Sekaraia 8:12 - Nobonob Baibel

¹² Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Sekaraia 8:12 Referans Kwoze

Duteronomi 33:13

Moses nug amu awowa, nug Israel dilag huu okkai Josepnu imu aum. “Da Yawe Nug Josep buɗub inam itadkkunu ool daatte. Nug heeb, habppan le ahilag wanppa elele nekku. Nug heeb, le wan ooppanu qeppuɗia bekku.

Genesis 27:28

Kayak Nug na gu, wan ittag ele medakkunu ool daatte. Ao, Kayak Nug heeb, na ee kuɗum, iɗu iɗu ele daakkutnu ool hette.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Sekaraia 8:6

Yawe Nukka Ɠagattag Oh Ele Nug amu anana, Nug imu ele atte. “Anukka ag danab ah huanak daappig, gemu ag oɗo yaak danab ah daatteb, amu gemu ag keeke ena amu qinob bekkunu oolagppa elele iitta bia doon daatteb bia, amge diig amunu da Yawe, da ele anam doottemte? Iitta. Da hekkulnu elele!” Yawe Nukka Ɠagattag Oh Ele Nug anam awa atte.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Hagai 1:10

Yawe Nukka Ɠagattag Oh Ele Nug anam anan, Nug nai tuɗitta atte. “Ag amu hetteb, diig amunu gu ii ne, dattanu ee meu ii otte.

Joel 2:22

Doɗ dakkuɗ, ag ele aib baɗappig. Aɗinu? Gikkiɗahnu dadppa gikkiɗah bau digma bette. Laa amu, ad meu otteb ele amu, aakku meu otteb; ad fig, am muɗi grep aa meu ottep.

Jems 3:18

Danab ag maɗoɗ ikki daatteb amu, ag am danab ee eppowa meu aotte, amubia meu laa, amuam genab tutukku hak kobol, meu amu aotteb.

1 Korint 3:21

Nai amu aakku daatte amunu, danab laa nug danab binalag aib meum. Genab, keeke oh am ag ahilagnu daatte.

Hosea 14:5

Am Yawe Nug ele atte. “Baito habppanu wanppa na, ena ehanidtte, amubia da, Yawe, da Israel danab ah ehanadkkul; da anam heppi, Israel danab ah ag geha lili laa bia, nug haɗag mappata, bala enanag bette, ag amubia daaglag. Israel danab ah ag geha Lebanon appa ad sida laa bia nug diɗiud wan unuqagnab noak ele daatte, ag amubia daaglag.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Aisaia 61:7

Danab ah dahilad ag uɗa nak nau dooppig, amge Yawe Nug ehanatteb, ag enaib daaglag. Ao, danab ah dahilad uɗa nak nau guittak ele dooppig, amge dahilad danab ah ag keeke Yawe eppegppan aoglag, amuam ag aulag amu, ag amunu oo gamag ahak okkai dooglag. Yawe Nug anam ehanadkku amunu, ag ahilag wanppa daanna, Nug eppegppan keeke okkai okkai, tatam awak huan eɗittak aonna, ag hanhan oo gamag ahak doon oiglag,” awa atte.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Esekiel 36:12

O Israel dilag qauko, da heppi, dahilad danab ah, Israel, ag ag qaɗelagppa oiglag. Ag hanhan ahilagib daanna, ag ag aulag daaglag. Ag qauko ag baula heppeg, Israel dilag nid naunau iitta ii memana,” awa atte.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Sam 72:3

Anam amu qaukoppa, ⌊aben laa ohppa ele⌋ maɗoɗ daakku. Ao, qauko nakok, amuppa, ⌊aben laa ohppa ele⌋ genab tutukku hak kobol nug daakku.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Sam 85:12

Yawe Nug genab keeke ena ig megakku. Nug mekkebeb, wan ihinigppa ee meu ena ena bekku.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Hagai 2:18

Amu Yawe Nug amu awowa, Nug tuɗitta atte. “Gemu am kalam ebqak eblaih waɗele, amu kalam imunu deɗ 24, gemu ag dahil mettid lagnu men ukku aakku hena malappig. Ag malappig amunu, ag dabmak pehettan aweg! Ao, ag gemu, butti aɗi ele pehettan dabmak aweg!

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Esekiel 34:28

Wanppan wan laalappan danab ag baula uɗin, eheɗ hattana, ahilag keeke akkan ii gomana. Doɗ dakkuɗ nau ele baula aqan ii lattamna. Dahilad danab ah ag baɗak iittappa daappeg, laa heeb baɗaglagnu laa ii daama.

Esekiel 36:9

Aɗinu? Ag qauko, da ahilagnu dabmettem; da ag ena neekkadkkul. Danab ag ahilag wan buunna, ee eppaglag.

Joel 2:19

Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.

Sepanaia 3:13

Israel oɗo yaak danab ah daaglag amu, ag eheɗ ii hemana; ag hambuppuak nai ii mattimna, layag laa ele ii buppuidmana. Aɗinu? Ag sipsip ee lawona niitteb, amubia ag daanna, ag uug laa ii doomna; laa heeb, ii baɗamna.” Yawe Nug anam awa atte.

Malakai 3:11

Amu Yawe Nukka Ɠagattag Oh Ele Nug ele atte. “Ag da amibia hekkulag dayeb amu, oɗe nau, gawat nau ele, da heppi, ag ahilag dadppa ii noppeg, ag ee kuɗum ele daaglag. Da heppi, muɗi grep ii qaɗaiettamna; ag meu okkulag.