Bhalooma 3:10 - ULwitikano uLupya

¹⁰ Isho shili isa muumwo shisimbiighwe mu Masimbo aMeelu ukuti, “Ataliipo umundu naayumo yuuyo mubhaghile pandaashi pa Chaala, ataliipo naayumo.

Bhalooma 3:10 Referans Kwoze

Bhalooma 3:23

Paapo abhandu bhooshi bhabhombite imbiibhi nu kubha kubhutali nu bhukulumba ubhwa Chaala.

Mataayi 15:19

Paapo mu ndumbula iya mundu mwo muumwo mukufuma inyinongʼono imbiibhi, ubhughoghi, ubhushipani, ubhwifi, ubhukeeti ubhwa bhumyashi na maheelu.

Tiito 3:3

Nuutwe mu kabhalilo kamu tukabha bhalema, bhashita lughindiko soona bhasobhi. Tukakolighwa ni finyonywa ifibhiibhi ifya luko nu luko. Akayiilo kiitu kakabha ka kubhomba imbiibhi nu kubha nu lwibhuno. Abhandu bhakatukalalilagha, nuutwe tukakalalilanagha bheene-bheene.

Maalika 10:18

UYeesu akamwamula akati, “Kali, kooni kuunjugha une ukubha mwisa? Ataliipo umundu naayumo yuuyo mwisa, loole uChaala mwene.

1 Peeteli 1:16

Paapo shisimbiighwe mu Masimbo aMeelu, uChaala akuti, “Mubhange bheelu ku nongwa iya kuti une nee mwelu.”

Bhalooma 3:4

Nashiku! Pamupeene nu kuti abhandu bhooshi bhamyashi, poope umwene uChaala musubhaalilighwa akabhalilo kooshi, isa muumwo shisimbiighwe mu Masimbo aMeelu ukuti, “Linga kuyugha, amashu ghaako gha nalooli. Linga kulonga, ubhulongi bhwako bhwa nalooli.”

Bhusetuli 22:15

Loole abhaloshi, abhashipani, abhaghoghi, bhaabho bhakwipuuta abhochaala na bhanine bhaabho bhiighanite ukuyugha ubhumyashi, bhooshi abho indibhakabhe kuuse ku kaaya ako ungati bhokabhwa.

Bhusetuli 21:8

Loole abhoogha, bhaabho bhataa bhiitiki, abhanyali, abhaghoghi, abhashipani, abhaloshi, bhaabho bhakwipuuta abhochaala na bhamyashi bhooshi, ubhuyo bhwabho mwo mwa sumbi yuuyo akwaka umulilo umukali ngaani ghula. Ubhu bhwo bhuubhwo bhufwe ubhwa bhubhili.”

Bhalooma 11:8

isa muumwo shisimbiighwe mu Masimbo aMeelu ukuti, “UChaala akabhabhiika bhabhe ungati bhandu bhaabho bhakoliighwe nu tulo, akabhashighila amaaso ukuti manye bhateshange, soona akabhashindila ifyufwo ukuti manye bhapulikaghe, bhoope bhali bhula bhula ukufika umuusughu.”

Bhalooma 3:11

Ataliipo umundu naayumo yuuyo amumeenye uChaala, soona ataliipo naayumo yuuyo akumulonda.