Bhusetuli 16:6 - ULwitikano uLupya

⁶ Paapo abhandu abhabhiibhi abha bhakakupula ibhanda ilya bhiitiki bhaako na bhasololi bhaako. Nuughwe Malafyale ghwabhapa ibhanda, bhangʼwe. Lubhabhaghiile ulufundo ulwo!”

Bhusetuli 16:6 Referans Kwoze

Bhusetuli 11:18

Abhandu bhaabho bhatakakwitika ughwe bhakakukalalila, loole akabhalilo kaako aka kubhakalalila abheene, kaafika. Aka kabhalilo aka kubhalonga bhaabho bhakafwa, soona kabhalilo aka kubhahomba abhabhombi bhaako abhasololi, abhiitiki na bhaabho bhakayighindikagha ingamu yaako, abhosongo na bhakeke. Aka kabhalilo aka kubhafunda abhandu bhaabho bhakuchikomania ichiisu.”

Bhusetuli 18:24

Mu kaaya ako mukabhoneka ibhanda ilya bhasololi, ibhanda ilya bhiitiki pamupeene ni ibhanda ilya bhandu bhooshi bhaabho bhakaghoghighwa pa chiisu.”

Bhusetuli 13:15

Ilikanu ilya bhubhili ilyo likapeeliighwa amaka agha kumupuutila uchaala uyo umwughi ukuti abhe mwumi nu kubha na maka agha kuyugha nu kubhaghogha bhooshi bhaabho bhakukaana ukumwipuuta uchaala uyo.

Bhusetuli 19:2

paapo ubhulongi bhwake bhwa nalooli soona bhwa bhugholofu. Aamulongite umalaya usongo yuuyo akachikomanianga ichiisu ku bhushipani bhwake. UChaala amuhombite ubhubhiibhi ku nongwa iya libhanda ilya bhabhombi bhaake.”

Bhusetuli 13:10

Umundu yuuyo akulondighwa ukupokighwa ku maka, ghwepe indiakapokighwe ku maka. Umundu yuuyo akulondighwa ukughoghighwa nu mumaaghi umutali ughwa bhwite, ghwepe indiakaghoghighwe nu mumaaghi ughwo. Apo po paapo abhiitiki bhakulondighwa bhakibhaghe nu kumusubhaalila uChaala.

Bhusetuli 18:20

Sekelagha umwe mwe mukwikala kumwanya ku nongwa iya kupyutighwa kwake. Sekelagha mwe bheelu, abhatumighwa na bhasololi! Paapo uChaala aakalonga akaaya ako ku nongwa iya shila shiisho kakabhabhombela umwe.

Bhahibhuli 10:29

Inongʼona! Kali, ulufundo indilukabhe bhuleele ku mundu yuuyo akumufuuya uMwana ughwa Chaala ni ibhanda ilya lwitikano liilyo likamwelufya imbiibhi shaake? Kali, ulufundo indilukabhe bhuleele ku mundu yuuyo akumufuuya uMbepo uMwelu ughwa chisa? Nalooli, ulufundo indilukabhe lukulu soona lukali ngaani.

Mataayi 7:2

Paapo muumwo mukubhalonga abhandu abhanine, mwo muumwo uChaala indiakabhalonge nuumwe. Soona, ichipimilo chiicho mukubhapimila abhanine, cho chiicho uChaala indiakabhapimile nuumwe.

Luuka 12:48

Loole umubhombi yuuyo atashimeenye shiisho usongo ghwake akulonda, linga aabhomba kabhiibhi, usongo ghwake indiakamukome kanandi. Bhubhuubhwo uChaala indiakamumelele ifyingi umundu ghweshi yuuyo akamupa ifyingi, soona indiakamumelele ifyingi ngaani umundu ghweshi yuuyo akamubhiika ukubha mwimilili ughwa fyingi ngaani.”