Sekaraia 9:3 - Nobonob Baibel

³ Aab Tair appa amu, ag ban haknu aben ɠagattag bappaidna malappig. Ag silwa huanak, gappud bia aoppig daatte. Ao, ag gol huanak, ibppa gappud daatte bia aoppig daatte.

Sekaraia 9:3 Referans Kwoze

Esekiel 27:33

Na ii nauhme haenppa wanppan wan kuɗum danab ah ag nahip keeke aonna, elele dooppig. Keeke laanu ag tutu ii meppig. Ao, na en huanaknab ele amunu, ag aoegeg, wanppan king ag nahip-ppa enub aonna, enub ele daappig.

Job 27:16

Nau hak danab nug silwa huanaknab, gappud bia aokkutai, o iitta, nug lamen huanaknab, danab ag wan sowelppa qagmetteb bia aokkutai,

2 Samuel 24:7

Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

Josua 19:29

Appanu tom nug eɗua awa, Rama ukka, aab okkai ɠagattag aɗ ele onig Tair, appa waum. Appanu amu, tom am eɗua awa, Hosa ukka, Mediterenia yuppa batom. Aksip, Uma, Apek, Rehop ele amu, aab amu oh ag wan atu amu guguittak daappig. Aab wan amuppa daappig, amu oh ebqak am 22. Aab naunau laala aab amu taliliattak daappig amu, ag aab amu ele ag madappig.

Aisaia 23:8

Tair ⌊am aab anuqak dayom amunu,⌋ appan danab ag heeg, laa king bia daappig. Tair danab ag keeke laihnu awa dadennu mak danab amu, ag king bekkod, ⌊keeke elelenab ele⌋ bia daatteb. Ao, Tair danab ag keeke laihnu awa dadennu mak danab, amu wan atu oh danab ah ag Tair danab ah dilagnu ag am binalag okkai ele doyadtteb. ⌊Anam amunu,⌋ laa nug ⌊kekeɗ ag⌋ Tair heppeg nauhkkunu maittak awom ele am aun?

Job 22:24

amu na gol nahip aon, gappudppa gokkaɗppe noob, o iitta na nahip gol Opirnu aome amu, na gol amu aon, oolnu noakppa men daatteppa gokkaɗppe ukkeb amu,

1 King 10:27

Solomon nug king dayom, haen amuppa amu nug silwa, ad sida ele huanak awa, Jerusalem uɗiom. Amunu haen amuppa silwa am men bia, ambak Jerusalem appa dayeye, amu ad sida gikkiak ele huanak, ambak, Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

1 King 10:21

King Solomonnu kap oh am golppaib hak, am nug lag enanagnab laa onig Lebanon Duppunu Lag Enanagnab, lag amuppan tappiɗ keeke, ag gol ena dubuttid iitta ele, amuppaib hak. Keeke laa ag silwappa laa ii heppig. Aɗinu? Solomonnu haenppa danab ah ag silwanu am keeke hamu bia dooppig.

Aisaia 23:11

Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Esekiel 26:12

Anam amu, daup amu ag Tair danab ah, ag ahilag en, ahilag keeke ele aonna, laulag ena ena amu loppaɗadna heppeg, nauhna autna aoppeg, daup ag aabnu men aɗ heppeg, kinipan neeb, akkan agappeg yuppa nokku.

Esekiel 27:34

Anam, amge nauhak haen nahip-ppa amu, na uub laa nauha, yu gamagppa noa ukka batakppanab noa daye, uubppan keeke oh, danab ah ele aakku oh padal metteb, nahip-ppa anam beum.

Job 3:15

Ge, da danab okkai, ag gol ag laulagppa mena, silwa huanaknab ele aon, aguppa meppig, da ag ele niilom.

Esekiel 27:27

Uub yu gamagppa nauha, le ooppa no, keeke oh padal metteb bia na padal mekkut. Uubppan keeke digdig, uub lamittak danab, uub babaittak danab, keeke laihnu awa dadennu mak danab, ban danab uubppa daatteb, danab aun aun uubppa daatteb ele amu, keeke amu oh, danab amu oh ele ag uub nauhe, ag padal metteb. Uub nauhe, yu ooppanab nona, padal metteb. Anam amu, O Aab Tair, nahip-ppa anambia bekku.

Esekiel 28:1

Amu Yawe Nug nuhig nai laa da meɗom. Nai amuam inam.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.