Sekaraia 9:4 - Nobonob Baibel

⁴ Amge Naɗi Nug Tairnu keeke aɗitta aokku. Nug heeb, uub okkai, Tair dilag, ag yu ooppa nona nauhkkulag. Kekeɗ ag uɗin, Tair aab manadppeg ewa, iitta mekku.

Sekaraia 9:4 Referans Kwoze

Esekiel 28:18

Na keeke mee, danab laa uɗin daden metteb kobol nahip amu, amuppa na hipunin huanaknab, kobol genab iitta ele hewona, nahip kayak hambuppuak laulagppa dubuttid teum daatteb amunu, da hei, na nena qena padal meme, aab aɗu ad ooppa digma ewawa he, ad iitta mette amubia. Da hei, danab ah oh dilag neekkakppa na aab uhuɗ wanppa hamu daatte bia daattem.

Esekiel 26:17

Ag anam daanna, ag Tair danab ah, ag ahilag aabnu inam nai oo doyak ele akkulag. ‘O aab okkai, onin ele, daup ag uɗin, heeg nauhna autna aome. Danab nahip-ppa daappig ele ag amu, ag yuppa oiyak danab. Danab nahip-ppa daappig ele ag amu, ag yuppa oinna, ban ɠagattag heppig. O Tair aab, danab nahip-ppa daappig amu, ag heeg, yu ihippa wan laappan danab ag nahipnu baɗak eheɗ nau dooppig.

Amos 1:10

Tair danab ag amu heppig amunu, da heppi, ahilag aab Tair am aab eweb; Tairnu aab aɗ ɠagattagnab ele, aab amu ele ewatteb, iitta mekkulag.” Yawe anam awa atte.

Joel 3:8

Am da heppi, ahilkad nid danab, nid ahin ele ag Juda eppelagppa daappeg, ag diin gona heppeg, Sabea danab, ag uma daatteb amu, ag ag ahilkad maɗi nid daaglagnu daden maadna, diin gokkulag.” Yawe Nug anam atte amunu, am anam bekku.

Esekiel 28:16

Tair dilag okkai, na keeke kuɗum kuɗum mee, laa uɗin daden meegeg, na en huanak aona, na laa guittak nau mauhnoak mettak danab beme; na hipunin heme. Na heme amunu, da Kayak, da lamitti, na uɗa nak nau guittak ele qauko da daattemppanu ahan gome. Ao, da hei, na, na engel okkai-kerubim keeke gumadtteb bia daame amu, da hei, na da daattemppa, men amahlak okkai ele, aab dittiak bia daatteb, na amuppa ii daame.

Esekiel 28:8

Nahip kekeɗ ag oo doyak ii doon nittaglag. Ao, ag heppeg, na qep-ppa keeke, yu gamagppa mauhkkut.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Prowerb 11:4

Kayak Nug danab ah hipunin heegeg bu madatte, haen amuppa en okkai am danab ah ii ehanadma; amge genab tutukku hak kobol am danab ehanitte, danab ii mauhtte.

Prowerb 10:2

Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.

Aisaia 23:11

Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Sekaraia 9:5

Askelon danab ah ag Tair nauheb anidna, ag eheɗ baɗaglag. Gasa danab ah ag anidna, ag eheɗ nau dooglag. Ekron danab ah ele anamib. Aɗinu? Ag ena bekkulagnu dabmak aɗan oiglagnu ib laa ii anidmana. Kekeɗ ag Gasa danab ah eɗadna, king ahilag ele qeppeg mauhkku. Danab laa Askelon appa ii daama.