Sekaraia 9:2 - Nobonob Baibel

² Nai imuam Hamat, Damaskus guguittak daatte, aab onig Tair, aab onig Saidon ele, bu mettak nai imuam ag oh ele tonadtte. Appan danab ag akka ag, “Ig am doyak dabmak okkai ele” atteb.

Sekaraia 9:2 Referans Kwoze

Esekiel 28:12

“Danab bekka, na Tair dilag kingnu nai oo doyak ele imu nug amegppa akkutnu bappaidna, na, ‘Naɗi Yawe Nug inam atte,’ awona, na imu appe doyaɗ! ‘Tatam na laa ag aɗi oiyak, aɗi dayak, aɗi kobol keeke am oppiaawak ele anidkkulagnu, na amunu antte oo maittaknu danab daame. Nahip doyak dabmak ena ele am ambaknab dayom, amu nahip iɗu tuqak am oppiaawaknab ele.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Obadaia 1:20

Haen amuppa diia ukka laih me dayak danab ah Israelnu ag Kanan wanppa daaglag, ag wan aoppeg ukkeb ukkeb, Sarepat batak daaglag. Amu diia ukka laih me dayak danab ah Jerusalemnu gemu Separad daatteb, ag eɗun, ag wanelagppa uɗin, ag Negeb wanppan aab aon daaglag.

Amos 6:14

Ag eheɗ amu hetteb amunu, Yawe Kayak Nukka Ɠagattag Oh Ele Nug atte. “Da heppi, kekeɗ ag uɗin, ag eɗadna, Lebo Hamat appanu ukka ukka, oolnu noak Araba, appa batak ag eheɗ hattaglag.”

2 King 25:21

Ripla am Hamat wanppa dayom. Nebusaradan nug danab amu diia, Ripla ukke, King Nebukatnesar nug he, aqaeg mauhppig. Anam amu, Juda danab ah ag ahilag wan uun gona, Babilon appa diia ukka laih me dayak danab ah daappig.

2 King 23:33

King Neko, Isip dilag king, nug Jehoahas, Juda dilag king, nug Jerusalem appa king daamanu, nug Hamat wanppa, Ripla aabppa maniguittakppa meum. King Neko nug anam ha, nug he, Juda ag nug takis medappig; men doɗo medappig, nuhig melemel amu 3,400 kilogram silwa, am 34 kilogram gol.

1 King 17:9

“Na ahan, laih Saidon appa gona, Sarepat aabppa daye! Aab amuppa ah qab laa, da ah amu nug na eeppa ehanidkkunu tituanmi daatte,” awa aum.

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Jeremaia 25:22

Aria, da Tair, Saidon dilag king anen anen matten, da wan laala yu hippeg laihppa daatteb ele amu, da ahilkad king ele mattami.

Jeremaia 47:4

Aɗinu uug amu bekku? Pilistia danab ah oh iitta mekkulagnu haen aakku uɗiom. Ao, laa ag Tair danab ah, Saidon danab ah ele ehanadkkulagnu daatteb, ag oh iitta mekkulagnu haen aakku beum daatte,’ ” awa atte. Yawe Nug heeb, Pilistia danab ah ag nauhkkulag. Ao, Nug heeb, Pilistia danab, ag Kritnu uɗin daan, gemu ag oɗo yaak daatteb amu, ag nauhkkulag.

Esekiel 47:16

Appanu tom amuam ugakka, Beota, Sibraim ele tekku. Aab Sibraim am Damaskus, Hamat ele dilah tomppa daatte. Aria, appanu tom amuam ukka, Haser Hatikon tekku. Aab amuam Hauran tomppa daatte.

Esekiel 27:1

Amu Yawe Nug nuhig nai laa da meɗom. Nai amuam inam.

Esekiel 28:1

Amu Yawe Nug nuhig nai laa da meɗom. Nai amuam inam.

Amos 1:3

Yawe Nug inam atte. “Damaskus, ⌊Aram danab ippunigtte⌋ ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag Gileat danab ah eheɗ nau hadappig. Aram ag danab ee aeg mumuɗaknu keeke, aeg aenppa hak ele ee aeg mumuɗtte, Aram ag Gileat danab ah eheɗ anambia mumuɗadppig.