Solomonnu Ahi 1:3 - Nobonob Baibel

³ Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Solomonnu Ahi 1:3 Referans Kwoze

Eklisiastis 7:1

Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Solomonnu Ahi 4:10

O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Sam 133:2

Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Sam 45:14

Nug nuhig bala enanagnab me dayeye, ag nug omalna, na king, ag nahip-ppa uɗitteb. Nug dimugppa ehanittak ah nuhikkud, ag nug omaleg uɗitteb.

Matyu 25:1

Haen amuppa Kayaknu ɗo maɗoɗ amu ah makkun eblaih tanig ele, ahilag hak bia daakku. Amu ah makkun amu ag ahilkad lam aon, danab laa ah aokkun heum ele amu, nug ameg meegeg, nug ibppa uɗieye, ag ahan gona, ibppa uɗa tena anidna omalppeg, ah nuhig laugppa gokkulagnu daappig.

Solomonnu Ahi 5:13

Nug hippeg laih laih oh am spais digdig muttuɗilag enanag ele dadppa daatteb, nug hibekuɗ amubia daattep; nug otti am bala lili, mir huanak bala haɗagppa ataɗa nak daatte bia daattep.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Solomonnu Ahi 5:5

Nug anam he doyen, da gamag ahak huanak am doye, da laa dahilnu oo mauhtte amu, da od matulen medakkulnu ahai, goɗen muttuɗig enanag onig mir da eppelppanu toɗotoɗoetta neum. Ge, da goɗen muttuɗig onig mir huanak dakka laidmi, amu goɗen amu eppel doɗoppanu neene, da manak qaknu keeke matulkkunu aɗami.

Eksodas 33:12

⌊Amge Moses nug qaukoppa dayeye, Yawe Nug Moses danab ah amu anuqa omalatta ukka, wan laappa tekkunu a⌋ amu, Moses nug Yawe amegppa aum. “Na da amelppa da danab ah imu anuqen omalatte, ahilag wanppa gokkulnu attem, amge na da aun nug da ehaniɗeb gokkunig amu, na amunu da amelppa ii ame. Na amunu ii ame, amge na, ‘Da na dooitte aute awe, am da nahipnu ena doottem,’ ame

Solomonnu Ahi 6:8

Da king, da waalad oolagppa kuin 60 daaloblob; aria, da waalad oolagppa da waalad amge waaladnab iitta 80 daaloblob; amu ah makkun ebqaknu elele iitta da waalad daaglagnu diilomnu elele daaloblob; ⌊ah amu oh oolagppa da ah dahil imunu anuqak doolom.⌋

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.