Sekaraia 9:15 - Nobonob Baibel

¹⁵ Yawe Nukka Ɠagattag Oh Ele Nug nuhikkud danab ah dilag guppiɗ daakku. Nug ehanatteb, ag ahilkad kekeɗ men katapulppa mena aqan eɗadkkulag. Danab wain lanan etteb, amubia Yawenu danab ag kekeɗ eɗadna ekkulag. Yawenu danab ag ahilkad kekeɗ tiilag huana gokkaɗkkulag. Mana mettak danab nug doɗ mana, Kayak medakkunu haaha, doɗ tiig qaɗab daugppa gokkaɗtte, kekeɗ tiilag amubia gokkaɗkkulag.

Sekaraia 9:15 Referans Kwoze

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Eksodas 27:2

Ag henana amu, ag qaɗab ad akasia, amuppa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoiatteg! Ag ad piɗenu hoyadna, qaɗabppa aib atulppig; laippu heig! Ag amu oh hewona, ag qaɗab amu oh brasppa toneg!

Sam 78:65

Ag amu heeg, Naɗi Nug danab niia ahatte bia ahom. Ao, ban danab ɠagattag nug wain lawowa, niia aha ban huana hette, amubia Naɗi Nug ban ɠagattag heum.

Lewitikas 4:25

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:18

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa appa gokkaɗkku.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Korint 1:18

Amu danab ag oolagppa genab ii dootteb ele, ag ad emaitaknu nai dabmenan, nai amunu ag ahilag dabmakppa, “Amuam dabmak tutukku iitta,” aon atteb. Amge ig danab ah, Kayak Nug ig eɗua awikkom ele amu, ig ad emaitak nainu, “Amuam Kayaknu ɠagattag,” aot attem.

Sekaraia 14:20

Am haen amuppa danab ag aen ɗo naunau hos baalagppa aihadtteb ele, ag amu qaɗeppa, “Keeke imuam Yawenu, am nuhignu tituanak daatte,” yaaglag. Amu Yawe laugppa tappiɗ brasppa hak, mana mettak danab ag doɗ tiig amuppa aon gona, qaɗab tauɗ qedatteb, tappiɗ amuam Yawenu tituanak daatteb amu, Yawe laugppan ee haknu waa ag ele anamib Yawenu tituanak daaglag.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Solomonnu Ahi 7:9

Ge, na oɗen am wain enanag bia daakkunu ool daatte. Wain amuam laa dahilnu oo mauhtte ele, am nuhignu; nug layaya, enanag dookkunu ool daatte.

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

1 Samuel 17:45

Goliat nug anam a amu, Dawit nug nob ma aum. “Na qep elab, ban elab, am ban tutu ele aon, da ele ban hekkunihnu uɗime, amge da Yawe Nukka Ɠagattag Oh Ele, da Nug onigppa, da na ele ban hekkunihnu uɗittem. Nug am Israel ban danab dilag Kayak. Na nuhignu guhig ahaknu nai ame.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Job 41:28

Danab nug doɗ amu qekkunu lat doɗo ette dayeb amu, doɗ nug lat doɗo antta, baɗa ii ooltte; keeke hamuib dootte. O iitta, danab nug men ketapolppa ewa, doɗ amu qekkunu hette amu, doɗ nug keeke hamunab, ee aeg dappunkkeg beɗu yaakkunu hette bia dootte.

Sekaraia 14:3

Kekeɗ ag amu hekkulag, amge Yawe Nug aha ukkeb, nug wan amu, ahilkad daup ele ban hekkulag; Nug bannu deɗppa banppa dayaya, ban hette, Nug anam bia ag ele ban hekkulag.

Sekaraia 2:9

Anam amunu, da eppel humen heppi, wan amuppan begbeg maɗi nid, ⌊amuam Israel aɗi amu,⌋ ag ahan eɗadna, ahilkad keeke aon gokkulag,” awa atte. Amu beeb amu, ag ⌊Israel, ag⌋ Yawe Nukka Ɠagattag Oh ele, Nug da meiɗe uɗimi dooglag.