Sekaraia 8:21 - Nobonob Baibel

²¹ Aab laappan danab ah ag ahan gona, aab laappan danab ah amelagppa akkulag. Ahappeg, ig paha Yawe itigkkunu unuqidkkunignu Jerusalem tetu! Ig paha Yawe Nukka Ɠagattag Oh Ele Nug anidta, dim lamidkkunignu Nug mattignignu, ig Jerusalem tetu! Ig gokkunig amunu, ig oh gokkunignu ag ahappeg, ig oh gotu, aon akkulag.

Sekaraia 8:21 Referans Kwoze

Sekaraia 7:2

Yawe Nug Sekaraia nai imu mettomnu diig am, danab ah Betel daappig ele, ag Sareser, Regemelek, amu ahilti danab laala ele ag Yawe ehanadkkunu unuqidkkulagnu maatteg uɗippig.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Sam 103:22

Keeke oh Nug ag hattom ele, ag Yawe binag meig! Ag aben ohppa anam heig! Dahilnu amu, da ele Yawe binag humakkul.

Sekaraia 8:22

Danab ah wan atu kuɗumppanu, wan ɠagattag laalappanu ele, ag ahan, Yawe Nukka Ɠagattag Oh Ele, ag Nug mattina, dim lamidkkulagnu Nug mattiglagnu, Nug ag itadkkunu unuqidkkulagnu uɗin, Jerusalem tekkulag.” Yawe Nug anam atte.

2 Stori 11:16

Jeroboam nug anam heum, amge Israel danab laala, Israel dilag huu okkai ohppanu, ag nug waappa daappig, amge ag Yawe, Israel dilag Kayak, ag Nug mattin anidna dim lamidkkulagnu oolag heum amunu, ag Lewi buɗub dim lamadna, Jerusalem appa doɗ manadna, Yawe, Nug ag mamelkad aɗi dilag Kayak, ag Nug mettaglagnu goppig.

Aisaia 2:3

Danab ah huu kuɗumnabppanu geha ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Jeremaia 31:6

Aɗinu? Amu haen laa dimppa haen laa bekku, amu haen amuppa aɗi uɗitte anittak danab Epraim wanppa, qauko nakok daattebppa daatteb ag, ‘Ahappeg, ig Sion tetu! Ge, ig Yawe, ihinig Kayak, ig Nug gukuidtta gotu!’ aon ekkulag.” Yawe Nug anam atte.

Jon 1:37

Nug anam a amu, ippunittak awak danab aɗit aa Jon nai aum, aa dooya, aa Jesus dim lamitteheh,