१ यूहन्‍ना 1:3 - नेवाः बाइबल

³ जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

१ यूहन्‍ना 1:3 Referans Kwoze

१ कोरिन्‍थी 1:9

परमेश्‍वर विश्‍वास याये बहःम्‍ह खः। वय्‌कलं हे थःकाय्, झी प्रभु येशू ख्रीष्‍टनाप झीत मिलय् यानादीगु खः।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

फिलिप्‍पी 2:1

ख्रीष्‍टयात विश्‍वास यानाः छिमित साहस वःगु दु ला? वय्‌कःयागु मायां छिमित तिबः ब्‍यूगु दु ला? छिमिसं पवित्र आत्‍मां धाःथें याना जुयागु दु ला? छिमिसं थःथवय् दया माया याना जुयागु दु ला?

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

फिलिप्‍पी 3:10

आः ला जिं ख्रीष्‍टयात म्‍हसीकेगु, वय्‌कः हानं म्‍वाना वइगु शक्तियात सीकेगु व वय्‌कलं थें दुःखकष्‍ट सियाः वय्‌कः थें जुयाः सिनावनेगु हे जक मनंतुनागु दु।

१ पत्रुस 5:1

जि नं छम्‍ह मण्‍डलीयाम्‍ह थकालि खः। उकिं आम्‍कन च्‍वंगु मण्‍डलीयापिं थकालिपिन्‍त नं थ्‍व न्‍वानाखँ च्‍वया हयाच्‍वनागु खः। ख्रीष्‍टं दुःख सियाः सिनादीगु नं जिं खनागु दु। येशू ख्रीष्‍ट झायादीबलय् जि नं वय्‌कः नाप तःधनी।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

१ यूहन्‍ना 1:5

परमेश्‍वरया काय्‌नं बियादीगु शिक्षा हे जिमिसं छिमित बियाच्‍वना। परमेश्‍वर जः खः। वय्‌कःयाके खिउँ हे मदु।

हिब्रू 2:12

थ्‍व हे खँ धर्मशास्‍त्रय् थथे च्‍वयातःगु दु – “जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।”

१ तिमोथी 6:2

विश्‍वासी दाजुकिजा ला खः नि धकाः सुनानं थः विश्‍वासी मालिकयात हनाबना मतयेगु याये मते, बरु इमिगु बांलाक सेवा या। छाय्‌धाःसा इमित भिनिगु थः हे दाजुकिजायात भिनिगु खः। थ्‍व हे खँ छं मेपिन्‍त नं स्‍यनेकने या।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

एफिसी 3:6

जिं धयाच्‍वनागु गुप्‍ति खँ थ्‍व हे खः – परमेश्‍वरयागु भिंगु खँ न्‍यना काःगुलिं यहूदीतय्‌त थें यहूदीमखुपिन्‍त नं परमेश्‍वरं उतिकं आशिष बियादी। थुपिं निखलः नं छम्‍ह हे खः। परमेश्‍वरं थुमित नं ख्रीष्‍ट येशूयात विश्‍वास याक्‍वसित बी धकाः धयादीगु बियादी।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

१ कोरिन्‍थी 15:1

यःपिं दाजुकिजापिं, छिमिसं आः तक नं विश्‍वास यानाः मानय् यानाच्‍वंगु जिं न्‍यंकागु भिंगु खँ आः हानं छिमित लुमंकाबी मास्‍ति वल।

रोमी 15:27

इमिसं धाये म्‍वाय्‌क थःपिन्‍सं हे भेटी ब्‍यूगु खः। इमिसं थथे ग्‍वाहालि याये हे माः, छाय्‌धाःसा यहूदीतय्‌पाखें हे यहूदीमखुपिन्‍सं परमेश्‍वरया आशिष काये खंगु खः। अथे हे यहूदीमखुपिन्‍सं नं माल कि यहूदीतय्‌त ग्‍वाहालि यायेमाः।

प्रेरित 13:41

“‘अय् मूर्खत, हेबाय्‌चबाय् जक यानाजुइपिं, थुइके मफयाः छिपिं अथें सिनावनी। छिपिं दुबलय् हे जिं छगू थज्‍याःगु ज्‍या याये। जिं यानागु थ्‍व ज्‍या छिमित सुनानं कन धाःसां छिमिसं गुबलें नं पत्‍याः याइ मखु।’”

प्रेरित 13:32

“आः जिमिसं परमेश्‍वरं झी तापाःबाज्‍यापिन्‍त बी धकाः धयादीगु थ्‍व हे भिंगु खँ छिमित कं वयाच्‍वना।

प्रेरित 2:42

आः इपिं प्रेरितत लिसे स्‍यनेकने, प्रार्थना, प्रभु भ्‍वय् व संगति याइपिं जुल।

यूहन्‍ना 17:25

“सत्‍यम्‍ह बाः, संसारं छितः म्‍हसीके मफुनि। तर जिं छितः म्‍हस्‍यू। छिं हे जितः छ्वयाहयादीगु खः धकाः थुमिसं स्‍यू।

यूहन्‍ना 17:11

जि आः छिथाय् वयेत्‍यनागुलिं थ्‍व संसारय् दइ मखुत, थुपिं धाःसा थ्‍व संसारय् च्‍वनाच्‍वनी। पवित्रम्‍ह बाः, छिं जितः बियादीपिन्‍त छिगु हे नांयागु निंतिं बचय् यानातयादिसँ। झीपिं थें तुं इपिं नं छप्‍पँ जुयाच्‍वनेमा।

भजनसंग्रहया सफू 22:22

जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।

यशैया 66:19

“जिं इमिगु दथुइ छगू चिं बी। अले इपिं मध्‍ये बचय् जूपिन्‍त जिं जाति जातितय्‌थाय् छ्वये, तर्शीशय्, लिबियालीतय्‌थाय्, धनुष वाण चले याये सःपिं लूदीतय्‌थाय्, तूबल व ग्रीसय् अले तातापागु देशय्, अन इमिसं जिगु नां च्‍वन्‍ह्यागु न्‍यनातःगु मदु अले जिगु महिमा नं खंगु मदु। अय्‌नं इमिसं जाति जातितय् दथुइ जिगु महिमा घोषणा याइ।

भजनसंग्रहया सफू 2:7

जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल, ‘छ जिमि काय् खः, थनिनिसें जि छिमि बाः जुल।

यूहन्‍ना 19:35

थ्‍व खंम्‍हय्‌सिनं हे थ्‍व साक्षी ब्‍यूगु खः। वयागु साक्षी सत्‍य खः। वं धाःगु खँ सत्‍य खः धकाः वं स्‍यू। छिमिसं नं विश्‍वास याये फयेमा धकाः वं थ्‍व साक्षी ब्‍यूगु खः।

२ पत्रुस 1:16

जिमिसं येशू ख्रीष्‍टयागु तःधंगु शक्ति व वय्‌कः हानं झायादी तिनि धकाः छिमित धयागु खँ मनूतय्‌सं कंगु बाखं मखु। वय्‌कः गुलि तःधं धकाः जिमिगु मिखां हे खनागु दु।

गन्‍ती 10:32

छि जिपिंनापं झाल धाःसा परमप्रभुं जिमित छु आशिष बियादी व जिमिसं छिनापं इनाकाये।”

अय्‍यूब 13:1

“धात्‍थें, थ्‍व फुक्‍क जिं थःगु हे मिखां खनागु दु। जिं थुकियात थःगु हे न्‍हाय्‌पनं न्‍यनाः थुइके धुन।