Biblia Todo Logo
Bib sou entènèt

- Piblisite -




Solomonnu Ahi 1:8 - Nobonob Baibel

8 O ah dahil, na am ah enanag, iɗun tuqaknab ele, ah laa oh eɗattak. Amu na da adeppa daakkulnu ii doottem dayeb amu, na sipsip dahilad baelag mattan gona, sipsip gumak danab ag ahilkad peh lag daattebppa tena, na meeme nakkud nahip appa gikkiɗah lakkulagnu atognoatte!

Gade chapit la Kopi




Solomonnu Ahi 1:8
25 Referans Kwoze  

O ah iɗun tuqaknab ele, na ah iɗulag tuqak laa oh eɗattak daattem amu, laa nug nahipnu oo mauhtte ele, nug adeppa ukkom daatte? Ig na nug madippeppe, ig ele nug mattita anidta mettagnignu amu, na appe, nug ib atten awa ukkom appe dootu!


Na am ah iɗun tuqaknab ele, am laa na nuhignu oot mauhtte ele amu, nug danab laa oh attem eɗadtte. Ge, laa na nuhignu oot mauhtte ele, am nug danab laa oh attem eɗadtte amunu, na ig wan yaat mettata, nai amu akkunignu ɠagattag ig amenigppa attem amu, na amunu diig appe, ig doognignu oɗ medattem.


Sarah nug Abraham oɗe doya, nuhignu, “Naɗi dahil,” awa attom. Amu ag gemu daatteb ele, ag kobol ena baɗak iitta ele hetteb dayeb, ag nug aɗekkud daatteb.


O lailad, eheɗ hettak doya, oo bodoettak dayaya maokkunu kobol, ag amunu antte oo maittak kobol laa anidkkulagnu anukka propet ag Naɗi onigppa nai mehuqttappig ag daulagppa doaɗ!


Anukka ig alanig Abraham, nug bekka Aisak mana mettak qaɗab attan mewowa, mana Kayak medakkunu heum amunu, haen amuppa Kayak Nug kobol nuhig antta, nuhignu, “Genab tutukku hak danab,” awa aum.


Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!


Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!


amu Kristen tamaniak Nug noobppa enanagnab, dubuttid, o keeke nau laa ele iitta, enanag, oppiaawak, ooppa kaliak laa iitta ele, ba dayebeb aokkunu, Kristus Nug bau dayak nuhig uua mauhom.


Am da Kristus Nug kobol aɗi aɗi heum ele andette, da kobol amu dim lamidttem, amubia ag ele da aniɗnana, da hettem bia heig!


Ag ee lana malona daaegeg, Jesus Nug Pita oɗ mettom. “Saimon, Jon bekka, na imu eɗattak dahilnu oot mauhttete?” awa aum. Anam a amu Pita aum. “Naɗi na doottem. Da nahipnu ool mauhtte,” awa aum. Pita anam a amu Jesus aum. “Na dahil sipsip nakkud bekkadna meɗe!” awa aum.


Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.


O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.


O ah dahil, da nahipnu ool huan mauhtte. Na ah iɗun tuqak ele, enanag daattem; na beɗun ohppa laih laa anttaknu nau nakok laa ii daatte.


O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag enanag, amu na amen ele, na iɗun hautak dimugppa anamnab daattep; na ikkin uɗug ele am anttaknu enanag. Amu meeme ameg laa ag qauko onig Gileat heqoppa nenan ukkaegeg, danab enanag anadtte bia daatte.


Laa nug dahilnu oo mauhtte ele, nug da amelppa aum; “O ah dahil, da nahipnu ool huan mauhtte. Da nahipnu amu, na ah iɗun tuqaknab ele doottem. Na am anamde, na niiak abenppan ahappe, ii goɗa oignih.


O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag am enanag, amu na amen ele anamnab daattep.


Ag da laulppa deɗ anen anen ohppa uɗin, dahil nai doyeg; Ag anam hena amu, ag itittak ena aoglag.


⌊Wan laappan⌋ king aɗeg amu, nug nuhig neekkak am enanagnab, amu nug lag oo nuhigppa daatte. Nuhig lamen am muɗi golppa hak, muɗi laa ele, amuppa koitak daatte.


Na am ah iɗun tuqaknab, amu ⌊Israel⌋ dilag king nug amunu enanagnab dootte. Nug am nahip naɗi amunu na nug binag okkai mette!


Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.


Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.


Swiv nou:

Piblisite


Piblisite