। वय्‌कः यक्‍व किजापिं मध्‍ये जेठाम्‍ह जुइमा धकाः थुकथं यानादीगु खः।

भजनसंग्रहया सफू 17:15

जिं धाःसा छुं मभिंगु मयानागुलिं छिगु ख्‍वाः खनी। जि दनावयेबलय् छितः स्‍वयेदयाः तसकं लय्‌ताये।

१ कोरिन्‍थी 15:49

गथे झीपिं पृथ्‍वीयागु चां दय्‌कूम्‍ह मनू आदम थें तुं जुल, अथे हे झीपिं स्‍वर्गं वःम्‍ह थें जुइ।

प्रकाश 22:4

इमिसं वय्‌कःयागु ख्‍वाः स्‍वये दइ। वय्‌कःयागु नां इमिगु कपालय् च्‍वयातःगु दइ।

२ पत्रुस 1:4

थथे वय्‌कलं झीत तःधंगु व तःजिगु आशिष बियादी धकाः बचं बियादीगु दु। वय्‌कलं हे धयादीकथं झीपिं परमेश्‍वर थें जुइ फइ, अले संसारयागु लोभ लालचं यानाः स्‍यनीगुपाखें बचय् जुइ फइ।

१ कोरिन्‍थी 2:9

धर्मशास्‍त्रय् थथे च्‍वयातःगु दु – “मनुखं मखंगु, मन्‍यंगु, व मतिइ मतःगु खँ परमेश्‍वरं थःत माया याना च्‍वंपिनिगु निंतिं तयार यानादिल।”

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

रोमी 8:18

जिं स्‍वय्‌बलय् थौंकन्‍हय् झीत जुयाच्‍वंगु दुःखकष्‍ट ला लिपा झीत दइ तिनिगु सुख नाप दाना स्‍वयेबलय् छुं हे मखु।

गलाती 3:26

येशू ख्रीष्‍टयात विश्‍वास यानाः वय्‌कः नाप मिलय् जूगुलिं छिपिं फुक्‍कं परमेश्‍वरया सन्‍तान जुल।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

मत्ती 5:8

नुगः यचुपिं मनूत धन्‍यपिं खः, इमिसं परमेश्‍वरयात स्‍वये खनी।

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

अय्‍यूब 19:26

अले जिगु छेंगू थुकथं नाश जुइ धुंकाः नं, जिं जिगु शरीरय् हे परमेश्‍वरयात खने।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

भजनसंग्रहया सफू 31:19

छिगु भय काइपिनिगु निंतिं छिं तयातयादीगु भिंगु खँ गुलि तःधं। अले थःगु शरणय् वइपिन्‍त सकसिगुं न्‍ह्यःने माक्‍व बियादी।

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

भजनसंग्रहया सफू 16:11

छिं जितः जीवनया लँपु क्‍यनादी छिनापं च्‍वनाः जितः लय्‌ताय्‌केबी। अले थ्‍व लसता जितः सदां सदां बियादी।

मलाकी 3:2

वय्‌कः झाइबलय् सुनां सह याये फइ? वय्‌कः खने दइबलय् सु दनाच्‍वने फइ? छाय्‌धाःसा वय्‌कः लुँकःमितय्‌गु मि व ध्‍वब्‍यातय्‌गु साबुं थें खः।

लूका 17:30

मनूया काय् वइबलय् नं अथे हे जुइ।

लूका 20:36

इपिं ला स्‍वर्गदूत थें जुइ, उकिं इपिं हानं सी मखुत। सीपिन्‍त म्‍वाका तःगुलिं इपिं परमेश्‍वरया मस्‍त जुइ।

यूहन्‍ना 1:12

वय्‌कःयात ग्रहण यानाः विश्‍वास याःपिन्‍त धाःसा परमेश्‍वरया सन्‍तान जुइगु हक बियादिल।

यूहन्‍ना 11:52

यहूदीतय्‌गु निंतिं जक मखु, बरु छ्यालब्‍याल जुयाच्‍वंपिं परमेश्‍वरया फुक्‍क सन्‍तानतय्‌त छथाय् मुंकेत नं खः।

रोमी 8:16

झीगु आत्‍मानाप मिलय् जुयाः परमेश्‍वरयागु आत्‍मां झीपिं परमेश्‍वरया सन्‍तान खः धकाः साक्षी बी।

रोमी 8:19

फुक्‍क सृष्‍टि परमेश्‍वरं थः सन्‍तानतय्‌त क्‍यनेगु दिं स्‍वयेत आय्‌बुया च्‍वंगु दु।

१ यूहन्‍ना 2:7

यःपिं दाजुकिजापिं, जिं छिमित च्‍वयाच्‍वनागु थ्‍व आज्ञा न्‍हूगु मखु, पुलांगु हे खः। थ्‍व आज्ञा परमेश्‍वरयात विश्‍वास याःबलय् निसें छिमित न्‍यंकूगु खः, आः नं न्‍यनाच्‍वंगु हे दु।

१ यूहन्‍ना 3:10

परमेश्‍वरया सन्‍तान व शैतानया सन्‍तान थुकिं हे बांलाक सी दइ। बांलाःगु भिंगु ज्‍या मयाइम्‍ह, अले थः दाजुकिजापिन्‍त माया मयाइम्‍ह मनू परमेश्‍वरया सन्‍तान मखु।

१ यूहन्‍ना 3:21

अय्‌जूगुलिं यःपिं दाजुकिजापिं, झीगु मनं झीत दोषी ठहरय् मयाःसा झीपिं परमेश्‍वरया न्‍ह्यःने ग्‍याये माली मखु।

प्रकाश 2:28

अले जिं इमित सुथसिगु नगु नं बी।