Sekaraia 9:16 - Nobonob Baibel

¹⁶ Deɗ amu uɗieb amu, Yawe, ahilag Kayak, Nug nuhikkud danab ah ehanatteb, ag ii mauhmana. Sipsip gumak danab nug doɗ nau laa nuhikkud sipsip heeb nauhmananu sipsip nuhikkud atognoadtte bia, Yawe Nug nuhikkud danab ah atognoadkku amunu, haen amuppa Israel danab ah ag Yawenu wanppa men daden nob okkainab ele king haɗppa amemɗiag aotte, amubia ag nuhig wanppa anam daaglag.

Sekaraia 9:16 Referans Kwoze

Aisaia 62:3

King nug nuhig king haɗ enanagnab dabmetta auta aotte, amubia Yawe Nug ag dabmatta, atognoatta auta awebeb, ag Nug eppegppa anam daaglag. Yo, king nug nuhig king haɗ men ele, men amuam enanag, daden nob okkainab ele, nug amu atognoa auta aotte, amubia ahilag Kayak Nug ag dabmatta, atognoatta auta awebeb, ag Nug eppegppa anam daaglag.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Hagai 2:23

Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Esekiel 34:31

Amu Yawe Nug atte. “Ag Israel, ag am dahilad sipsip. Ag dahil gikkiɗah dadppa daatteb. Ag dahilad danab ah daatteb, da ahilag Kayak daattem.” Naɗi Yawe Nug anam aakku atte.

Jeremaia 31:11

Aɗinu? Yawe Nug Israel danab ah qagaiettakppa daamnanu uhuqadkku. Ao, Nug nuhikkud danab ah kekeɗ ɠagattag eppelagppa dayaknu qagaiettakppanu eɗua uhuqak hekku.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Aisaia 60:3

Juda danab ah, amahlak Yawenu ahilagppa uɗitte amu, wanppan wan ohppan danab ag ahilag amahlak, amuppa uɗiglag. Ao, king ag aam buttua ba, wan atu oh amahlak medatte, amubia king ag amahlak okkai ahilag am anidkkulagnu uɗiglag.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Aisaia 40:10

Antteg! Naɗi Yawe Nug aakku uɗitte. Nug am ɠagattag okkai okkai ele. Nug geha nuhig ɠagattag okkai okkai eleppa danab ah gumadkku. Antteg! Nug nob ena nuhikkud danab ah madakkunu awa uɗitte. Nug geha nob ena danab ah anen anen ag aɗi heppig, amu eleleppa madakku.

Sepanaia 3:20

Genab, haen amuppa da qagmaadppi, ag oh laippu daaglag. Ao, haen amuppa da heppi, ag laih laihnu eɗun uɗin, ag appalkad diigppa daaglag. Amunu haen da ahilag neekkakppa heppi, ag eɗun ag wanelagppa ena daaglag amu, haen amuppa, kobol amuppa danab ah laa ag, ag Israel ahilagnu, ag am onilag, binalag ele dooglag.” Yawe Nug anam awa atte.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Jeremaia 23:3

Am da hei, danab ah dahilad ag wan laalappa gona, danab ah amu oolagppa oɗo yaak daatteb amu, geha da dakka danab ah dahilad amu ag huu ameg nakok daatteb, da ag qagmaadkkul. Da geha ag diie, omaladppi, ag eɗun wan ahilagppa uɗin daanna, am geha ag kuɗum menuadna, ag appatna, ag kuɗumnab daaglag.

Maika 5:4

Amu laa Israel gumadkku Nug hibaitta, nuhikkud danab ah, sipsip gumak danab sipsip nuhikkud gumadtte, amubia nuhikkud danab ah gumadkku. Nug Yawenu ɠagattagppa nuhikkud danab ah gumadkku. Ao, Yawe, Nug dagom onig ɠagattag okkai ele, Nug am laa Israel gumadkkunu Kayak; amu laa Israel gumadkku amu, Nug Yawe onigppa nuhikkud danab ah gumadkku. Nug ag gumadkku amunu, ag ena, baɗak iitta eleppa daaglag. Aɗinu? Haen amuppa Nug onig, ɠagattag elenu nai am aha ukkeb, wan ohppa gokku.

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Eksodas 28:9

Aria, ag men oniks aɗit diiatna, ag Israel bekkod 12 onilag amuppa otaɗppeg dayaɗ!

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Aisaia 54:12

Da heppi, ag bannu lag aɗppa daatteb ele, ag amu men enanag onig rubi, ag amuppa hekkulag. Aɗnu od oh am men daden nob okkainab ele, amuppa henana, ag aɗ ele amubia hekkulag,” awa atte.

Esekiel 34:11

Anam amu, Naɗi Yawe Nug inam atte. “Gumak danab nau ag amu baula ii hemana. Aɗinu? Da dakka da wain, sipsip dahilad ag matatun gona, piɗe piɗe daatteb amu, da ag mattialatte anatten, da diie atognoadkkul.

Esekiel 34:12

Sipsip gumak danab ena nug nuhikkud sipsip matatun goppig ele eɗua diia atognoadtte, amubia da dahilad sipsip atognoadkkul. Da ehanadppi, ag atu laih laih matatun goppig daatteb, ag appanu eɗun uɗin, ippa daappeg, da ag atognoadkkul. Deɗ da amu hekkulppa, deɗ amuam lombig hab oh tona dayeb, gatatu manak daakku.