Sekaraia 6:14 - Nobonob Baibel

¹⁴ Amu haɗ amuam Yawenu mettid lagppa appa, danab ah ag Heldai, Tobia, Jedaia, amu Sepanaia bekka Josaia ele dabmettaglagnu daakku.

Sekaraia 6:14 Referans Kwoze

Mak 14:9

Da genab ag amelagppa attem. Dimppa danab ag wan atu ohppa dahilnu Nai Ena adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.

Matyu 26:13

Da genab ag amelagppa attem. Dimppa danab ag wan atu ohppa dahilnu Nai Ena imu adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Sekaraia 6:10

“Juda danab ah Babilon appa diia ukka laih me dayak danab ah daatteb amu, ag silwa, gol ele Heldai, Tobia am Jedaia ele eppelagppa meppeg, ag gol, silwa amu aon uɗiglag. Ag amu hekkulag amunu, danab ewam amu ag uɗippeg, na gona, amu ag eppelagppanu awona, deɗ amuppaib na Sepanaia bekka Josaia laugppa ukke!

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Josua 4:7

Oɗ madappeg amu, ag inam appeg dooglag. ‘Yawenu Tituanak Nainu Kunup kontrak inak ele amu, kunup amu ukka, le daugppa dayeye, Yawe Nug he, Jodan leppa tak imuagppa, attan amuppanu le nekkunu ii heehe, kunup dayomppanu le ippu imuagppa, uppa qagmeum. Haen kunup amu Jodan le mataɗom amu, Yawe he, Jodan le amu otaɗe, nak iittanu eɗua le ibuppa nakok attan titiɗom. Anam beum amu, men amu Israel danab ah ag haen oh amunu dabmekkulagnu at daatte.’ Ag anam aon akkulag.” Josua nug ag amegppa anam aum.

Namba 31:54

Moses, mana mettak danab Eleasar ele aa ban daup ikki danab dilagppan gol amu diiya, mettid haknu peh lag danab ah appa qagmetteb ele, aa amuppa aoya nopiɗ. Amuam Yawe aɗi heum, amu Israel ag anidppeg, dabmak ahilagppa daakkunu at daakkunu mepiɗ.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Eksodas 28:29

Ag keeke amu oh anam heppeg amu, haen Aron nug Oo Gun Ele, nug oo amuppa gokkunu haaha, nug momo tonaknu lamen, amuam Yawenu dabmak doya, dabmak awaknu lamen amu, nug lamen amu uttu taub nuhig guguittak aakku takka, Israel bekkod onilag menppa daatteb amunu, Yawe Nug ag dabmadakkunu, nug ag onilag aakku awa, Yawe daatte abenppa gokku.

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

2 King 25:18

Nubusaradan, nug daup Nebukatnesar gumappig dilag okkai amu, nug Juda dilag mana mettak ikki danab Seraia, mana mettak danab Seraia waappa dayom Sepanaia, amu Yawenu mettid lag od gumak danab ewam ele maniguatta,

Sekaraia 6:11

Ag silwa, gol ele amu na medappeg, na ag eppelagppanu aon, na mana mettak danab haɗ laa amuppa he! Na haɗ amu hena malon, na aon, Jehosadak bekka Josua, nug mana mettak ikki danab daatte, na nug igippa me!