Sekaraia 7:14 - Nobonob Baibel

¹⁴ Da hei, ag wanppan wan uma, ulah kilibob he, keeke tamtam laih laih gona daatteb bia daappig. Da hei, ag gona appa daanna, ag aab diig danab iitta wan amuppa daappig. Hak ahilagppa ag heeg, wan ahilag am hele-etta auta autanab awom. Danab ah ag wan amuppa ii oippig. Israel danab ah ag heeg, ahilag wan enanag, ee meu huanak oum ele amu, wan amuam hele-ettak dayom.” Yawe Nug anam atte.

Sekaraia 7:14 Referans Kwoze

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Jeremaia 23:19

Danab nau hetteb ele amu, Yawe Nug amunu oppoɗi bak doyaya, Nug ulah huanak paha paha uɗitte bia ag bu madakku. Nuhig bu mettak am kilibob itoɗiaya nette, amubia nau hak danab qaɗelagppa daakku.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Sekaraia 2:6

Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Sepanaia 3:6

Amu Yawe Nug atte. “Da wanppan wan kuɗum hei, nauhna autna aoppig daatteb. Ao, da hei, ahilag ban haknu aben ɠagattag ele nauhppig. Da hei, ahilag aab okkainu ib amu, danab ah laa ag appa ii oitteb. Ao, da hei, appa auntai laa ii noa gotte. Ahilkad aab am nauhak daatteb. Danab o ah laa appa bau ii daatte.

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.

Habakuk 3:14

Danab amu, nuhikkud daup ag ahan, huan uɗin, ig danab ɠagattag iitta ele, ig daɗek danab lokkumta daamut, ag ig lamigppeg, ig oolta, tamtam daagnignu, ag ig iqappeg mauhkkunignu dabmena, gamag ahak doon, danab ee lab iitta mekkunu hette bia ihinigppa hekkulagnu daappig amu, haen amuppa na daup amu dilag okkai, na danab amunu ban gudkkud aɗan, nuhig ban gudkkud igippa yaae noum.

Nahum 1:3

Yawe Nug paha oo ii nauhtte, amge nuhig ɠagattag am okkainab daatte. Nug anam daya hette amunu, Nug danab eheɗ hetteb ele bu madakku. Nug ag uuatteb, bu ii awak ele iinab oimna. Ao, Yawe Nug oiyeye, ulah kilibob, ulah okkai laa ele oh ahatteb. Danab wan gappudppa oiyeye, baegppa gappud ahatte, lombig am anambia nug baegppa daatteb.

Amos 1:14

Amon danab ag anam heppig amunu, da heppi, Amon dilag aab okkai Raba aab eweb; Rabanu aab aɗ ɠagattagnab ele, aab amu ele ewatteb, iitta mekkulag. Kobol amu bekku amu, deɗ amuam bannu deɗ, danab ag ban henana, ban haknu ewak huana hebeppeg, uug mettak deɗ amuppa ulah huanaknab ele uɗikku.

Daniel 8:9

Aria qeqeɗi laappa amu qeqeɗi nakok laa beum. Digmakppa qeqeɗi amuam gai-iitta dayom, amge nuhig ɠagattag okkai maama, qeqeɗi amu yau uɗitteppa, kaɗag uɗitteppanu, wan enanag, Israel wan, wan amu ele ya aokkunu elab ukkom.

Jeremaia 52:30

Amu dimugppa, nuhig king dayaknu maɗ 23ppa nug Juda wanppa ukka, ban he, Nebusaradan, nug daup Nebukatnesar gumappig dilag okkai amu, nug Juda danab ah 745 diia ukkom. Amu oh ahilag ebqak am 4,600.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Jeremaia 36:19

Baruk ag amelagppa anam a, ag nug amegppa appig. “Na Jeremaia ele aa goya, aben adekkuppa aa lokkumak dayeɗ! Laa nug aa adekkuppa daattep amu, aa aibnab ippunidpiɗ!” aon appig.

Jeremaia 30:23

Antteg! Yawe Nug danab ah nau hetteb ele bu madakku. Bu mattak amuam Yawenu oppoɗi bak baaba, am ulah huanak eheɗ nette, o kilibob okkai nette, amubia daakku.

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 17:13

Huu laa wan laalappanu amu, ag uɗinna, oqotti naɗi, yu dubannu oqotti naɗi bia hekkulag, amge Kayak Nug alatteb, ag eɗun oolna, laih umanab gokkulag. Nug ag lamatteb, ulah qaukoppa ee aeg dappunkkeg mawa gotte, amubia ag ele eɗun oolkkulag. Ao, ulah gappud iwale gotte, amubia ag ele eɗun oolkkulag.

Sam 58:9

Danab waa aab gakkaɗaknabppa meeg dayeye, le pahanab ewa gakkaɗtte, amubia Yawe Nug paha heeb, nau hak danab, bau amu alag ele, ag iitta mekkulag.

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Lewitikas 26:22

Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Jeremaia 12:10

Danab okkai kuɗum ag uɗin, grep dad dahil tappan heppeg, dad amu nauhkku. Ao, ag uɗin, dad okkai dahil heppeg nauhkku. Ag wan ena dahil heppeg, am eɗua, hele-ettak, wan meu waknu nakokib elele, am anam daakku.

Esekiel 5:10

Da amu hekkul amunu, Jerusalem ooppa mamelkad anilkad ag nid ahilkad ladappeppeg, nid ag ele anilkad mamelkad lattaglag. Da ag bu madappi, ag kuɗum mauhkkulag. Amu laa ag ii mauhkkulag amu, da heppi, kekeɗ ag diin, wan laih laih miag, am uma ele gokkulag. Ulah keeke huma awa gotte, amubia kekeɗ ag heppeg, ag Juda ag matatun laih laih gona daaglag,” awa atte.

Esekiel 12:19

Na anam hena, na Israel danab ah Israel wanppa daatteb, na nai imu ag amelagppa inam appe doyeg! Naɗi Yawe, Nug danab ah Jerusalem appa, Israel wanppa ele daatteb amu, Nug ahilagnu inam atte. ‘Kekeɗ ag gona hebeppeg, ag baɗan, ee lakkulag. Ge, ag, “Uug imu iitta meeb, ig eɗut ena daagnig,” ag dabmak am ii aonna, le oug ahilag lakkulag. Aɗinu ag anam hekkulag? Danab amu oh Israel wanppa daatteb amu, ag laa guittak nau mauhnoak mettak kobol dim lamidtteb amunu, da heppi, kekeɗ ag gona, wan amunu keeke oh akkaglag; wan amu aakku nauha auta aokku.

Esekiel 22:15

Ag eheɗ anam heegeg uɗie, gemu ele hetteb amunu, da bu anam matten heppi, kekeɗ ag uɗin eɗadna hekkulag. Ag heppeg, ag gona wanppan wan laalappa daaglag. Ao, kekeɗ ag heppeg, ag matatun gona, wan laalappa daaglag. Ag anam daappeg amu da heppi, ag hipunin hak gemu hetteb amu, ag anam baula iinab hemana.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

Sekaraia 8:1

Amu Yawe Nukka Ɠagattag Oh ele Nug baula Sekaraia nuhig nai mettom. Nai amuam inam.

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.