Taitus 1:5 - Nobonob Baibel

⁵ Da na Krit nudppa daakkutnu uuidmi amu, amunu diig amu da anukka na amenppa ami amubia, na dahil uɗat pehettan tuɗidna, elele mettan, na Kristen tamaniak ooppa aab aben abenppa ikki danab otiadkkutnu appa uuidmi.

Taitus 1:5 Referans Kwoze

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

1 Timoti 1:3

Haen da Makedonia gokkulnu dayeye, nai da na amenppa ami amubia da baula nahip dabmak maɗetten, amenppa attem. Epesus appa, danab laala ag hambuppuak nai danab ah ippunadna madatteb amunu, na appa daanna, danab amu ag anam ii amananu haknunab nai appe doyeg!

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

1 Korint 14:40

amge ag Kristen tamaniak ooppa, qagmak ahilag, amuam elelenabib daakkunu, ag tutukku heig!

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

1 Korint 11:34

Ag mauhnoak ee latteb amubia tuɗidna labeppeg, Kayak epeɗiak baubau mattamanu amu, laa nug enug qeeb nug nukka nug laugppa ee lanaɗ! Keeke laalanu da ag dim lamittaknu nai ag amelagppa akkulnu daatteb amu, dimppa da eɗue ahilagppa ukke, appa da madippi dooglag.

Aposel 27:21

Anam dayeye, aria deɗ kuɗum ag ee ii lappig; baalag qetom. Amu dimppa anam daaegeg, Pol nug aha, hippaitta aum. “Danab ag da tatam nai ami dim lamidna Krit ii uulob, ig appa daalom am ena. Anamlob amu ig qagaiettak imu ii anidlom. Amu keeke oh padal ii melo,

Aposel 27:12

Ilon amuppa amu ulah naɗi haenppa uub eeɗa daakkunu amu aben ena iitta amunu, uubppan danab kuɗum ag aben amu eɗidna gokkulagnu appig. Ag gona, Piniks tena, aben amuppa oug haenppa daaglagnu oolag dayom. Piniks amu Kritnu ilon laa, amuppa amu ulah heeb, lokkuma dayaknu aben ena.

Aposel 27:7

Aria ig ahat, uub amu huana ii ugekke, deɗ laala qinonob gota gota, Nidus gukkuidta gomut. Aria ulah nug he, ig ib gokkunignu dabmemut am elele iitta amunu, ig nud Krit heqo laih ulah huana ii ukkomppa gota, Salmone gukkuidta temut.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aisaia 44:7

Aun laa da hemi bia laa heum daattete? Anam dayeb amu, nug mattiaɗ! Ao, laa anam heum dayeb amu, aria nug da noolppa dayaya, amunu oh mattieb doyei! Aun aɗi ag anukkanab keeke ii beumnu haenppa mattieg doomut? Aun aɗi ag butti aɗi attem bekku amu madippeg doognig.

Kolosi 2:5

Da ag ele oh ii daattem, amge da dahil dabmakppa amu da ag ele oh daattem bia doyeye, da ag uɗat ena tutukku hena, ag Kristusnu oolagppa genab ɠagattag dootteb ele amu, da amu oh anidttem amunu da enanagnab doottem.

Aposel 2:11

Ig laa am Juda, amu laa ag Juda dilag mettid dim lamidtteb. Amu ig Krit, amu Arebia appanu ele uɗimut. Uɗit, ig oh ig nainkad aben abenppa Kayak uɗat enanag haattomnu mehuqegeg doottem,” aon appig.

1 Stori 6:32

Danab amu ag uɗat amu digmena heppig amu, haen amuppa, mettid haknu peh lag danab ah appa qagmetteb ele, lag amu dayom. Ag lag amunu haɗap-ppa daanna, ahiettakppa danab ah Kayaknu ehanittak madappig. Ag amuppa heegeg ukke ukke, Solomon nug Yawenu mettid lag Jerusalem appa ha male, ag Yawenu mettid haknu peh lagppa uɗat amu uun, Yawenu mettid lag, amuppa heppig. Ɗo atten atten ag uɗat amu hekkulagnu dayom amu, ag ɗo amu dim lamidna heppig.

Aposel 27:13

Am dimppa ulah yau uɗiom, nug am ɠagattagnab ii heum amunu, ag appig. “Ig onig dayom bia, ulah imu uɗitte amunu, ig ilon imu uut laih gokkunig,” aon mattina, ag anka eeɗeg te, ig Kritnu langib aiɗta gomut.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

Taitus 1:12

Anukka Krit danab ag ahilag propet laa nug nukka kobol amunu aum. Nug inam aum. “Krit danab ag nai hambuppuak danab ah. Ag am doɗ dakkuɗ nau, ag ee huanak lanana, bahilag ele yaatte,” awa aum.

Lewitikas 14:42

Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.