Sekaraia 9:8 - Nobonob Baibel

⁸ Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.

Sekaraia 9:8 Referans Kwoze

Aisaia 54:14

Ag genab tutukku hak kobol dim lamidnana, tutukku, ɠagattag anamib daaglag. Yawe Nug heeb, keeke laa ag baɗaglagnu ii daama amunu, eheɗ hak laa eppelagppanu amu, eheɗ hak amu ahilagppa bekkunu aib dabmeppig. Ao, Yawe Nug heeb, baɗak nau ag gukkuattak ii daama amunu, ag baɗak naunab ahilagppa bekkunu aib dabmeppig!

Aisaia 60:18

Da amu heppi, ag wanelagppa laa nug layag eheɗ ii hetama. Ao, laa nug ag oolagppa danab, o keeke laa heeb ii nauhma. Amu ii daama, kobol enaib daakku. Ag aab okkainu aɗ onig, ‘Yawe Nug ehanikke, ig padal ii memut,’ ataɗkkulag. Amu ag aɗnu od onig, ‘Ig Yawe binag metu!’ ataɗkkulag.” Yawe Nug anam atte.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Amos 9:15

Da heppi, Israel danab ah ag ahilag wanppa daaglag, danab nug ad laa eppe, ba daatte bia. Da heppi, laa nug Israel danab ah ahilag wanppanu baula diia ii goma. Da wan amu ag mattami.” Yawe, Nug am ag Israel, ahilag Kayak, Nug anam awa atte.

Esekiel 39:29

Amu da baula dahilad danab ah ii dimadapa. Iitta. Da dahil Ouɗi ahilagppa daakkunu madappi, ahilagppa daakku.’ ” Naɗi Yawe Nug anam atte.

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Aisaia 31:5

Amu ai anig nug aɗi keeke laa teɗ nuhig heeb nauhman boppala daatte, amubia Yawe Nukka Ɠagattag Oh Ele, Nug Jerusalem padal memanu ehanidkku. Nug nuhig guppiɗ daya ehanitteb, padal ii mema. Ao, Nug laa ag heppeg qagaiettak daamanu ehanitteb, ena daakku.

Sam 72:4

King nug daɗek danab ah hettoɗiakppa ehanadkku. Ao, nug nid naunau ag anilkad mamelkad keekenu tutu meppig daatteb amu, nug ag ehanatteb, qagaiettakppa ii daamna. Ge, nug laa ag daɗek eheɗ hadatteb ele, nug ag tappalatteb nokkulag.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Eksodas 3:9

Antte! Da Israel danab dilag gayak doyen, Isip danab ag layag ɠagattag iitta ele eheɗ hettak kobol dim lamidnana, Israel dilagppa kobol eheɗ hetteb ele anidmi,

Revelesen 20:9

⌊Aria, da imu ele anidmi.⌋ Daup huanak amu ag wanppan wan oh tonan gona amu Kayaknu danab ah oppiaawak ele dilag aab okkai, aab amunu Kayak Nug oo mauhtte ele, amu talilidppig, ge aab aɗu hab aabppanu na, ewatte mauhppig.

Aposel 7:34

Da Isip danab, ag dahilad danab Isip daatteb ele amu, ahilagppa kobol eheɗ huanak heegeg anatte, danab dahilad dilag aiqakkak ele doottem amunu, da ag ehanattena, ahilag uug amu autkkulnu nemi. Amu na ahe! Da na eɗun Isip gokkutnu meitti gottem,’ awa aum.

Sekaraia 14:11

Danab ah ag Jerusalem daaglag. Kekeɗ ag baula heppeg ii nauhmana. Jerusalem baɗak iittappa daaglag.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Jeremaia 46:13

Aria, nai imuam Yawe Nug Babilon dilag king Nebukatnesar nug Isip ele ban hekkulagnu uɗikkunu propet Jeremaia amegppa ana, Nug aum.

