Sekaraia 9:11 - Nobonob Baibel

¹¹ Da hei, da ag Israel ele ig nug tituanta nai qakkamut. Amu nai qakkak dahil amu, am doɗ tiigppa ɠagattag qak dayom. Ig anam hemut amunu, diig amuppa da geha heppi, ahilagnu laa ag maniguittak danab moɗ naɗi le iitta eleppa daatte, ag amubia daatteb amu, ag amuppa ii daamna.

Sekaraia 9:11 Referans Kwoze

Aisaia 51:14

Da heppi, danab ag uug nau ele maniguittakppa daatteb amu, ag uhuqak paha aoglag. Ag maniguittak nau gatatu ele, ag amuppa ii mauhmana, eenu ele tutu ii memana.

Eksodas 24:8

Ag anam aeg amu, Moses nug tiig tappiɗ laalappa dayom amu diia, danab ah qaɗelagppa tauɗe ugekke, nug aum. “Yawe Nug nai amu oh matta, amu geha Nug ag ele nai amu atte bia, Nug ag ele nug tituanna nai qagatteb. Aria, tiig imu amu, am nug tituana nai qakkak nai amu ɠagattag qedatte,” awa aum.

1 Korint 11:25

Amu ag ee lana malona, Nug matu heum, amubianab Nug kap awa, Nug aum. “Kap imuppa da nug tituana nai qakkak bau da tiilppa hettem. Ag lanana, ag dahilnu dabmekkulagnu lanaknu kobol imu heig!” Jesus Nug anam aum.

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Aisaia 49:9

Na danab ah maniguittakppa daatteb amelagppa, ‘Dimittim doig!’ appe dooglag. Ao, na laa, ag maniguittak gatatu eleppa daaglag amelagppa, ‘Ag baula maniguadppeg, gatatuppa aib daappig!’ appe dooglag. Na anam heppe, ag eɗun wanelagppa gobeppeg, da heppi, ag ib daugppa ee elele anidna, ag qauko nakok, ee ii daatteppa ele ee anidkkulag.

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Mak 14:24

Ag laegeg amu Jesus Nug ag amelagppa aum. “Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Luk 22:20

Ag ee lana malona, Nug matu heum, amubianab Nug kap awa amelagppa aum. “Kap imuppa da nug tituana nai qakkak bau da tiilppa hettem. Da tiil ag ehanadkkunu gokkaɗttem.

Aisaia 58:12

Ag tutukku anam oiglag dayeb amu, Yawe Nug heeb, ag buɗulkad ag aab, lag keeke, laa ag anukkanab heeg nauhom, ag amu eɗun bappaidkkulag. Ao, aab, lag keeke, ag men ukku heeg nauhom amu, ag eɗun bappaidkkulag. Ag amu hebeppeg, laa ag ahilagnu, “Danab amu ag gilil he nauhak daatteb babaittak danab,” akkulag. Ao, ag amu hebeppeg, laa ag ahilagnu, “Danab amu ag ib, lag ele babaittak danab,” aon akkulag.

Sam 30:3

O Yawe, da mauhkkulnu heiyi, na hee, da ii mauhmi. Ao, da mauhak abenppa gokkulnu heiyi, na hee, da ii mauhmi.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Aisaia 42:22

Amge ⌊Israel⌋ danab ah imu amu, laa ag ban hena, ahilag keeke oh aoppig. Ag oh am doɗ pelemppa daatte, ag anam bia daatteb. Ag danab maniguittakppa daatteb, ag amubia daatteb. Ag ban danab ɠagattag ag laa dilag keeke aon gotteb ele, dahilad danab ah ag keeke laa aon goppig ele, ag amubia daatteb. Ag anam daatteb amu, laa nug ag ehanatteb, ag qagaiettakppa ii daamnanu am iitta. Yab danab ag keeke yab aon gotteb amu, dahilad danab ah ag keeke laa yab aon goppig ele, ag anam bia daatteb, amu laa nug, “Ag yab danab, ag eheɗ anam heppig. Ag danab ah amu paɗadppeg, ag eɗun, ag wanelagppa ukkeg!” akkunu iitta.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Revelesen 20:3

Engel nug anam ha, mat naɗinab baula maɗ 1,000 amu ooppa atu atunu danab ah ii hambuppualadmanu engel nug mat naɗinab mawe, moɗ oɗe noa ukka batak iitta eleppa no, od mana, qaɗeppa epponak keeke ɠagattag meum. Dimppa maɗ 1,000 maleb amu, laa nug od matula uhuqeb doa, haen tutuib nug aben ohppa oikkuoitte.

Daniel 2:29

O king, na niiak abenppa niinna, na dimppa aɗi bekkun daattenu dabmeeme amu, laa Nug dimppanu keeke he, miag atitte ele, Nug dimppa aɗi bekkun daatte am ippunittom.

2 Stori 7:17

Amu Solomon, nahipnu amu, na da noolppa, na mamen Dawit heum bia oinna, na dahil haknunab anak oh, dahil ɗo iɗu iɗu ele na dim lamidkkut dayeb amu,

2 Samuel 13:13

Na imu hekkut dayeb am dahilnu attemnab? Da uɗa nak nau guittak ele doyeye, uukkulnu ib laa iitta. Am nahipnu ele attemnab? Na imu hekkut am, Israel oh ag nahipnu, ‘Nug am danab nau,’ akkulag. Na kobol nau imu ii hemananu, na king oɗ medappe, da na waat daakkulnu ab, i ewau daagnihnu oɗ medattem. Aɗinu? Da doottem, na king oɗ medappe, nug da na waat daakkulnu am aib ii ama,” awa aum.

Luk 16:24

Anata amu enub danab nug ewa aum. ‘Mame Abraham, na dahilnu oot gai-iitta doon oot meɗan ehaniɗna heppe, Lasarus nug uɗia, nug eppeg hiqal nob nakok leppa ma, lemaɗulppa meeb, oug nakok maɗ! Aɗinu? Da aab gakkaɗak imuppa guittak naunab doottemde,’ awa aum.

Hibru 10:2

Amu ɗo nug heeb, danab ah ag elelenab bekkulagnu elele daalo amu, ag mana mettak baubau ii helob. Aɗinu? Danab ag mettid hetteb ele amu, ag mana mettak haen laippuppaib oppiak beppig doolob, ag hipuninnu beɗulagppa aab ele ii doolob, ag mana mettak uɗat baula ii helob.

Aisaia 24:22

Yawe Nug geha wanppan king aɗi oh qagmaatta, maniguittakppa maniguadkku. Ag danab maniguittak nau gatatu eleppa daatte, amubia maatteb daaglag. Ao, ag maniguittak anam daappeg, haen nakok elab ukkeb, ahilag nob awak haen ana beeb, nob nau madakku.