Biblia Todo Logo
Bib sou entènèt

- Piblisite -




Sekaraia 9:13 - Nobonob Baibel

13 Anam amunu, Juda danab ag dahil lat bia daaglag. Israel danab ag am lat doɗo dahil bia daaglag. Aab Sion am dahil qep elab bia daakku. Da heppi, ag Grik danab ele ban hena, ⌊eɗadkkulag⌋.” Yawe Nug anam atte.

Gade chapit la Kopi




Sekaraia 9:13
31 Referans Kwoze  

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.


Yawe Nug he, dahil nai am qep aeg elenab bia dayom; Nug keeke enanag laa danab eppegppa dayeye atognotte, Nug amubianab da atognoiɗom. Ao, Yawe Nug heiɗe, da lat doɗo aeg uɗat haknu babaittak daatte, da amubianab nuhig uɗat hekkulnu babaittak daaiyi, danab nug lat aeg nuhig abenppa ma atognotte bia, Nug da atognoiɗtte.


Da amu antten, da engel da nug ele nai mattimuɗ amu, da nug oɗ mettami. “Danab amu ag aɗi hekkulagnu uɗitteb?” awe oɗ mettami. Da oɗ mettai, nug aum. “Qeqeɗi waɗele ag wan laala ag heeg, Juda danab ah ag matatun gona daanna, uɗa nak nau dooppig, amu danab aenppa uɗat haknu doyak okkai ele, ag qeqeɗi waɗele amu heppeg, ag baɗak eheɗ nau doon, ag nena qena, nauhna autna aoglagnu uɗitteb,” awa aum.


O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!


Buɗiate noeh, nug daup danab laa oh qep elab aeg ele, Nug oɗeppanu doa ukkak daatte, amuppa aqom. Aqe, ai oh ag danab amu oh teppulkad laeg, oolag huanaknab dittiom.


Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.


Nug anam ana, Nug nai tuɗitta aum. “Na nai da attem imu Pergamum Kristen tamaniaknu ikki danab, nuhignu inam ye! Nai imu laa Nug qep elab aeg laih laih oh ele amu, nuhigppan uɗitte.


Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.


Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.


Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,


Kayaknu eɗua awikkak, ban danab ag ikkilagppa aen hat metteb, amubia ag aon mena, amu Kayak nai, nuhig Ouɗi madatte amu, ahilag qep elab daakkunu ele aon aɗeg!


Amu danab Yawe Nug ag Israel ehanatteg, qagaiettakppa ii daamnanu tituanadkku, huu amu ag qauko Sion, ⌊Jerusalem daatteppa,⌋ ag appa tena, ag Edom wan gumaglag. Amu Yawe Nug nukka, Nug ahilag king daakku.


Da ele hei, ag bekkalkad laa ag dahil propet danab bena daappig. Ao, da hei, ag bekkalkad laa ag dahilad danab, Nasarait atteb, ag anam daappig. O Israel danab ah, da genab iite attem?” Yawe Nug anam atte.


Sionnu nid bau, ahilagnu amu; anukka laa ag enanag, keeke golppa hak, ag ahilagnu anam dooppig. Amge gemu ahilagnu amu, laa ag, wan waa, aakkuib dootteb; ag keeke laa, waa keeke hak danab eppegppa heum, ag amubia ahilagnu dootteb.


Yawe atte. “Midia, ag am dahil daɗib bia. Ag am dahil ban haknu keeke. Midia, da na aɗaetten heppi, wanppan wan laala ag danab waa o aoɗtte, ag amubia daaglag. Da na aɗaetten heppi, ɗo maɗoɗ laala ag padal mekkulag.


Yawenu danab ah amu ag oɗelagppa Kayak binag menana, ag eppelagppa qep elab aeg laih laih oh ele aɗeg!


Yawe Nug am kekeɗ niɗamnanu ehanittak dahil daatte. Da Nug humidttem. Nugib ban haknu doyak awaknu ippuniɗtte. Ao, Nugib ban haknu doyak da meɗatte.


Swiv nou:

Piblisite


Piblisite