Jeremaia 46:2

Josaia bekka Jehoiakim, Juda dilag king, nug king abenab awa, nuhig king dayaknu maɗ waɗeleppa, haen amuppa Babilon dilag king Nebukatnesar, nuhikkud daup ele ag Isip dilag okkai, Paro Neko, nuhikkud daup ele Yupretis le guguittak, Karkemis appa ban hena, Nebukatnesar nug Paro eɗittom. Amge nug ii eɗittom haenppa Yawe he, Jeremaia nug Isipnu nai doyom amu, nai amuam inam.

Aisaia 26:1

Geha dimppa haen laa uɗieb, danab ah Juda wanppa daatteb, ag geha ahi imu ettaglag: Ig am aab okkai ɠagattagnab ele. Yawe Nug he, Padal ii maknu ehanittak nuhig am aab amunu aɗ, wan buue te aɗ itak ele daatte.

Aisaia 4:5

Amu Yawe Nug ⌊anukka lombigppa dayaya, Nug Israel Isipnu omalatta uɗiom bia,⌋ Nug heeb, lombig am Sion qaukoppa dayaya, tonakku. Amunppa amu, lombig boppala daakku, tuqan amu, lombig amuam aab bia eokku. Am danab ah ag mettid hekkulagnu qagmeppeg, lombig nug na, ahilagppa boppalkku. Aɗinu? Yawenu binag amahlak oppiaawak ele, binag amahlak oppiaawak ele amuam keeke amu oh tonatta, piag bia daakku.

2 King 24:1

Haen Jehoiakim nug Juda dilag king dayeye, haen amuppa Babilon wanppanu King Nebukatnesar nug nuhikkud ban danab ele ag uɗin, Juda ele ban heppig. Ag ban hena, nug Juda eɗatta he, Jehoiakim nug waappa dayom. Amge maɗ ewam dimppa amu, Jehoiakim nug Nebukatnesar waappa dayebeb, gumakkunu dabmak eɗue, nug Nebukatnesar waappa daakkunu uua, nug nuhig nai tappe neum.

2 King 23:29

Haen Josaia nug king dayeye, Isip dilag king Neko, nug Isip ban danab diie, Yupretis leppa Asiria dilag king ehanadkkulagnu goppig. King Neko anam he ukkaegeg, Josaia nug amunu nai doya aha, nuhikkud ban danab diie gona, Isip dilag king ele ban hekkulagnu ag uɗalag tekkulagnu goppig. Ag Megido aabppa ban hena, Isip ag Josaia qeeg mauhom.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Sekaraia 9:7

Da heppi, ag doɗ teppu, tiig ele baula ii lamana. Ao, ag ee laala ele, ag lamananu nai anak daatte amu, ag amu baula ii lamana,” awa atte. Keeke amu beeb, Pilistia danab ah oɗo yaak daaglag amu, ag Kayak noobppa dup nona binag mekkulag. Ag anam hebeppeg, Kayak Nug heeb, ag Juda oolagppa aab ikki laa bia daaglag. Am Pilistia danab Ekron daatteb, ag Jebus danab anukkanab heppig bia Juda ele laippu daaglag.

2 King 19:34

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.’ Yawe Nug anam atte,” awa aum.

Prowerb 3:25

Amu genab, na hanhan doyak dabmak ena ele, oo maittak awaknu ehah ele daut ii atieb, dim lamatkkut dayeb amu, Yawe Nug nahip guppiɗ daakku. Ao, Nug geha atognoitteb, na pelemppa ii temana. Nug anam hekku amunu, na uug naunab paha, laippun bettenu ii baɗamna. Ao, na padal mak, nau hak danab dilagppa bette amu, na amu baɗidna ii oimna.

Sekaraia 12:4

Deɗ amuppa da heppi, bannu hos oh ag eheɗnab baɗappeg, daup hos attan oinna ban hetteb amu, ag oh dabmak ahilag eɗatteb, ag kaaka daaglag. Ge, da Juda danab ah neekkatten atognoadkkul, amge da heppi, Juda dilag kekeɗ, ahilkad hos oh ag amelag gaɗuak daakku.” Yawe Nug anam awa atte.