Sekaraia 8:19 - Nobonob Baibel

¹⁹ Yawe Nukka Ɠagattag Oh Ele Nug inam atte. “Ag Juda ag kalam waɗeleppa, kalam tanig eleppa, kalam eblaih aɗitppa, am kalam eblaih laihppa ele, ag kalam amunu deɗ laala ee ohnu kud men daatteb amu, da heppi, haen amu oh ag qagmak gamag ahak ele bena daaglag. ⌊Amge ag da tutukku dim lamiɗppeg, keeke amu oh anam bekku⌋ amunu, ag doyak diig genabib, maɗoɗ kobol elenu oo mauhak doyeg!” Yawe Nug anam atte.

Sekaraia 8:19 Referans Kwoze

Jeremaia 39:2

Ag anam daan heeg ukke, Sedekaia king dayaknu maɗ 11ppa, kalam ebqak waɗele, kalam amunu deɗ eblaih waɗeleppa Babilon ag aab okkainu aɗ amu heeg, giɗo naɗi dayom.

Sekaraia 8:16

Amu Nug ele atte. “Amge ag Israel danab ah, ag imu hekkulagoitte. Ag akka ag ihuhun mattin, ag nai genabib akka akka ahilagppa mattieg! Ag aib nug buppuidppig. Hettoɗiakppa amu, ag nai doya mala hettoɗia epeɗia elele mettak kobol dim lamitteg!

Sekaraia 7:5

“Na wan imuppan danab ah oh, ahilag mana mettak danab ele amelagppa inam appe doyeg! Maɗ 70, kalam tanig eleppa, kalam eblaih aɗitppa ele ag ee ohnu kud mena daappig, amge ag heppig ele, ag genab dahilnu dabmena heppigte?

Sekaraia 7:3

Ag Yawe amunu unuqidkkulagnu otiadna, laa am ag propet danab, Yawe Nukka Ɠagattag Oh Ele laugppanu mana mettak danab ele keeke laanu oɗ mattaglagnu ele maatteg uɗippig. Ag oɗ mattan inam akkulagnu appig. “Ig Betel amu, ig maɗ kuɗum uɗie uɗie, gemu ele ig deɗ kekeɗ ag Kayaknu Mettid lag heeg nauhom, ag amu kalam tanig eleppa heppig amu, deɗ amuppa ig mahiak hetata, ee ohnu kud meta daattem, amge ig amu tuɗitta hekkunig am enate, o iittate? Ag appeg doognignu oonig daatte,” appig.

Jeremaia 52:4

Nug Babilon dilag king Nebukatnesarnu nai tappe neum amunu, Nebukatnesar nug nuhikkud daup oh ele ag ahan uɗin, Jerusalem danab ah ele ban heppig. Nebukatnesar, nuhikkud daup ele ag Sedekaia king dayaya, nuhig king dayaknu maɗ eblaih waɗeleppa kalam eblaih laih elenu deɗ eblaih laih eleppa uɗin, Jerusalem guguittak daappig. Ag appa haen tutu dayaknu aab kalan daan, ag Juda danab Jerusalem daappig ele ban hekkulagnu aab okkai amu talilittak bannu keeke bappaidppig.

2 King 25:25

Gedalaia nug anam dayom, amge maɗ amuppa kalam eblaih aɗitppa Netania bekka Ismael, nug Elisama alag, nug am king tiigppan laa, amu nug danab eblaih laih ele Mispa goppig. Ag gona tena, ag Gedalaia qeeg mauhe, Juda danab, Babilon danab ele ⌊nug ehanidkkulagnu⌋ nug ele Mispa appa daappig amu, ag ag ele aqaeg mauhppig.

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Esta 9:22

Nug ag deɗ aɗit amuppa ag lanak hobul okkai, gamag ahak okkai ele henana, ee hamu nug mettanna, ag daɗek ele ahilag daakkunu keeke hamu mattaglagnu aum. Amuam henana, Juda ag kekeɗ eppelagppan eɗua diiak amu daulagppa dookkunu aum. Haen amuam, ahilag haen nauhkkulagnu dayom, amge ag ahilkad kekeɗ eppelagppanu eɗua diiak aoppig. Ag oolagppa uug nau dooppig, amge ag eɗun, gamag ahak aoppig. Ag mahiak naɗi heppig am iitta me, gamag ahak aoppig.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Esta 8:17

Aab okkai ohppa, amu prowins ohppa ele, kingnu ɗo nai ukke amu, Juda ag gamag ahak okkai doonna, ag amunu hobul heppig. Amu danab ah kuɗum wan amuppanu, ag Juda, ahilagppa attem hekkulag, ag amunu baɗak dooppig amunu, ag Juda beppig.

Jeremaia 36:6

amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Sekaraia 8:18

Amu Yawe Nukka Ɠagattag Oh ele, Nug da, Sekaraia, Nug da nuhig nai baula meɗom. Nai amuam inam.

2 King 25:1

Sedekaia nug Nebukatnesarnu nai tappe neum amunu, Babilon dilag king Nebukatnesar nug nuhikkud daup oh ele ag ahan uɗin, Jerusalem danab ah ele ban heppig. Nebukatnesar, nuhikkud daup ele ag Sedekaia king dayaya, nuhig king dayaknu maɗ eblaih waɗeleppa, kalam eblaih laih elenu deɗ eblaih laih eleppa uɗin, Jerusalem guguittak daappig. Ag appa haen tutu dayaknu aab kalan daan, ag Juda danab Jerusalem daappig ele ban hekkulagnu aab amu talilittak bannu keeke bappaidppig.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Esekiel 18:8

Genab tutukku hak danab amu, nug danab laanu lonnu intres ii aotte. Ge, nug gane mettom, amu eɗittak laa ii aotte. Nug eheɗ hekkunu ib anidtte ele amu, nug ib amu uua, eheɗ ii hette. Danab aɗit laa aa nug qeeheh, bappaidkkunu nug nai doya mala hettoɗia epeɗia elele mettak kobolnu oo metta ii uuak doyaya, kobol amu dim lamitta bappaidtte.

Esekiel 24:1

⌊Nebukatnesar nug King Jehoiakin, amu ig laa ele awikka, Babilon wanppa diia ukka laih me dayak danab ah daagnignu uɗie daautut,⌋ maɗ eblaih ewam uue, maɗ eblaih waɗeleppa, kalam eblaih tanig elenu deɗ eblaih tanig eleppa Yawe Nug nuhig nai laa da meɗom. Nai amuam inam.