Taitus 1:9 - Nobonob Baibel

⁹ Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!

Taitus 1:9 Referans Kwoze

2 Tesalonaika 2:15

Amunu, O lainkad, ig oɗenigppate o iitta ig yaakppate nai ippunadmut amu, amuppa ag ɠagattag daana, pehettan aɗan dim lamitteg!

2 Timoti 1:13

Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

1 Timoti 6:3

Laa nug ihinig Naɗi Jesus Kristusnu nai genab ippunikkom, Kayaknu kobol tutukkunu nai ele, nug nai amu uua, ippunittak hamu meu iitta madikku dayeb amu, ig doognig,

1 Timoti 1:10

am laa ag ewau pakkun gappai hetteb dilagnu, am laa ag danab danab o ah ah ele gappai hetteb dilagnu, am laa ag danab laa yabhok hippaladna dadennu maadtteb dilagnu, am laa ag nai hambuppuak danab dilagnu, am laa ag hettoɗiakppa hambuppunna, “Genab iikku attem,” aon atteb dilagnu, amu laa ag keeke laala amubia, keeke amu oh am ippunittak nai genab ena elenu kekeɗ daatte, danab ag amu hetteb ele amu, ɗo nug danab amu dilagnu daatte.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

Taitus 2:1

Nahipnu amu, na danab ah oh amelagppa ippunittak nai genab ena aɗi ippunigtte amu, na amu ippunadna appe doyeg!

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

2 Timoti 4:3

Aɗinu? Dimppa haen laa amu danab ag ippunittak nai genab ena ele uuglag. Ag akka ahilag dabmak dim lamidna, ippunittak danab hambuppuak kuɗum diiglag. Diippeg, ippunittak danab amu ag nai laala, danab ag dooglagnu oolag niitte ele, amu appeg dooglag.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Revelesen 3:11

Da paha eɗue uɗikkul. Laa nug nahip keeke ena, king haɗ bia amu, nug aomanu, keeke na aome amu na ɠagattag aɗan daye!

Revelesen 2:25

Iitta. Amge ag keeke aoppig amu, ag amu ɠagattag aɗan daappeg ukkeb, da eɗue uɗikkul.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

1 Timoti 4:9

Nai imuam genab, danab ag oolagppa genab dooglagnu elelenab.

1 Timoti 1:19

Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

Aposel 18:28

Nug Juda danab ele danab ah noolagppa nai mattinna, nug Kayak naippanu, Jesus am Kristus ippuanattatta mattiaya heehe, nuhig nai am Juda dilag nai huana eɗittom.

Job 27:6

Da genab tutukku hak aakkuib dim lamidmi, da dabmak amu aɗeib daakkul. Ao, da oolppan oiyak ippunittaknu ulumppa, da eheɗ heminu dabmak nakok laa ii daama. Anam ii daye ukke ukke, da mauhkkul.

1 Korint 14:24

Aria, ag oh propet nai mehuqppeg, danab laa nug ooppa genab ii dootte, o iitta nug oo ii maidtte ele amu, nug qagmak ooppa nob, ag oh ahilag nai amu danab amu ooppa noa dayaya heeb, geha danab amu nug am hipunin danab daatte doyeb, ag nai madippig ele amu, nug epeɗikku.

2 Timoti 3:14

Amge nahipnu amu na Kayak, nuhignu nai, nai amuam na doyak dabmak ena ippunitta heeb, na Kristus Jesusnu ootppa genab dooppe, Nug na eɗua awidkkunu elele daatte, na nai amu nid nakok daanna, digmen doona, na nai amu oh doottem, laa ippunidppig ele na doyadttem amunu, na amu dabmenan, aɗi keeke ippunidppig ele, nai amu aɗan oiye!